Bélidɔwesɛbɛ Fiézan 4:34 - Kazambale lé Sebe Sauunu 1979

³⁴ Bale do éé kwa kulian léé, ’é bɛn do sié bɛn do méléna bélé fɛan zo lé é ka sié ’ko, a zoo? yé wo kɛlɛ ézé nya, mi gidanle koo, tɔmasenu koo, gyɛzorowenu valé gulidanlenu koo, wo nya, ’té éé bɛ soian, ’té éé bɛ plɛplɛ nagɔɔn‐an, ’té éé di kinié mi gi wenu kɛla, fɛan zo lé Gakelebale, kalé Bale a kɛlɛ ka lɛ Éjipiti tɛrɛ la yé ka a ye ka yuɛ nya, a zoo?

Bélidɔwesɛbɛ Fiézan 4:34 ပူးပေါင်းရင်းမြစ်များ

Lɛrɛvɔ Sɛbɛ 136:12

É bɛ plɛplɛ valé é bɛ soile nya, Naa, a nyanai éé zén‐é yifaama.

Lɛrɛvɔ Sɛbɛ 24:8

De ɛ ke Minwiinzan tɔbɔle ’ko nyaa? Gakelebale lé é ke plɛplɛ, ’té é ke gligli, Gakelebale lé é ke gligli gulidanle gi, yee lé.

Lɛrɛvɔ Sɛbɛ 78:12

É we blɛnblɛnnu kɛlɛ wo tranu yuɛ va, Éjipiti tɛrɛ la, Soan féinu ta.

Fwile 1:9

É lé élé munu lɛ léé: Ka yua, Izraɛl lé nénu a kɛlɛna kiɛre wo mini ko ta, ’té wo plɛplɛ mini ko ta.

Fwile 10:21

Gakelebale lé Moizi lɛ léé: ’I bɛ soi lai zia, yé gunu ’é dɔra Éjipiti tɛrɛ la ma, gunu tiritiri lé mi é bɔalɛ léé, é bɛ mane a ma, a nya.

Fwile 10:7

Faraɔn wuozanu lé a lɛ léé: Mi ’ko, é dan kɛlɛ lɛ ko kunsan nya fɔɔ bléyi kyɛn vaa? ’I daan munu ’konu ma, ’wo go ’wolé Bale bɔ. I ’ka a yé léé, Éjipiti guru a zanana a gi loo?

Fwile 13:3

Moizi lé munu lɛ léé: Yi ’ko nya lé ka si luu gi Éjipiti tɛrɛ la, a sele ’é dɔ ka gi ma; Gakelebale bɛ plɛplɛ nya lé é ka si ana. Buru lé lévɛn ke a va, té ka a ble ’bɛ yi ’ko nya lo.

Fwile 14:30

’Bɛ yi ’ko nya, Gakelebale Izraɛl si Éjipiti munu lee; yé Izraɛl Éjipiti munu galenu ye wɛyi gɔ la.

Fwile 15:11

Oo, Gakelebale, de ɛ ke bii zo balenu mélénaa? De ɛ ’lɛra sauun bélé bii zo, ’Té a tɔ bɔ yara lé, ’Té éé we blɛnblɛnnu kɛlaa?

Fwile 19:4

We lé maa kɛlɛ Éjipiti munu lɛ, yé maa ka si gola bɛanu la yé maa da ka nya an va fɛan zo ’ko, ka a ye.

Fwile 3:10

Sin, ’i go, maa dan i nwunvɔ lɛ Faraɔn va, yé i dan anlé munu Izraɛl lé nénu si lɛ Éjipiti tɛrɛ la.

Fwile 6:6

Bɛwemalé bé fe Izraɛl lé nénu lɛ léma: Maa a Gakelebale nya, nyanama blɛnnu lé Éjipiti munu a dɔ ka nwiin, maa dan ka vo lɛ kabo ma ’bɛ ma, maa dan ka si lɛ wolé luu gi yé maa dan ka si lɛ we gi an bɛ soile valé we blɛn blele nya.

Fwile 7:3

Yé maa dan Faraɔn bli kɛlɛ lɛ plɛplɛ yé maa dan anlé tɔmasenu valé anlé gyɛzorowenu gi gyɛ lɛ Éjipiti tɛrɛ la. Faraɔn ’ka dan tɔné dɔ lɛ ka lɛ lo.

Ézai 51:9

Gakelebaleoo, ’i nwa, ’i bɛ kun ilé zana ma, bé gyɛ. ’I nwa, bé kɛlɛ bélé é vinin zé zo, Bélé é li zé zo. Biian i Éjipitinu gyɛ loo? Biian i wi nyané blɛn fɔn loo?

