Bélidɔwesɛbɛ Fiézan 4:29 - Kazambale lé Sebe Sauunu 1979

²⁹ ’Bɛna sin, ka dan Gakelebale kalé Bale nagini lɛ yé ka dan a ye lɛ, ’té dé ka a nagini ka bli faa valé kaboen faa nya.

Bélidɔwesɛbɛ Fiézan 4:29 ပူးပေါင်းရင်းမြစ်များ

2 Minwiinzannu 10:31

Naa, Jéu ’ka tawo lɛ Gakelebale, Izraɛl lé Bale, lé bélidɔwe ta é bli faa nya lo; wenyanénu lé Jéroboam Izraɛl kɛlɛ wo kɛlɛzannu nya, é ’ka daan lɛ wo kɛlɛle ma lo.

2 Minwiinzannu 23:3

Minwiinzan blɛn dɔ kpala ta, yé é dɔ Gakelebale dére ta yé é léé, ’é dan tawo lɛ Gakelebale zuo, a déretawenu koo, alé weplalenu koo, alé bélidɔwe koo, ’é dan a kɛlɛ lɛ é bli valé é léli faa nya, yé gipawe dérenu lé wa gyɛ sɛbɛ ’ko gi, ’é dan wo ta tawo lɛ. Yé munu faa dɔ a ta é ziin.

2 Minwiinmunu lé Wezuofe Sɛbɛ 15:12

Wo bale kun léé, wo dan Gakelebale, wo tranu lé Bale nagini lɛ wo bli valé woboen faa nya,

2 Minwiinmunu lé Wezuofe Sɛbɛ 15:15

Judanu faa gi nana bale kunle ’ko lé we ma; naa, wo bale kun wo bli faa nya; wo Gakelebale nagini wo bli faa nya, yé wa ye, yé Gakelebale flinle nɔ wo lɛ bɛ faa ma.

2 Minwiinmunu lé Wezuofe Sɛbɛ 15:2

yé Azaria go Aza va, yé é lé a lɛ léé: Aza, ’i tɔné dɔ an lɛ, bii valé Judanu valé Bɛnjamɛnnu. Bléyian va lé ka a Gakelebale va, ’té é a ka va. Dé ka a nagini, ka dan a ye lɛ; naa, dé ka sɔn vɔ a ma, é dan sɔn vɔ lɛ ka ma.

2 Minwiinmunu lé Wezuofe Sɛbɛ 15:4

Naa, wolé kleblele gi, wo nɔla Gakelebale, Izraɛl lé Bale va. Wa nagini, yé wa ye.

2 Minwiinmunu lé Wezuofe Sɛbɛ 31:21

We faa lé é ke a kɛlɛna, dé é a Bale lé kɔn va nyanama nyaoo, dé é a bélidɔwe valé a sɔnnénu zé nyaoo, é a élé Bale lé blibɔmawe naginina a gi. É a kɛlɛna é bli faa nya, yé we faa lé é a kɛlɛ, a nyian wo a ma tegele.

Néémi 1:9

naa, dé ka da an va é ziin, yé dé ka an sɔnnénu pa yé dé ka wo ta tawo, dé wo ka bin fɔɔ yé ka bɔ la glɛ sinaoo, maa dan ka si lɛ ’bɛna yé maa ka zén ékeva, yé fɛ lé maa ana si a va an tɔ pale ’bɛna we ma, maa dan da lɛ ka nya ’bɛna é ziin.

Néémi 9:27

Yé i wo vo wo nyanézannu lee, ’té ’bɛnu éé yaan wo ta. Naa, wolé kle ble bléyi va, wo siaa i lɛ, yé bii, i wolé siaalenu ’ma i nyanana la gi loru. Yé ilé nyanai zénle blɛn gi i wo tawe kɛlɛzannu nɔ wo lɛ yé ’bɛnu wo si wo nyanézannu lee.

Lɛrɛvɔ Sɛbɛ 119:10

Maa i naginian an bli faa nya, Té bé nyi si léé, maa ilé bélidɔwe sɔnnénu vo an yuɛ zuo lo.

Lɛrɛvɔ Sɛbɛ 119:145

Maa i laan an bli faa nya; Gakelebale, bé zi pa an lɛ, Maalé i déretawe kɛlɛle we gi.

Lɛrɛvɔ Sɛbɛ 119:2

Munu lé woo alé wepladérenu maan, ’Té wa lɛdɔama wo bli faa nya, wozé a néné.

