Bélidɔwesɛbɛ Fiézan 4:44 - Kazambale lé Sebe Sauunu 1979

⁴⁴ Bélidɔwe lé Moizi a nɔ Izraɛl lé nénu lɛ, yee lé ke ’ko.

Bélidɔwesɛbɛ Fiézan 4:44 ပူးပေါင်းရင်းမြစ်များ

2 Minwiinzannu 17:37

Alé weplalenu koo, a déretawenu koo, bélidɔwe valé a sɔnnénu koo, wo faa lé é a gyɛ ka lɛ bɛ, ’ka wo kɛlɛ yé ’ka tawo wo yɛrama yifaama, yé té ka kana bale bɛnu lee lo.

Lévinu 27:34

Bélidɔwenu lé Gakelebale a nɔ Moizi lɛ Izraɛlnu zé nya Sinai gɔ nwiin, wo lé ke bɛ.

Malasi 4:4

Bélidɔwe lé maa a nɔ an wuozan Moizi lɛ Orɛb gɔ nwiin, a sele ’é dɔ ka gi; maa wepladére valé sɔnnénu fe a lɛ Izraɛl faa zé nya.

Mi Nɔnɔle 36:13

Bélidɔwenu valé ’é sɔnnénu lé Gakelebale a nɔ Izraɛlnu lɛ Moizi lɔlu nya, Moab lé fɛna pɛblɛɛna, Juudɛn yuu sɔnɔ, Jériko yara, yee lé ke bɛ.

WENÉNÉ LE JAN A GYE (Évangile selon Jean) 1:17

Moizi ɛ da bélidɔwe nya, naa, Jézu Krist ɛ da zin valé webozen nya.

Bélidɔwesɛbɛ Fiézan 1:5

Izraɛlnu a Juudɛn yuu zi ’ko, Moab tɛrɛ la yé Moizi bélidɔwe ’ko gi fele péli sia wo lɛ yé é léma:

Bélidɔwesɛbɛ Fiézan 27:26

Mi lé é ’ka bélidɔwe ’konu kɛlɛle lɛ sɔɔan lo, ’té é ’ka wo ta tawoo lo, ’té bale a é pale ’bɛzan ma; yé munu faa é dan a fe lɛ léé: Iin, ’é kɛlɛ a zo.

Bélidɔwesɛbɛ Fiézan 27:3

’Ka bélidɔwe ’konu faa gyɛ gɔlɛ ’konu ta, ’té dé ka Juudɛn yuu kini yé ka bɔ tɛrɛ lé Gakelebale, kalé Bale a nɔ ka lɛ, a ta, Gakelebale ka tranu lé Bale a fe ka lɛ fɛan zo, a zo. Tɛrɛ ’ko a tɛrɛ nyɔnɔzan nya.

Bélidɔwesɛbɛ Fiézan 27:8

Ka dan bélidɔwe ’konu faa gyɛ lɛ gɔlɛ ’konu ta, ’ka wo guru vɔ é zima.

Bélidɔwesɛbɛ Fiézan 33:4

Moizi bélidɔwe nɔ ko lɛ, Yee lé ke Jakɔbnu lé tɔnɔfɛ nya.

Bélidɔwesɛbɛ Fiézan 4:43

Flanu lé Moizi a si a va, wo lé ke ’ko: Bɛsɛɛ lé ’bɛ ke bwi gi fɛna pɛblɛɛna, Rubɛnnu lé tɛrɛ la, ’bɛ a do; Ramɔt lé ke Galaad tɛrɛ la, Gadnu va, ’bɛ a do; Golan lé ke Bazan tɛrɛ la, Manasénu va, ’bɛ a do.

Bélidɔwesɛbɛ Fiézan 4:45

Bale lé wenu lé Moizi a gɔɔn Izraɛl lé nénu lɛ, wo fwile Éjipiti tɛrɛ la zuo, alé weplalenu valé alé bélidɔwenu valé wo gɔnɔlawenu nya, wo lé ke bɛ.

Jozué 12:1

Minwiinzannu lé Izraɛl lé nénu guli dan wo va, ’té wolé tɛrɛ ke Juudɛn zi yirinwanazia, é sia Aanɔn yuu va fɔɔ yé é bɔ Eɛmɔn gɔ ma, ’bɛ valé yirinwanazia fɛna pɛblɛɛ nya, ’té wa si wo lee bɛ, wo tɔ lé ke ’ko: