Bélidɔwesɛbɛ Fiézan 4:31 - Kazambale lé Sebe Sauunu 1979

³¹ naa, Gakelebale, kalé Bale a nyanai zén mi ta Bale nya, yé é ’ka dan sɔn vɔ lɛ ka ma lo, yé é ’ka dan ka kulu ga lɛ lo; gipawe lé é a kɛlɛ ka tranu va, ’té ébo ’nyɔɔn a gi bɛ, a sele ’ka dan saan lɛ a gi lo.

Bélidɔwesɛbɛ Fiézan 4:31 ပူးပေါင်းရင်းမြစ်များ

Minwiinzannu lé Wezuofe Sɛbɛ 28:20

David lé é be Salomɔn lɛ léé: ’I dɔ gligli, ’i bli ta dɔ plɛplɛ, ’i we kɛlɛ; té i kana lo, té di é kini i gi lo. Naa, Gakelebale anlé Bale, é dan kɛlɛ lɛ i va; é ’ka dan i vo lɛ lo, é ’ka dan sɔn vɔ lɛ i ma lo, fɔɔ yé nyanamanu lé wo dan wo pa lɛ Gakelebale lé kɔn giwenu kɛlɛle lé we ma, yé wo lɛ é sɔɔ.

2 Minwiinmunu lé Wezuofe Sɛbɛ 30:9

Dé ka nɔla Gakelebale va é ziin, munu lé wo go ka bwenu valé ka benu nya luu gi, ’bɛnu é dan wo nyanai zén lɛ wo ta, yé wo dan da lɛ wo pa gi tɛrɛ ’ko la; naa, Gakelebale kalé Bale a mi ma we dɔɔzan nya yé a nyanai éé zén‐é. É ’ka dan é yara si lɛ ka ta lo, ’té dé ka da a va ka pa gi.

Néémi 1:5

yé maa léé: Gakelebale, lanu lé Bale, Bale blɛn, kana a lee Bale, bii lé ilé gipawe lɛsɔɔan, yé munu lé i sɔ wo lɛ, ’té woo ilé bélidɔwe ta tawoo, i nyanai éé zén‐é wo ta,

Néémi 9:31

Naa, ilé nyanai zénle blɛn gi, i ’ka wo kulu ga lɛ lo, yé i ’ka daan lɛ wo ma lo, naa, i a Bale lé, é mi mawe dɔɔ yé a nyanai éé zén‐é, a nya.

Lɛrɛvɔ Sɛbɛ 103:8

Gakelebale nyanai éé zén‐é, yé é mi mawe dɔɔ, A bli ’ka flian é kele lo, yé alé zin a blɛn;

Lɛrɛvɔ Sɛbɛ 105:8

Alé gipawe sele éé dɔa a gi yifaama, Alé blivolɛdérenu lé é wo fe mi kulu wuru soru zé nya, a sele a a gi.

Lɛrɛvɔ Sɛbɛ 111:4

A kɛlɛwe blɛnblɛn sele a munu gi, Gakelebale nyanai éé zén‐é yé é mi mawe dɔɔ.

Lɛrɛvɔ Sɛbɛ 111:5

Munu lé woo kanaan a lee, éé fɛblele no wo lɛ, Alé gipawe sele a a gi yifaama.

Lɛrɛvɔ Sɛbɛ 111:9

É ’élé munu tabo, Alé gipawe a é dɔle é dɔbɛ gi lɛɛfaama; A tɔ ’lɛ a; éé kana zén‐é munu gi.

Lɛrɛvɔ Sɛbɛ 116:5

Gakelebale a nyanaizénzan nya; é a tegele, Kozé Bale nyanai éé zén‐é blɛn;

Lɛrɛvɔ Sɛbɛ 86:15

Naa, bii, Mizan, i a nyanai zén Bale valé mi mawe dɔɔ Bale nya, I bli ’ka flian é kele lo; ilé zin valé ilé yarapale we ta, wa i gi blɛn;

Lɛrɛvɔ Sɛbɛ 86:5

Naa, Mizan, bii a é zin, i mi ma we voo, Munu faa lé wo i tɔ laan, wo va sɔlɛle a i gi blɛn.

Fwile 6:8

Tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo lɛ, maa dan go lɛ ka nya ana; maa dan a nɔ lɛ ka lɛ kazé nya; maa, Gakelebale ɛ dan a kɛlɛ lɛ.

