Bélidɔwesɛbɛ Fiézan 4:26 - Kazambale lé Sebe Sauunu 1979

²⁶ ka dan zamaga wo lɛ tɛrɛ lé ka go a si lɛ kazé nya Juudɛn yuu zi bɛ, a ta, ’té ka sele ’ka dɔa mi gi é dɛrɛ lo; kalé tɛrɛla é dan bɔi lɛ a ta, yé ka kulu é dan ga lɛ tata; maa la valé tɛrɛ kɛlɛ anlé wenayezannu nya kyɔ yé wo ka ma we fe.

Bélidɔwesɛbɛ Fiézan 4:26 ပူးပေါင်းရင်းမြစ်များ

Wepélisiananu 19:13

Naa, ko dan fɛkona sɛrɛ lɛ, siaale ana munu ma kɛlɛ plɛplɛ Gakelebale tɔné gi, azama. Gakelebale ko pa zia léé, ’ko ana sɛrɛ.

1 Minwiinzannu 9:7

maa dan Izraɛl si lɛ tɛrɛ lé maa a nɔ a lɛ, a ta; kɔn lé maa an tɔ pa a ma, maa dan a si lɛ an yuɛi, yé Izraɛl é dan kɛlɛ lɛ yérisiémazannu valé gɔnévɔmazannu nya bɛnnu faa va.

Ézai 1:2

Lanu, ’ka tɔné dɔ; tɛrɛ, ’i an ban i tɔné nya, naa, Gakelebale a wefena. É léma: Maa nénu pa yé wo tin an yuɛ va, naa, wo nwa an ma.

Ézai 6:11

Yé maa léé: Mizan, ’bɛ glɛ é dɔa bléyi kyɛn vaa? Yé é a zi pa léé: É dan kɛlɛ lɛ fɔɔ yé flanu ta é vo é pla, ’té mi ’ka wo ta lo; fɔɔ yé mi do kpen ’ka vo kɔn gi lo yé ana tɛrɛ la é vo tété é pla;

Jérémi 16:13

Maa dan ka si lɛ tɛrɛ ’ko la yé an go ka nya tɛrɛ lé ka valé ka tranu ’ka a dɔɔ lɛ lo, a ta, yé ka dan bale bɛnu bɔ lɛ ’bɛna é bladi nyanadi, naa, maa ’ka dan zin kɛlɛ lɛ ka lɛ é ziin lo.

Jérémi 2:12

Oo lanu, ka gi ’é vuru we ’ko ma ma. Ka ma ’é nyɔɔn dikinile ka gi valé dunu zénle ka ta we ma. Maa Gakelebale ɛ ke a fena.

Jérémi 22:29

Gakelebale léma: Tɛrɛ, tɛrɛoo tɛrɛ! ’I tɔné dɔ Gakelebale lɛ. ’I mi ’ko tɔ gyɛ léé, alé né ’ka lo, Bélé mi lé alé tɛrɛla tɔnɔ ’ka dan kɛlɛ lɛ lo, a zo; Naa, a kulu do kpen ’ka dan kɛlɛ lɛ mi nya Yé é nyana David lé webleblin ta Yé é pla Juda munu nwiin lo.

Jérémi 32:24

Bé ye, wa tɛrɛ ’bin gyɛna fla ma yé wa bon‐ɛnna a nya; Kaldé munu lé wo nwa fla ’ko ma bɛ, wo dan fla ’ko si lɛ, gwɔun koo, lɔrɔ koo, migyɛgyɛ koo, ’té wo Izraɛl kele é wo bɛ. I wean fe, é bɔ, yé bé ye.

Jérémi 44:22

Gakelebale ’ka bɔa dɔle lɛ ka kɛlɛwe naanénu valé kalé bozowenu kɛlɛle nyi wuo é dɛrɛ lo, amalé kalé flanu vo é ’bin nya, bwi zo, balepamafɛ nya, ka a yé kyɔ fɛan zo, a zo.

Jérémi 6:19

Tɛrɛ, ’i tɔné dɔ. Maa dan we tɔntɔn bɔ lɛ munu ’ko ma, wo ’wuogibɔrɔlenu tɔnɔ lé. Naa, wo ’ka ’wo tɔné dɔ lɛ an dérenu lɛ lo, wo nyé yéli anlé bélidɔwe ma.

Ézékiɛl 33:28

Maa dan tɛrɛ ’ko kɛlɛ lɛ fɛna tété valé bwi gi nya; alé plɛplɛ lé boblɛn ta é dan zana lɛ, Izraɛl gɔnu nwiin é dan vo lɛ tété; mi do kpen ’ka dan gié lɛ wona lo.

Ézékiɛl 36:4

Amalé ’kaa Izraɛl gɔnu, ’ka tɔné dɔ Mizan Gakelebale dére lɛ. Gɔ blɛnnu valé gɔpanénu koo, ’yiyoronu valé gɔ woronanu koo, fla kwala valé fla fwilenu lé wo zi bɛnnu wo gyɛ, ’té woo yéri sié wo ma bɛ, wo koo, Mizan Gakelebale a we fena wo lɛ.

Lévinu 18:28

’Ka yuɛ pa kabo va, dé tɛrɛ ’ko é da féé ka nya, fɛan zo lé é féé bɛnnu lé wo nyana ana ka ’lɛ, wo nya fɛan zo, a zo, ’té dé ka tɛrɛ tiri dɔ.

Misé 1:2

’Kaa munu faa, ’ka tɔné dɔ. Tɛrɛ valé é tafɛnu, ’ka we ’ma ma. Mizan Gakelebale ’é kɛlɛ ka ma wefezan nya ma, Mizan lé ke élé fuakɔn ’lɛzan gi, yee lé.

