Bélidɔwesɛbɛ Fiézan 4:23 - Kazambale lé Sebe Sauunu 1979

²³ ’Ka yuɛ pa kabo va, gipawe lé Gakelebale, kalé Bale a kɛlɛ ka va, té é saan ka gi lo; miyili valé fɛ foto lé Gakelebale, kalé Bale a kɛlɛle yi ga ka lee, té ka wo kɛlɛ lo.

Bélidɔwesɛbɛ Fiézan 4:23 ပူးပေါင်းရင်းမြစ်များ

2 Minwiinzannu 17:38

Gipawe lé maa kɛlɛ ka va, té ka gi é san a ma lo, yé té ka kana bale bɛnu lee lo.

Minwiinzannu lé Wezuofe Sɛbɛ 16:15

Alé gipawe sele éé dɔa a gi yifaama, Alé blivolɛdérenu lé é wo fe mikulu wuru soru zé nya, a sele a a gi.

Fwile 23:13

We faa lé maa a fe ka lɛ, ka dan a kɛlɛ lɛ, yé té ka bale bɛnu tɔ fe lo; té wa ’ma boenwo ka ’léé monomono lo.

Ézai 24:5

Ana munu tɛrɛ sɛrɛ, naa, wo bélidɔwenu sɛrɛ, yé wo Bale déretawenu lɛgama, gipawe lé a glɛ ’ka lo, wa sɛrɛ, azama.

Jérémi 31:22

Bii blɛnzan lé i si zi zima ta, I dn si lɛ ilé saanzi ta mɛ yi laa? Naa, Gkelebale we dɛrɛ kɛlɛ tɛrɛ la; Le é dan é zana fɛɛ bo lɛ.

Ézékiɛl 16:59

Naa, Mizan Gakelebale léma: Bii lé, i bale kunle ye boawe nya yé i gipawe sɛrɛ, i we kɛlɛ fɛan zo bɛ, a zo duo lé maa dan we kɛlɛ lɛ i lɛ.

Ézékiɛl 8:10

An wɔra, yé maa nagini, ’té tawoplɛlawinu koo, wi naanénu koo, Izraɛl munu lé miyilinu faa koo, wo fotonu a é dɔle guru ma fɛfaana.

Malasi 4:4

Bélidɔwe lé maa a nɔ an wuozan Moizi lɛ Orɛb gɔ nwiin, a sele ’é dɔ ka gi; maa wepladére valé sɔnnénu fe a lɛ Izraɛl faa zé nya.

Mi Nɔnɔle 15:39

Dé varɔ lɛi vwizan ’ko a ka ta, ’ka a nagini, yé maa, Gakelebale lé bélidɔwe sɔnnénu faa sele ’é dɔ ka gi ma, ’té ka wo ta tawo, yé ’té ka ’ka go kalé blibɔmawenu valé yuɛbɔmawenu zuo lo, dé wo da ka sia ana yé ka yuɛ gi é blan anlé we ma.

Matio 24:4

Jézu a zi pa wo lɛ léé: ’Ka yuɛ pa kabozen va, té mi do kpen é ka saan lo ma.

WENÉNÉ LÉ LUK A GYE (Évangile selon Luc) 12:15

A zuo é lé wo lɛ léé: ’Ka yuɛ pa kabozen va é zima blibɔle fɛnu ma lé we ma. Dé mi lé fɛnu a dioo, a vole é yuɛma ’ka sié ’bɛ va lo.

WENÉNÉ LÉ LUK A GYE (Évangile selon Luc) 21:8

Yé Jézu léé: ’Ka yuɛ pa kabozen va, té wo ka saan lo we gi. Naa, mi kiɛre é dan da lɛ an tɔ gi ’té wa fé léé, ’wo ɛ ke Krist nya; a bléyi bɔ. Té ka go ’bɛnu zuo lo.

Bélidɔwesɛbɛ Fiézan 16:22

Té ka yowɔlɛnu kɛlɛ lo; Gakelebale, kalé Bale léabo ’bɛ ma.

