Bélidɔwesɛbɛ Fiézan 4:5 - Kazambale lé Sebe Sauunu 1979

⁵ Ka ye, maa Bale lé bélidɔwenu valé alé gɔnɔlawenu paa ka gi, Gakelebale, anlé Bale a pa an ’léé fɛan zo, a zo, kalé wo ta tawole we gi, tɛrɛ lé ka dan a kɛlɛ lɛ kazé nya, a ta.

Bélidɔwesɛbɛ Fiézan 4:5 ပူးပေါင်းရင်းမြစ်များ

Lɛrɛvɔ Sɛbɛ 71:17

Oo Bale, i we paale sia an gi an boroné la bléyi va fɔɔ kyɔ, Yé maa ilé we blɛnnu zuo fele sia fɔɔ kyɔ.

Fwile 18:20

’I Bale sɔnnénu valé alé bélidɔwenu paa munu gi; zi lé é a lé wo a ta tawo, ’bɛ valé we lé é a lé wa kɛlɛ, ’i wo bɔn‐in kini a nya.

Jérémi 11:6

Gakelebale lé an lɛ léma: ’I dére ’konu zana dɔɔ Juda flanu valé Jérusalɛm zinu ta, léé: ’Ka tɔné dɔ gipadére ’konu lɛ, yé ’ka wo ta tawo.

Ézékiɛl 20:11

Anlé bélidɔwenu valé an dére lé é a lé blami a ta tawo, vole é yuɛma we gi bɛ, maa wo nɔ wo lɛ.

Lévinu 19:19

’Ka anlé bélidɔwe lɛdɔma. Té ka nyanama pa wi gɔnɔ fié nya ékeva lo; té ka fɛwɔlɛ gɔnɔ fié vɔ kalé féi lo; té i kununu vɔɔle sɔ zén i ta lo.

Lévinu 26:46

Sɔnnénu koo, gɔnɔlawenu koo, bélidɔwenu koo, ’té Gakelebale wo kɛlɛ yee valé Izraɛlnu méléna Sinai gɔ nwiin bɛ, ’té Moizi wo fe, woo lé ke bɛ.

Lévinu 27:34

Bélidɔwenu lé Gakelebale a nɔ Moizi lɛ Izraɛlnu zé nya Sinai gɔ nwiin, wo lé ke bɛ.

Lévinu 7:38

Gakelebale a fe Moizi lɛ Sinai gɔ nwiin, yian nya lé é a fe Izraɛl lé nénu lɛ léé, ’wo da Gakelebale ban Sinai bwi la, a yi nya.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

1 Korent munu 11:28

Bɛwemalé mi faa do do ’é bɔn‐in dan ébo lé we ma, ’bɛ zuo yé ’é buru ble yé ’é kanagifɛ mini.

1 Korent munu 15:3

We bɛnu faa ’lɛ, wean wa paa an gi, yee lé maa a paa ka gi, yee lé ke léé: Krist ga kaalé we ma Bale lé sɛbɛ yɛrama;

Bélidɔwesɛbɛ Fiézan 11:32

Bélidɔwenu valé gɔnɔlawenu lé maa wo gɔɔn ka lɛ kyɔ, ’ka wo lɛdɔma yé ’ka wo ta tawo.

Bélidɔwesɛbɛ Fiézan 4:1

Sin, Izraɛl munu, bélidɔwenu valé gɔnɔlawenu lé maa a gona paana ka gi bɛ, ’ka tɔné dɔ wo lɛ. ’Ka wo ta tawo, ka vole é yuɛma we ma yé tɛrɛ lé Gakelebale, ka tranu lé Bale, a nɔ ka lɛ, yé ’é kɛlɛ kazé nya.

Bélidɔwesɛbɛ Fiézan 4:2

We lé maa a fena ka lɛ, té ka a taa do kpen pa lo, té ka a ke si a ta lo; naa, Gakelebale, kalé Bale lé bélidɔwenu lé maa a fena ka lɛ, ’ka wo ta we kɛlɛ.

Bélidɔwesɛbɛ Fiézan 4:4

Yé ka lé ka buvɔ Gakelebale ma, ka faa a é yuɛma kyɔ.

Bélidɔwesɛbɛ Fiézan 4:40

’Ka dɔ alé bélidɔwenu ta ma, yé ’ka a sɔnnénu pa ma; maa wo gɔɔn ka lɛ kyɔ; dé ka kɛlɛ, ka gi é dan nana lɛ, ka valé kalé nénu nya ka zuo, yé ka dan mɔn lɛ, tɛrɛ lé Gakelebale kalé Bale a nɔ ka lɛ, a ta.

Bélidɔwesɛbɛ Fiézan 5:1

Moizi Izraɛl munu faa laa yé é lé wo lɛ léé: Izraɛl munu, bélidɔwenu valé ka gɔnɔlawenu lé maa a wo fena ka lɛ kyɔ, ’ka tɔné dɔ wo lɛ. ’Ka wo pa ka ’wuo gi, yé ’ka wo ta tawo é zima ma.

Bélidɔwesɛbɛ Fiézan 6:1

Bale sɔnnénu lé Gakelebale, kalé Bale a fe léé, maa a paa ka gi, wo valé bélidɔwenu valé ka gɔnɔlawenu nya, wo lé ke ’ko. É léé, maa wo paa ka gi yé ka wo ta tawo, tɛrɛ lé ka dan a si lɛ kazé nya, a ta.

Bélidɔwesɛbɛ Fiézan 7:11

Bɛwemalé, a sɔnnénu valé alé bélidɔwenu valé ka gɔnɔlawenu lé maa wo gɔɔn ka lɛ kyɔ, ’ka wo lɛdɔma yé ’ka wo ta tawo.

Bélidɔwesɛbɛ Fiézan 8:11

’Ka yuɛ pa kabozen va, té ka gi é san Gakelebale, kalé Bale ma lo, yé a sɔnnénu valé ka gɔnɔlawenu valé alé bélidɔwenu lé maa wo gɔɔn ka lɛ kyɔ yé ka ’ka wo ta tawo lo lo.

Ébrunu 3:5

Naa, Moizi kɛlɛ yarapawelazan nya Kazambale lé kɔn faa gi bélé miwuozan zo, yé we lé Bale é dan a fe lɛ, é kɛlɛ a gi wenayezan nya;