Misé 6:2

’Kaa gɔ blɛnnu, ’ka tɔné dɔ Gakelebale lé webledére lɛ. Yé ’kaa tɛrɛ gane gliglinu, ’ka tɔné dɔ ma, naa, Gakelebale valé élé munu a we blena. É sɔ a lɛ léé, ’ézé fe Izraɛl ma.

WENÉNÉ LÉ LUK A GYE (Évangile selon Luc) 21:24

Wo dan wo gyɛ lɛ gwɔun nya, wo dan wo si lɛ luunu nya yé wo go wo nya bɛnnu faa méléna, yé bɛnnu é dan Jérusalɛm zɔn lɛ ’wo gane nya fɔɔ yé bɛnnu lé bléyinu lɛ é sɔɔ.

Bélidɔwesɛbɛ Fiézan 11:17

Gakelebale bli é dan fli lɛ ka ma; é dan la lɛ tan lɛ yé lɛɛ ’ka dan da lɛ lo; tɛrɛ ’ka dan fɛ dɔ lɛ ka lɛ lo; yé ka dan zamaga wo lɛ, tɛrɛ zin lé Gakelebale a nɔna ka lɛ bɛ, a ta.

Bélidɔwesɛbɛ Fiézan 28:20

We faa lé ka a kɛlɛle pélisia, bale pale koo, di kinié migiwe koo, wenyané lɛ kinile ka lɛ koo, Gakelebale é dan wo faa kɛlɛ lɛ ka lɛ a gi, fɔɔ yé ka kulu é ga yé ka zamaga wo, kalé weple kɛlɛle lé wo ka kun yé ka sɔn vɔ maa, Gakelebale ma, wolé we ma.

Bélidɔwesɛbɛ Fiézan 28:22

Fuuné gyɛ koo, kɔlɛ kyɛdɔle koo, lɔlu gyɛ koo, kɔlɛ brɔnbogyɛ koo, misiégigyɛ koo, gyɛkwagyo koo, miwisɛrɛgyɛ koo, Gakelebale é dan ka gyɛ lɛ ’bɛnu nya, yé wo dan vo lɛ ka gɔnɔ gi fɔɔ yé ka zamaga wo.

Bélidɔwesɛbɛ Fiézan 28:45

Balepadére ’konu faa é dan ka kun lɛ, wo dan vo lɛ ka ma, yé wo dan kɛlɛ lɛ kazé nya fɔɔ yé ka kulu é ga, ka ’ka Gakelebale kalé Bale dére lɛdɔ lɛ a ma lo, yé alé bélidɔwenu valé a sɔnnénu lé é wo fe ka lɛ, ka ’ka wo ta tawo lɛ yé ka wo pa lo, azama.

Bélidɔwesɛbɛ Fiézan 28:61

Yé ’bɛ ta loru, gyɛ gɔnɔ faa valé migyɛgyɛnu lé bélidɔwe sɛbɛ ’ka wo fe lɛ lo, Gakelebale é dan ka gyɛ lɛ wo nya fɔɔ yé ka kulu é ga.

Bélidɔwesɛbɛ Fiézan 29:28

Gakelebale wo si wolé tɛrɛ la gla nya, bliflile koo, bli tɔntɔn koo, bli nwale blɛn koo, wo nya, yé é wo zun tɛrɛ bɛ la, ka wo ye kyɔ fɛan zo, a zo.

Bélidɔwesɛbɛ Fiézan 31:28

’Ka ka bɛn gi mi segelenu faa valé kalé kominu zén ékeva an ’lɛ; maa dan dére ’konu fe lɛ wo yuɛ va, yé maa dan la valé tɛrɛ si lɛ anlé wenayezannu nya wo ma.

Bélidɔwesɛbɛ Fiézan 32:1

Lanu, ’ka an ban ka tɔné nya yé maa dan we fe lɛ; Tɛrɛ, ’i tɔné dɔ an ’léé dére lɛ.

Bélidɔwesɛbɛ Fiézan 7:4

dé ka kɛlɛ, wo dan ka benu ’wuo sɛrɛ lɛ an ma, yé wo dan bale bɛnu bɔ lɛ, yé maa Gakelebale bli é dan fli lɛ ka ma; maa dan ka kulu ga lɛ do ’té.

Bélidɔwesɛbɛ Fiézan 8:19

Dé ka gi san Gakelebale, kalé Bale ma, yé ka go bale bɛnu zuo, dé ka wo bɔ yé ka dia wo wuo, maa fe ka lɛ kpaklaa kyɔ léé, ka dan zamaga wo lɛ.

Bélidɔwesɛbɛ Fiézan 8:20

Bɛnnu lé Gakelebale wo gyɛ za ma ka ’lɛ, ka dan zamaga wo lɛ bélé wo zo, ’té dé ka ’ka kɔɔn ka tɔné dɔ lɛ Gakelebale, kalé Bale dére lɛ lo.

Jozué 23:16

Gipawe lé Gakelebale, kalé Bale, a kɛlɛ ka va, dé ka a sɛrɛ, dé ka bale bɛnu bɔ yé ka dia wo ’lɛ, Gakelebale lé bliflile é dan nwa lɛ ka ma yé ka dan zamaga wo lɛ é nya do, tɛrɛ zin lé é a nɔ ka lɛ, a ta.

Jozué 24:20

Bléyian va lé ka dan Gakelebale vo lɛ yé ka Bale bɛnu bɔ, é dan we tɔntɔn bɔ lɛ ka ma yé é dan ka sɛrɛ lɛ we zin kɛlɛle ka lɛ zuo.