Bélidɔwesɛbɛ Fiézan 4:40 - Kazambale lé Sebe Sauunu 1979

⁴⁰ ’Ka dɔ alé bélidɔwenu ta ma, yé ’ka a sɔnnénu pa ma; maa wo gɔɔn ka lɛ kyɔ; dé ka kɛlɛ, ka gi é dan nana lɛ, ka valé kalé nénu nya ka zuo, yé ka dan mɔn lɛ, tɛrɛ lé Gakelebale kalé Bale a nɔ ka lɛ, a ta.

Bélidɔwesɛbɛ Fiézan 4:40 ပူးပေါင်းရင်းမြစ်များ

Lɛrɛvɔ Sɛbɛ 105:45

Wolé a déretawenu kɛlɛle we gi, Wolé alé bélidɔwenu ta tawole we ma. ’Ka Gakelebale tɔ zin fe.

Fwile 20:12

I ti valé i bu lɛdɔma, ilé yinu kɛlɛle kiɛre we gi, tɛrɛ lé Gakelebale, ilé Bale a nɔ i lɛ, a ta.

Fwile 23:26

Né sɛrɛzan valé sɔnzan ’ka dan kɛlɛ lɛ ilé tɛrɛ la lo. Maa dan ilé ’yinu fan lɛ.

Bale Lé We Gifezan 8:12

Duowo, dé wenyanékɛlɛzan wenaané kɛlɛ gɔnɔ yɔ soru, yé é mɔn a kɛlɛnaoo, maa gi dɔɔ é ziin léé, munu lé woo kanaan Kazambale lee, wezin a wozé nya; woo kanaan a lee, azama.

Ézai 65:20

Né kiéné valé mi segele lé wo yi lɛ ’ka dan sɔɔ lɛ lo, ’bɛ ’ka dan kɛlɛ lɛ ana lo; dé lɛɛ yɔ soruzan ga, ’té né kiéné bɛ, yé wenyanékɛlɛzan lé a lɛɛ kɛlɛ yɔ soru, wo dan bale pa lɛ ’bɛzan ma.

Jérémi 11:4

Maa gipadére ’ko fe ka tranu lɛ, yian nya lé maa wo si Éjipiti tɛrɛ la foliɛwɔlɛ gɔrɔ gi, a yi nya, yé maa léé: ’Ka tɔné dɔ an dére lɛ yé we faa lé maa dan ka béli dɔ lɛ a nya, ’ka kɛlɛ. ’Bɛna lé ka dan kɛlɛ lɛ anlé munu nya yé maa dan kɛlɛ lɛ kalé Bale nya.

Jérémi 35:18

Yé Jérémi lé Rékab munu lɛ léé: Lai sunyanu lé Gakelebale, Izraɛl munu lé Bale léma: Ka ka ti Jonadab lɛdɔma, yé bélidɔwenu lé é a fe ka lɛ, ’bɛ valé wenu lé é a pla ka lɛ, ka wo kɛlɛ,

Jérémi 7:23

Naa, ka ye, we lé maa fe wo lɛ, yee lé ke ’ko: ’Ka tɔné dɔ an dére lɛ yé an dan kɛlɛ lɛ kalé Bale nya yé ka dan kɛlɛ lɛ anlé munu nya; zinu lé maa wo ta tawole fe ka lɛ, ’ka tawo wo ta, ka gi nanale we gi.

Jérémi 7:7

’té maa dan zi nɔ lɛ ka lɛ léé, ka nyana fɛkona, tɛrɛ lé maa a nɔ ka tranu lɛ, ana, lɛɛfaama a glɛ ’ka lo.

Lévinu 22:31

’Ka anlé bélidɔwenu lɛdɔma, yé ka wo ta tawo. Maa a Gakelebale nya.

Mi Nɔnɔle 10:29

Moizi lé é na ti Madian mi Réuɛl be Obab lɛ léé: Tɛrɛ lé Gakelebale a nɔle we fe ko lɛ, ana lé ko dan go lɛ bɛ. ’I da, kaa go, yé ko dan wezin kɛlɛ lɛ i lɛ, naa, Gakelebale a fe léé, é dan wezin kɛlɛ lɛ Izraɛl lɛ.

WENÉNÉ LE JAN A GYE (Évangile selon Jean) 14:15

Dé an sɔ ka lɛ, ’ka anlé bélidɔwenu kɛlɛ ma.

Éfez munu 6:3

yee lé ke léé, ’bé kɛlɛ, i gi nanale we ma yé i mɔn tɛrɛ la.

Bélidɔwesɛbɛ Fiézan 11:9

yé ka bɔalɛ léé, ka mɔn, tɛrɛ lé Gakelebale a fe ka tranu lɛ ébo ’nyɔɔnle nya léé, é dan a nɔ lɛ wo valé wo kulunu lɛ, a ta; é a tɛrɛ nyɔnɔzan nya.

Bélidɔwesɛbɛ Fiézan 12:25

Té ka ble lo, ka gi nanale we gi ka valé kalé nénu nya ka zuo, naa, we lé ke we drɔle nya Gakelebale yuɛ gi, dé mi ’bɛ kɛlɛ, ’bɛzan gi é dan nana lɛ.

Bélidɔwesɛbɛ Fiézan 12:28

We faa lé maa a fena ka lɛ, ’ka tɔné dɔ wo lɛ yé ’ka wo tawe kɛlɛ, ka gi nanale lɛɛfaama we gi, ka valé kalé nénu nya ka zuo; naa, we lé ke é zima valé é drɔle Gakelebale, kalé Bale yuɛ gi, dé ka ’bɛ kɛlɛ, ka gi é dan nana lɛ.