Lɛrɛvɔ Sɛbɛ 119:58

Maa a laa i lee an bli faa nya léé, I nyanai ’é zén an ta ilé blivolɛdére yɛrama.

Jérémi 3:10

Naa duowo, a buru Juda lé éé we kɛla gi la, é ’ka da lɛ an va é bli faa nya lo. É a kɛlɛ dabli nya. Maa Gakelebale ɛ ke a fena.

Jérémi 51:50

’Kaa lé ka so gwɔun lee, ’ka go, té ka dɔ lo. Yé tɛrɛ baa lé ka bɔ ana, ’ka bɔn‐in bɔrɔ Gakelebale ma ’bɛna, yé Jérusalɛm sele ’é dɔ ka gi.

Ézékiɛl 6:9

Wo lé wo so gwɔun lee, an sele é dan dɔ lɛ wo gi, bɛnnu lé wo kɛlɛ luu nya wo va bɛ, wo méléna. Bale é dan leginibli valé bli fié si lɛ ka lee, yé ka yuɛnu lé woo bɔa miyilinu ma bɛ, maa dan wo si lɛ wo zuo, amalé an sele é dan dɔ lɛ wo gi. Wo dan wobozennu ye lɛ serele bomazannu nya, we vɔnlenu lé wa kɛlɛ bɛ, wolé we ma, wolé bozowenu faa lé wa kɛlɛ bɛ, wolé we ma.

Joɛl 2:12

Gakelebale léma: Sin, ’Ka da an va ka bli faa nya é ziin, Lɔrɔsɔnlenu koo, wuvɔlenu koo, siaalenu koo, wo nya.

Amɔs 5:4

Gakelebale we fe Izraɛlnu lɛ yé é léma: ’Ka an nagini, yé ka dan vo lɛ é yuɛma.

Bélidɔwesɛbɛ Fiézan 10:12

Amalé, sin, Izraɛl munu, Gakelebale a a va léé, ka mɛ kɛlɛɛ? É ’ka a va léé, ’ka kana é lee, yé ’ka tawo élé zinu ta, yé ’ka ’é lɔrɔ pa yé ’ka ’é bɔ ka bli faa valé kaboen faa nya loo?

Bélidɔwesɛbɛ Fiézan 11:13

Bale sɔnnénu lé maa wo fe ka lɛ kyɔ, dé ka wo pa, dé ka Gakelebale kalé Bale lɔrɔ pa, dé ka a bɔ ka bli valé kaboen faa nya,

Bélidɔwesɛbɛ Fiézan 26:16

Kyɔ, Gakelebale, kalé Bale ka béli dɔ léé, ’ka tawo bélidɔwe ’konu valé kalé gɔnɔlawe ’konu yɛrama. ’Ka tawo wo ta yé ’ka wo kɛlɛ ka bli faa valé ka boen faa nya.

Bélidɔwesɛbɛ Fiézan 30:10

’té dé ka Gakelebale, kalé Bale dére lɛdɔma, yé ka a sɔnnénu pa yé a dérenu lé wa gyɛ bélidɔwe sɛbɛ ’ko gi, dé ka wo ta tawo; ’té dé ka nɔla Gakelebale, kalé Bale va é ziin, ka bli faa valé ka boen faa nya.

Bélidɔwesɛbɛ Fiézan 6:5

’Ka Gakelebale, kalé Bale lɔrɔ pa, ka bli faa koo, kaboen faa koo, kalé plɛplɛ faa koo, wo nya.

Jozué 22:5

Naa, dérenu valé bélidɔwe lé Gakelebale wuozan Moizi a fe ka lɛ, ’ka wo ta tawo ka yuɛi do nya ma; ’ka Gakelebale, kalé Bale lɔrɔ pa ma; ’ka alé zinu faa ta tawo ma; ’ka alé bélidɔwenu kɛlɛ ma; ’ka buvɔ a ma ma; yé ’ka alé nyanama pa ka bli faa valé ka boen faa nya ma.

1 Samuɛl 7:3

Samuɛl lé Izraɛl munu faa lɛ léé: Dé ka bli faa nya lé ka da Gakelebale va é ziin, ’ka bɛnnu lé balenu valé Asataténu si ka méléna, ’ka bli drɔ Gakelebale vazia tegele yé ’ka yee do kpen ɛ bɔ; yé é dan ka si lɛ Filisitinu lee.