Jérémi 14:21

I tɔ lé we ma, té i nyé yéli ko ma lo; Té i tɛrɛ zén ilé webleblin tɔ ta lo. Gipawe lé kaa kɛlɛ bɛ, té i gi é san a ma lo, té bé sɛrɛ lo.

Jérémi 30:11

Gakelebale léma: Naa, maa a bii va, i sile we lee we ma; Yé bɛnnu lé maa ka sɔɔla wo va, maa dan wo faa sɛrɛ lɛ tata, Naa, bii, maa ’ka dan i sɛrɛ lɛ tata lo, Maa dan we lɛdɔ lɛ i gi we tegele nya, Maa ’ka bɔa i vole lɛ é pla lo, é a lé maa we lɛdɔ i gi.

Lévinu 26:42

Gipawe lé maa a kɛlɛ Abraam va, a sele é dan dɔ lɛ an gi, yé gipawe lé maa kɛlɛ Izak va, a sele é dan dɔ lɛ an gi, yé gipawe lé maa a kɛlɛ Jakɔb va, a sele é dan dɔ lɛ an gi, yé tɛrɛ boen sele é dan dɔ lɛ an gi.

Lévinu 26:44

Naa, duowo, dé wa wo nyanézannu lé tɛrɛ la, maa ’ka dan sɔn vɔ lɛ wo ma lo, yé maa ’ka dan serele bo lɛ wo ma fɔɔ yé maa wo nyaa lo, fɔɔ yé maa anlé gipawe sɛrɛ wo va lo; maa a Gakelebale, wolé Bale nya, azama.

Lévinu 26:45

Gipawe kyɛn lé maa a kɛlɛ, ’té maa wo si Éjipiti tɛrɛ la bɛnnu yuɛ va a nya, an kɛlɛle wolé Bale nya we gi bɛ, a sele é dan dɔ lɛ an gi wo vazia. Maa a Gakelebale nya.

Jonas 4:2

É we ’ko laa Gakelebale lee yé é léé: Gakelebale, wean maa a fé turu, ’té maa a tan anlé tɛrɛ la, yeean é ke ’ko loo? Amalé é dɔ an gi léé, an go yɔɔ lɛ Taasis. Bii a Bale lé é mi mawe dɔɔ, ’té a nyanai éé zén‐é, ’té a bli ’ka flian é kele lo, ’té zin a a gi kiɛre, ’té éé bli nɔlaan we tɔntɔn kɛlɛle mi lɛ ma, a nya.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Mi Nɔnɔle 14:18

’yee Gakelebale bli ’ka flian é kele lo, ’é bli a é fanle zin nya; ’é weplekɛlɛzannu valé nwamimazannu ma we voo; ’é ’ka wegyɛzan voo é pla lo, naa, weple lé munu a kɛlɛ, ’é a dɔa wo néné valé wo nénézinénénu nwiin.

WENÉNÉ LÉ LUK A GYE (Évangile selon Luc) 1:72

’Bɛ zo lé a nyanai éé zén‐é ko tranu ta, ’té gipawe plɛplɛ sele éé dɔa a gi;

Bélidɔwesɛbɛ Fiézan 31:6

’Kabo dɔ gligli, yé ’ka bli ta dɔ plɛplɛ. Té ka kana wo lee lo, té di ’é kini ka gi wolé we ma lo; naa, Gakelebale, kalé Bale bozen é dan tawo lɛ ka va, é ’ka dan ka vo lɛ é pla lo, é ’ka dan sɔn vɔ lɛ ka ma lo.

Bélidɔwesɛbɛ Fiézan 31:8

Gakelebale bozen é dan tawo lɛ i ’lɛ, yeebozen é dan kɛlɛ lɛ i va, é ’ka dan i vo lɛ é pla lo, é ’ka dan sɔn vɔ lɛ i ma lo; té i kana lo, té gligli ’é zén i gi lo.

Ébrunu 13:5

Té ka tawo gɔɔli sɔle ka lɛ yɛrama lo; fɛnu lé wo ke ka lee, ’wo fɛnu lɔrɔ si ka ma ma. Naa, Kazambale bozen a fe léé: Maa ’ka dan i vo lɛ é pla monomono lo; yé maa ’ka dan sɔn vɔ lɛ i ma pelo.

Jozué 1:5

Mi do kpen ’ka dan dɔ lɛ i’lɛ i yuɛma bléyi faa va lo. Maa dan kɛlɛ lɛ i va, fɛan zo lé maa kɛlɛ Moizi va, a zo; maa ’ka dan i vo lɛ i do lo, maa ’ka dan daan lɛ i ma lo.