Bélidɔwesɛbɛ Fiézan 22:7

’i mianénu bu vo yé bé nénu saa ɛ si, ka gi nanale we gi yé kalé tɛrɛlayinu é kɛlɛ di.

Bélidɔwesɛbɛ Fiézan 25:15

Ilé kilo poa ’é kɛlɛ tegele ’kyɛ, yé ilé éfa ’é kɛlɛ tegele ’kyɛ, ka mɔnle we gi, tɛrɛ lé Gakelebale, kalé Bale a nɔ ka lɛ, a ta.

Bélidɔwesɛbɛ Fiézan 32:47

Naa, é ’ka boadére nya ka vazia lo; ka vo é yuɛma we lé; ’bɛ nya lé kalé yinu é dan kɛlɛ lɛ kiɛre, tɛrɛ lé é dan kɛlɛ lɛ kazé nya, kalé Juudɛn kinile zuo, ana.

Bélidɔwesɛbɛ Fiézan 33:25

Ilé laklénu ’é kɛlɛ foliɛwɔlɛ valé zéné nya ma, Yé ’i vo plɛplɛ ilé tɛrɛla faa gi ma.

Bélidɔwesɛbɛ Fiézan 4:1

Sin, Izraɛl munu, bélidɔwenu valé gɔnɔlawenu lé maa a gona paana ka gi bɛ, ’ka tɔné dɔ wo lɛ. ’Ka wo ta tawo, ka vole é yuɛma we ma yé tɛrɛ lé Gakelebale, ka tranu lé Bale, a nɔ ka lɛ, yé ’é kɛlɛ kazé nya.

Bélidɔwesɛbɛ Fiézan 4:2

We lé maa a fena ka lɛ, té ka a taa do kpen pa lo, té ka a ke si a ta lo; naa, Gakelebale, kalé Bale lé bélidɔwenu lé maa a fena ka lɛ, ’ka wo ta we kɛlɛ.

Bélidɔwesɛbɛ Fiézan 4:5

Ka ye, maa Bale lé bélidɔwenu valé alé gɔnɔlawenu paa ka gi, Gakelebale, anlé Bale a pa an ’léé fɛan zo, a zo, kalé wo ta tawole we gi, tɛrɛ lé ka dan a kɛlɛ lɛ kazé nya, a ta.

Bélidɔwesɛbɛ Fiézan 4:6

’Ka wo lɛdɔma yé ’ka wo ta tawo. ’Bɛ é dan kɛlɛ lɛ kalé wedɔɔle valé kalé gikinile nya munu yuɛ va. Wo dan bélidɔwe ’konu faa ma gun ’ma lɛ yé wo dan a fe lɛ léé: Bɛn blɛn do kpen ’ko, wo ɛ ke wedɔɔzannu valé gikinizannu nya.

Bélidɔwesɛbɛ Fiézan 5:10

yé munu lé Bale éé sɔa wo lɛ, ’té woo alé bélidɔwenu kɛla, a nyanai éé zén‐é wo ta fɔɔ yé é bɔ wo kulu wuru soruzan ma.

Bélidɔwesɛbɛ Fiézan 5:16

I ti valé i bu lɛdɔma, Gakelebale, kalé Bale a fe ka lɛ fɛan zo, a zo, yé ka dan mɔn lɛ tɛrɛ la, yé ka gi é dan nana lɛ tɛrɛ lé Gakelebale, kalé Bale, a nɔ ka lɛ, a ta.

Bélidɔwesɛbɛ Fiézan 5:29

Oo, bli ’ko duo ’é vo wo gi yifaama ma, yé ’wo kana ’é lee ma, yé ’wo ’élé bélidɔwe lɛdɔma ma, yé wo gi é dan nana lɛ yifaama, wo valé ’wolé nénu nya.

Bélidɔwesɛbɛ Fiézan 5:33

Tawobɛ lé Gakelebale, kalé Bale a gɔɔn ka lɛ, ’ka tawo a yɛrama ’kyɛ, ka vole é yuɛma valé ka gi nanale we gi, yé ka mɔn tɛrɛ lé é dan kɛlɛ lɛ kazé nya, a ta.

Bélidɔwesɛbɛ Fiézan 6:18

We lé é ke tegele valé é zima Gakelebale yuɛ gi, ’ka ’bɛ kɛlɛ, ka gi nanale valé ka wɔrale we gi, tɛrɛ zima lé Gakelebale ébo ’nyɔɔn ka tranu lɛ léé, é dan a nɔ lɛ ka lɛ bɛ, a ta,

Bélidɔwesɛbɛ Fiézan 6:3

Amalé, Izraɛl munu, ’ka tɔné dɔ wo lɛ, yé ’ka wo ta tawo é zima, ka gi nanale valé ka fanle we ma, Gakelebale, ka tranu lé Bale a fe fɛan zo, a zo, ’té é a fe é wo léé, é dan tɛrɛ nyɔnɔzan nɔ lɛ ka lɛ bɛ.

1 Timoté 4:8

Kazambale lé zi ta tawole ’é i kun ma. Mi kɔlɛ lé we kɛlɛle yé é a kun, a tɔnɔ a sɛ, naa, Kazambale lé zi ta tawole ɛ tɔnɔ ke yifaama; a ma blivolɛdére lé ke léé, éé mi bélié tɛrɛ la ’ko, yé gale zuo éé mi bélié é ziin.