Jérémi 21:5

’Bɛ zuo, maa ɛ dan guli dan lɛ ka va, an bɛ soile nya, an bɛ plɛplɛ nya, an bli flile nya, an wɛwɛ valé an bli tɔntɔn blɛn nya.

Jérémi 32:21

Ilé munu Izraɛl si Éjipiti tɛrɛ la, gyɛzorowenu valé we blɛnblɛnnu kɛlɛle nya, i bɛ plɛplɛ soile nya, é valé kana blɛn zénle nya wo gi.

Mi Nɔnɔle 20:16

Ko siaa Gakelebale lɛ, yé é ko dére ’ma. É lanje do pa ko lɛ zia, yé ’bɛ ko si Éjipiti tɛrɛ la. Yé bé ye, ko bɔ Kadɛs, ilé tɛrɛ glɛ la.

Bélidɔwesɛbɛ Fiézan 1:30

Gakelebale, kalé Bale lé éé tawoo ka ’lɛ, yeebozen é dan ka ta guli dan lɛ, we faa lé é a kɛlɛ ka yuɛ va Éjipiti tɛrɛ la, a yɛrama;

Bélidɔwesɛbɛ Fiézan 10:21

É a kalé fua nya, é a kalé Bale nya; yee ɛ we blɛnnu valé mitadanmawenu kɛlɛ ka méléna yé ka ana ye.

Bélidɔwesɛbɛ Fiézan 11:2

Wenu lé kalé nénu ’ka a ye lɛ lo yé wo ’ka a gi dɔɔa lo, a sele ’é dɔ ka gi ma. Gakelebale, kalé Bale lé welɛdɔle mi gi koo, é a blɛn fɛan zo koo, a bɛ plɛplɛ soile koo,

Bélidɔwesɛbɛ Fiézan 26:8

Yé Gakelebale ko si Éjipiti tɛrɛ la é bɛ plɛplɛ soile nya, ’té di kinié migiwe koo, tɔmasenu koo, gyɛzorowenu koo, ’té éé wo kɛla.

Bélidɔwesɛbɛ Fiézan 29:3

Migidanwe blɛnnu koo, gyɛzorowenu koo, we blɛnblɛnnu koo, ka wo ye.

Bélidɔwesɛbɛ Fiézan 33:29

Izraɛl, izé a néné, de ɛ ke bélé bii zoo? Munu lé Gakelebale wo si we gi, ka lé. ’Té yee ɛ ke ka botakuunfɛ nya, ’Té yee ɛ ke ka tɔbɔgwɔun nya, de ɛ ke bélé bii zoo? Ka nyanézannu wo dan ’wo ’wuo wɔra lɛ ka gane wuo, Yé ka dan wolé gɔnwiin yobannanu zɔn lɛ ka gane nya.

Bélidɔwesɛbɛ Fiézan 5:15

A sele ’é dɔ i gi léé, i a luu nya Éjipiti tɛrɛ la, yé ’yee Gakelebale, kalé Bale ka si ana é bɛ plɛplɛ soile nya; bɛwemalé Gakelebale, kalé Bale léé, ’i flinyi kɛlɛ.

Bélidɔwesɛbɛ Fiézan 6:21

ka dan a fe lɛ ka be lɛ léé: Ko a é vinin Faraɔn lé luu nya Éjipiti tɛrɛ la, yé Gakelebale ko si Éjipiti tɛrɛ la é bɛ plɛplɛ nya.

Bélidɔwesɛbɛ Fiézan 7:19

Gidanwenu blɛn lé wo kɛlɛ ka yuɛ va koo, gyɛzorowenu valé weblɛnblɛnnu koo, Gakelebale bɛ plɛplɛ lé ke é soile koo, we ’konu faa lé ka wo ye ka sile Éjipiti tɛrɛ la bléyi va, wo sele ’é dɔ ka gi ma; ’bɛ zo lé Gakelebale kalé Bale é dan a kɛlɛ lɛ, munu faa lé ka a kanana wo lee, wo lɛ.

Bélidɔwesɛbɛ Fiézan 9:29

Gakelebale, wa ilé munu nya, wa ilé tɔnɔfɛ lé, i wo si Éjipiti tɛrɛ la ilé plɛplɛ blɛn valé i bɛ soile nya, a nya.

Jozué 24:7

Ka tinu siaa Gakelebale lɛ yé Gakelebale gunu dɔra wo valé Éjipitinu méléna, é wɛyi zén wo ta yé é wo mini. We lé maa a kɛlɛ Éjipiti munu lɛ, ka ana ye. Yé ka mɔn bwi la.

1 Piɛri 5:6

’Kabo kɛlɛ kiéné Kazambale bɛ plɛplɛ wuo, yé dé a bléyi bɔ yé Kazambale ’é ka kɛlɛ blɛn;