Bélidɔwesɛbɛ Fiézan 4:27 - Kazambale lé Sebe Sauunu 1979

²⁷ Gakelebale é dan ka nwɛɛn lɛ bɛn bɛnu méléna, yé bɛnnu lé Gakelebale é dan go lɛ ka nya wo va bɛ, ka ’léé é dan kɛlɛ lɛ kiéné ’bɛnu va.

Bélidɔwesɛbɛ Fiézan 4:27 ပူးပေါင်းရင်းမြစ်များ

Wepélisiananu 11:4

Yé wo lé é ziin léé: Kaa go, kaa fla do pa, yé kaa kɔn kiilii torole dɔ fɔɔ a ’wuo ’é zun la ma, yé kaa tɔ ’é kɛlɛ, blɛn, dé ko da kini ékema tɛrɛ la fɛfaana.

Wepélisiananu 34:30

Jakɔb lé Siméɔn valé Lévi lɛ léé: Ka an sɛrɛ yé ka an gin dɔ tɛrɛ ’ko la munu nyé gi, Kanaannu valé Férézinu nyé gi. An vamunu ’ka kiɛre lo. Wo dan zén lɛ ékeva an ma yé wo dan an bla lɛ yé wo dan an kulu ga lɛ, maa valé anlé munu nya.

Néémi 1:3

Wa zi pa an lɛ léé: Munu lé wo si luu gi yé wo vo ana, wa tɛrɛ bɛ do la; we tɔntɔn blɛn bɔ wo ma, yé wo vo serelebomazannu nya. Jérusalɛm zi gɔrɔnu faa zana, yé alé duolinu kyɛ ble.

Lɛrɛvɔ Sɛbɛ 106:27

É dan wo kulu ga lɛ bɛnnu méléna, É dan wo nwɛɛn lɛ tɛrɛ la.

Lɛrɛvɔ Sɛbɛ 44:11

Bé kɛlɛ léé, ko vo vlan buruna ko nyanézannu lee, ’Té ko zapamunu éé kolé fɛnu sié.

Lɛrɛvɔ Sɛbɛ 44:12

I ko paan wo lee bélé ’blanu lé woo wo blé, wo zo. I ko sɔlaan bɛnnu méléna.

Ézai 17:6

É dan vo lɛ bélé ɔliviyili gɔ ma zo, ’té wa yili nyɔɔn, ’té a poro fié valé yaa vo a nwiin yé a poro ziɛn valé soru vo a bɛnu ’léé, a zo. Gakelebale Izraɛl lé Bale ɛ fe.

Jérémi 16:13

Maa dan ka si lɛ tɛrɛ ’ko la yé an go ka nya tɛrɛ lé ka valé ka tranu ’ka a dɔɔ lɛ lo, a ta, yé ka dan bale bɛnu bɔ lɛ ’bɛna é bladi nyanadi, naa, maa ’ka dan zin kɛlɛ lɛ ka lɛ é ziin lo.

Ézékiɛl 11:16

Amalé bé fe léma: Mizan Gakelebale léma: Dé maa wo vo é sile ka ma baa bɛnnu méléna, dé maa wo kini ékema wo nwɛɛnle nya tɛrɛ bɛnu ta, maa dan kɛlɛ lɛ bléyi sɛ nya wo yɔɔna nya, tɛrɛnu lé wo go ana, ana.

Ézékiɛl 12:15

Dé maa wo nwɛɛn bɛnnu va, yé maa wo sɔɔla tɛrɛnu ta, wo dan a gi dɔɔ lɛ léé, maa lé ke Gakelebale nya.

Ézékiɛl 20:23

Maa anbo ’nyɔɔn wo lɛ an bɛ nwale nya bwi gi léé, maa dan wo nwɛɛn lɛ bɛngɔnɔnu méléna, yé maa dan wo sɔɔla lɛ bɛntɛrɛ do donu ta.

Ézékiɛl 22:15

Maa dan i fwila lɛ bɛngɔnɔnu méléna; maa dan i nwɛɛn lɛ tɛrɛ kiɛre ta, yé maa dan i tiridɔwe si lɛ i lee.

Ézékiɛl 32:26

Ana lé Mésɛk valé Tubal ke, wo valé wolé mi gu blɛnnu nya, yé wolé mipananu a wo zi. Wo ganedɔlozannu ’konu faa gyɛ gwɔun nya. Naa, wo di kini munu gi mi yuɛmalenu lé tɛrɛ la, azama.

Daniɛl 9:7

Mizan, kɛlɛle tegele a bii ɛ zé nya; yé yaragyɛwe a kozé nya kyɔ, Juda munu koo, Jérusalɛm munu koo, Izraɛlnu faa koo, dé wa é puoo, dé wa baaoo, yaragyɛwe a wo faa zé nya. Wo yuɛ gi blanle lé we ma lé wo kɛlɛ weanwiinzannu nya, amalé i wo bin yé wo sɔɔla tɛrɛ faa la.

OZÉ (Osée) 9:17

Wo ’ka tɔné dɔ lɛ anlé Bale lɛ lo, amalé é dan sɔn vɔ lɛ wo ma, yé wo dan kɛlɛ lɛ nɔɔzannu nya bɛnnu méléna.

Lévinu 26:33

Maa dan ka sɔɔla lɛ bɛnnu gi yé maa dan go lɛ gwɔun nya ka zuo. Kalé tɛrɛ é dan vo lɛ é pla yé kalé flanu é dan vo lɛ lu nya.

Zakari 7:14

Maa wo sɔɔla bɛngɔnɔ faa lé wo ’ka ’bɛnu dɔɔa lo, wo ta; tɛrɛ sɛrɛ wo zuo, yé gozan valé dazan ’ka ye lɛ é dɛrɛ lo; yé wo ginanamatɛrɛ kɛlɛ bwi nya.

Bélidɔwesɛbɛ Fiézan 28:36

Ka koo, mi lé ka a dɔ ka nwiinzan blɛn nya koo, Gakelebale é dan go lɛ ka nya bɛn lé ka valé ka tranu ’ka wo dɔɔa é kyɛn lo, wo va. ’Bɛna lé ka dan bale bɛnu bɔ lɛ, yilibale valé gɔlɛbalenu lé.

Bélidɔwesɛbɛ Fiézan 29:28

Gakelebale wo si wolé tɛrɛ la gla nya, bliflile koo, bli tɔntɔn koo, bli nwale blɛn koo, wo nya, yé é wo zun tɛrɛ bɛ la, ka wo ye kyɔ fɛan zo, a zo.

Bélidɔwesɛbɛ Fiézan 30:3

Gakelebale, kalé Bale nyanai é dan zén lɛ ka ta, yé é dan ka si lɛ luu gi é ziin, yé é dan ka si lɛ munu faa lé é ka sɔɔla wo worona, wo va, yé é ka zén ékeva é ziin.

Bélidɔwesɛbɛ Fiézan 32:26

Maa nɔ dan a fe lɛ léé, an wo sié ana, fu fɛɛle do kpen nya, Maa dan wo sele saan lɛ munu gi;