Bélidɔwesɛbɛ Fiézan 4:12 - Kazambale lé Sebe Sauunu 1979

¹² Gakelebale we fe ka lɛ kyɛ worona. Ka a dére vun ’ma, naa, ka ’ka a yara ye lɛ lo, ka a dére ’ma é pla.

Bélidɔwesɛbɛ Fiézan 4:12 ပူးပေါင်းရင်းမြစ်များ

Fwile 19:9

Gakelebale lé Moizi lɛ léé: Maa dan da lɛ i va lati borozan gi, munu lé anlé wefele i lɛ ’male we gi yé wo bli é vo i lɛ yifaama. Moizi munu dére fe Gakelebale lɛ.

Fwile 20:22

Gakelebale lé Moizi lɛ léé: Bé fe Izraɛl lé nénu lɛ léma: Ka a ye léé, maa we fe ka lɛ lanu gi.

Ézai 30:21

Dé ka nɔla ka bɛyilaziaoo, dé ka nɔla ka bɛbolaziaoo, dére do é dan we lɛ ka zuo, ’té ka a maan, a fele nya léé: Zi lé ke ’ko, ’ka tawo yee zi ’ko ɛ ta.

Ézai 40:18

Ka dan Bale dan lɛ mi kyɛn maa? Mɛ lé i dan a gɔɔn lɛ a foto nyaa?

Ézai 40:3

Dére do siaa léé: ’Ka Gakelebale lé zi pla bwi gi, ’Ka kolé Bale lé gbéin ta bɔ ékema Fɛna gale na.

Ézai 40:6

Dére do léé: ’I siaa! Yé é a zi pa léé: An siaa dére kaa nyaa? Munu faa a bélé lu zo, Yé wolé fua faa a bélé féi lu vwi zo.

Mi Nɔnɔle 12:8

Ko valé yee éé we fé ko ke lɛ kpaklaa, ’té we yɔɔle ’ka a gi lo, yé maa, Gakelebale a fɛan zo, éé a yé. Mɛmalé ka ’ka kanaan we fele ma an wuozan Moizi ma loo?

Matio 17:5

É ke aan wo we fena, yé la fu tata do tua wo nwiin. Tɔɔn, Bale we fe la fu gi, yé é léé: Mi ’ko a an be lé é sɔ an lɛ é baba, a nya; a va sɔlɛle a an gi blɛn. ’Ka tɔné dɔ a lɛ.

Matio 3:17

Yé bé ye, dére do we la gi yé é léé: Mi ’ko, é a an be lé é sɔ an lɛ é baba, a nya. A va sɔlɛle a an gi blɛn.

Matio 3:3

Balelayezan Ézai a fe aan wo léé: Mi lé é ke siaana bwi gi, a dére lé ke ’ko: ’Ka zi ma’lɛrɛ Mizan lɛ; ’Ka alé zinu ta bɔ ékema, mian Ézai a mawe fe bɛ, Jan lé.

Bélidɔwesɛbɛ Fiézan 10:4

We lé ke é gyɛle gɔlɛfén vininnu ta, we gɔ vu lé Gakelebale a fe ka lɛ gɔ nwiin kyɛ méléna, ’té ka a é zénle ékeva yi la bɛ, é wo gyɛ gɔlɛfén fié ’konu ta, yé é wo nɔ an lɛ.

Bélidɔwesɛbɛ Fiézan 4:11

Ka bié yé ka dɔ gɔ nyana ma. Gɔ kyɛ a blena, yé a kyɛnɛnɛ nwa fɔɔ la gi, lati koo, gunuti koo, kyɛgoi gunu koo, wo méléna.

Bélidɔwesɛbɛ Fiézan 4:13

Élé gipawe zana dɔɔ ka lɛ, yé é léé, é a lé ka a lɛdɔma; bélidɔwe vu lé, é wo gyɛ gɔlɛfén fié ta, yee lé.

Bélidɔwesɛbɛ Fiézan 4:15

Yian nya lé Gakelebale we fe ka lɛ kyɛ worona Orɛb gɔ nwiin, ka mi yara yee? Amalé ’ka yuɛ pa kabozennu va é zima,

Bélidɔwesɛbɛ Fiézan 4:33

É kɛlɛ tan gɔnɔ do léé, bɛn do Kazambale dére ’ma wefena kyɛ méléna bélé ka a ’ma fɛan zo, a zo, yé wo vo é yuɛmaa?

Bélidɔwesɛbɛ Fiézan 4:36

Kazambale a kɛlɛ léé, ka ’é dére ’ma la gi, we paale ka gi we ma; yé é a kɛlɛ léé, ka ’élé kyɛ blɛn ye tɛrɛ la, yé ka ’é dére ’ma wefena kyɛ méléna.

Bélidɔwesɛbɛ Fiézan 5:22

Dérenu lé Gakelebale a fe gɔ nwiin, wo lé ke bɛ; kyɛ koo, latinu koo, gunutinu koo, é a wo méléna, té éé we fé munu faa lɛ é dére plɛplɛ nya, yé é ’ka a bɛ fe lɛ lo. É wo gyɛ gɔlɛfen fié ta, yé é wo nɔ an lɛ.

Bélidɔwesɛbɛ Fiézan 5:4

Gakelebale we fe ka lɛ ka faa yuɛ va, ’té é a gɔ nwiin kyɛ méléna.

Bélidɔwesɛbɛ Fiézan 9:10

Gakelebale gɔlɛfén fié nɔ an lɛ; Bale sɛbɛ gyɛ wo ta ’é bɛnwɔlɛ nya; yian nya lé ka zén ékeva yé Gakelebale we fe ka lɛ gɔ nwiin kyɛ méléna bɛ, dére faa lé é a fe a yi la bɛ, é a é gyɛle gɔlɛfén fié ’ko ta.

Kolɔs munu 1:15

Jézu valé Bale lé, mi ’ka a yé lo, wo bɔ ékema, yé yee ɛ ke Bale kɛlɛfɛnu faa va né vinin nya.

Ébrunu 12:19

fu plɛplɛ koo, béli vun koo, dére plɛplɛnu lé, dé munu a ’ma, wo léé, té ’wo ’bɛ zo dére bɛ ’ma lo, ’bɛ koo, ka ’ka é biéle wo sɔnɔ lo.