Bélidɔwesɛbɛ Fiézan 27:15

Mi lé é miyili nyaa, ɛɛ, é miyili kɛlɛ foliɛwɔlɛ selele nya, gikinizan panyanama lé é a bélé bo zo Gakelebale yuɛ gi bɛ, dé mian a nyaa yé é a dɔ kyeen gi fɛdona, ’té bale a é pale ’bɛzan ma ma; yé munu faa é dan a zi pa lɛ léé: lin, ’é kɛlɛ a zo.

Bélidɔwesɛbɛ Fiézan 27:9

Moizi valé Balebanmunu, Lévinu, wa fe Izraɛl munu faa lɛ léma: Izraɛl, ’ka tɔné dɔ ko lɛ tegele; ’ka kɛlɛ Gakelebale, kalé Bale lé munu nya kyɔ.

Bélidɔwesɛbɛ Fiézan 29:25

Yé wo dan a zi pa lɛ wo lɛ léé: Gipawe lé Gakelebale wo tranu lé Bale a kɛlɛ wo va, bléyian va lé é wo si Éjipiti tɛrɛ la, wo sɔn vɔ a ma, ’bɛlé we ma.

Bélidɔwesɛbɛ Fiézan 31:20

Naa, an dan go lɛ munu ’konu nya tɛrɛ lé maa anbo ’nyɔɔn wo tranu lɛ léé, maa dan a nɔ lɛ wo lɛ, a ta. Tɛrɛ nyɔnɔzan lé. Wo dan fɛ ble lɛ, wo dan kan lɛ, wo dan bua lɛ. ’Bɛ zuo wo dan nɔla lɛ yé wo go bale bɛnu zuo, ’té woo wo bɔa; wo dan ’wo lɔlu plɛn lɛ an ma, yé wo dan anlé gipawe sɛrɛ lɛ;

Bélidɔwesɛbɛ Fiézan 4:25

Dé ka né yaa, dé kalé nénu é né yaa, dé ka mɔn ana tɛrɛ la, dé ka kabo sɛrɛ, dé ka miyili nyaa, dé ka fɛofɛan foto kɛlɛ, we lé ke é naané Gakelebale kalé Bale yuɛ gi, dé ka ’bɛ kɛlɛ yé ka a bli fli,

Bélidɔwesɛbɛ Fiézan 4:9

Naa, we do ana. ’Ka yuɛ pa kabo va. ’Ka yuɛ pa kabozen va é zima kalé tɛrɛla faa gi, wenu lé ka wo ye ka yuɛ nya, té ka gi é san wo do kpen ma lo, té ’wo si ka bli gi lo; ’ka wo paa kalé nénu valé ka nénénu gi.

Bélidɔwesɛbɛ Fiézan 5:2

Gakelebale, kolé Bale a fe léé, ’ko gi pa do ’wo nya, Orɛb gɔ ma.

Bélidɔwesɛbɛ Fiézan 6:12

Dé ka fɛ ble yé ka kan, ’ka yuɛ pa kabozen va; té ka gi é san Gakelebale lé é ka si luu gi Éjipiti tɛrɛ la, a ma lo.

Ébrunu 3:12

Bwenu, ’ka yuɛ pa kabozen va; bli nyané lé é ’ka vo we lɛ lo, té ’é kɛlɛ ka va mi do gi fɔɔ yé é diéra Bale yuɛmale zuo lo.

Jozué 23:11

’Ka yuɛ pa kabozen va é zima Gakelebale, kalé Bale lɔrɔ pale we gi.

Jozué 23:16

Gipawe lé Gakelebale, kalé Bale, a kɛlɛ ka va, dé ka a sɛrɛ, dé ka bale bɛnu bɔ yé ka dia wo ’lɛ, Gakelebale lé bliflile é dan nwa lɛ ka ma yé ka dan zamaga wo lɛ é nya do, tɛrɛ zin lé é a nɔ ka lɛ, a ta.