Bélidɔwesɛbɛ Fiézan 4:10 - Kazambale lé Sebe Sauunu 1979

¹⁰ Yian nya lé ka dɔ Gakelebale, kalé Bale ’lɛ Orɛb, a sele ’é dɔ ka gi ma; ’bɛ yi la lé Gakelebale lé an lɛ léé, ’maa munu zén ékeva ’é sɔnɔ. É a a va léé, wo ’é dére ’ma, yé wo kanale ’é lee gi dɔɔ wolé tɛrɛla faa gi, yé wo ’é dérenu paa wolé nénu gi; a sele ’é dɔ ka gi ma.

Bélidɔwesɛbɛ Fiézan 4:10 ပူးပေါင်းရင်းမြစ်များ

Wepélisiananu 18:19

Naa, maa a si a va léé, ’é ’é benu valé élé kɔngimunu béli dɔ léé, ’wo tawo Gakelebale lé zi ta, ’té woo we drɔle valé we tegele kɛla; ’bɛ zo lé, we faa lé Gakelebale a fe Abraam lɛ blivolɛdére nya, é dan a kɛlɛ lɛ.

Lɛrɛvɔ Sɛbɛ 145:4

Mi kulu faa do do ’wo i panyanamanu tɔ bɔ ma, Yé ’wo i kɛlɛwe blɛɛnnu sɔɔla ma.

Fwile 19:1

Wo sile Éjipiti tɛrɛ la zuo moné yaa, Izraɛl lé nénu bɔ Sinai bwi la ’bɛ yi nya.

Fwile 19:11

’Wo ’wo ma’lɛrɛ yi yaazan lé we ma ma; naa, a yi yaazan nya, maa Gakelebale é dan zun lɛ munu faa yuɛ va Sinai gɔ nwiin.

Fwile 19:16

A yi yaazan nya bladi, zagele ban, ’té lɛɛ yuɛ wuo éé vɔa, yé lati borozan zun gɔ ma; béli we plɛplɛ; yé kana zén munu faa lé wo ke sɔkɔndɔna, wo gi.

Fwile 19:9

Gakelebale lé Moizi lɛ léé: Maa dan da lɛ i va lati borozan gi, munu lé anlé wefele i lɛ ’male we gi yé wo bli é vo i lɛ yifaama. Moizi munu dére fe Gakelebale lɛ.

Fwile 20:18

Munu faa éé zagele banle valé béli fɛnle maan yé lɛɛ yuɛwuovɔle koo, kyɛgoi sɔɔlale gɔ ta koo, woo wo yé. Fɛ ’konu yele ma lé munu ma éé nyɔɔn‐an, ’té wa é dɔle baa.

Fwile 20:20

Moizi lé munu lɛ léé: Té ka kana lo; ka gi danle koo, kanale Bale lee kɛlɛle ka gi yé ka ’ka wenyané kɛla lo koo, ’bɛ lé we ma lé Kazambale da.

Bale Lé We Gifezan 12:13

Wedɔɔzannu dérenu a bélé foroné zo; dé wa é gyɛle ékeva fɛ dona, wa bélé pɔnténu lé wo wo blin, wo zo; dére ’konu faa si mi do ’léé.

Ézai 38:19

Mi yuɛmale ɛ i tɔ zin fé, iin, mi yuɛmale lé; Maa ke kyɔ fɛan zo, a zo mi lé. Né ti éé ilé yara pale we la gɔɔn‐an élé nénu lɛ.

WENÉNÉ LÉ LUK A GYE (Évangile selon Luc) 1:50

Munu lé woo kanaan a lee, a nyanai éé zén‐é wo ta lɛɛfaama.

Bélidɔwesɛbɛ Fiézan 11:19

’Ka wo paa kalé nénu gi, dé ka a kɔn gioo, dé ka a ta laoo, dé ka yiaoo, dé ka nwaoo, ’ka vo wo gle wona.

Bélidɔwesɛbɛ Fiézan 12:1

Bélidɔwenu valé ka gɔnɔlawenu lé ka dan wo lɛdɔ lɛ a ma yé ka dan wo ta tawo lɛ, bléyi faa lé ka nyanaan tɛrɛ lé Gakelebale, ka tranu lé Bale a nɔ ka lɛ, a ta, a bléyi va, wo lé ke ko:

Bélidɔwesɛbɛ Fiézan 14:23

Fɛna do lé Gakelebale, kalé Bale é dan a si lɛ a va yé ’é tɔ pa a ma, ka dan go lɛ kalé fɛvuzannu nya ’bɛna; kalé ’sa vuzan koo, kalé dɔrɔ’yi vinin vuzan koo, kalé nyɔnɔ vuzan koo, kalé diri valé kalé ’blanu valé kalé bolinu lé né vininnu koo, ka dan wo ble lɛ ’bɛna; ’bɛ zo lé ka dan kanale Gakelebale, kalé Bale lee draan lɛ lɛɛfaama.

Bélidɔwesɛbɛ Fiézan 17:19

É a lé sɛbɛ ’ko é vo a va yé ’é a ta fe yi do do ma élé tɛrɛla faa gi, élé kanale Gakelebale lee draanle we gi yé é tawo bélidɔwe dére ’ko faa ta yé é a déretawenu faa kɛlɛ.

Bélidɔwesɛbɛ Fiézan 4:9

Naa, we do ana. ’Ka yuɛ pa kabo va. ’Ka yuɛ pa kabozen va é zima kalé tɛrɛla faa gi, wenu lé ka wo ye ka yuɛ nya, té ka gi é san wo do kpen ma lo, té ’wo si ka bli gi lo; ’ka wo paa kalé nénu valé ka nénénu gi.

Bélidɔwesɛbɛ Fiézan 5:2

Gakelebale, kolé Bale a fe léé, ’ko gi pa do ’wo nya, Orɛb gɔ ma.

Bélidɔwesɛbɛ Fiézan 5:29

Oo, bli ’ko duo ’é vo wo gi yifaama ma, yé ’wo kana ’é lee ma, yé ’wo ’élé bélidɔwe lɛdɔma ma, yé wo gi é dan nana lɛ yifaama, wo valé ’wolé nénu nya.

Bélidɔwesɛbɛ Fiézan 6:2

Dé ka kana Gakelebale, kalé Bale lee, bélidɔwenu faa valé gɔnɔlawenu faa lé maa a gɔɔn ka lɛ, dé ka wo lɛdɔma, ka koo, ka benu koo, ka benu é benu koo, dé ka wo lɛdɔma kalé tɛrɛla faa gi, ka dan mɔn lɛ tɛrɛ la.

Bélidɔwesɛbɛ Fiézan 6:7

’Ka wo paa kalé nénu gi; dé ka a kalé kɔn gioo, dé ka a ta laoo, dé ka yiaoo, dé ka nwaoo, ’ka wo glewo.

Ébrunu 12:25

’Ka yuɛ pa kabozen va, mi lé ke we fena ka lɛ, té ka sɔn vɔ a dére ma lo. Munu lé wo sɔn vɔ Moizi lé é we fe wo lɛ tɛrɛ la ’ko, a dére ma, dé Bale we lɛdɔ wo gi ’naan, ’té kaa nii? Dé kaa sɔn vɔ mi lé é ke we fena lagi loru bɛ, ’bɛzan dére ma, Bale ’ka dan we lɛdɔ lɛ kaa gi loo?

Wegɔɔnle 19:5

Yé dére do si webleblin va yé é léé: ’Ka kozé Bale tɔ zin fe; ’kaa a wuozannu faa, ka lé ka kanaan a lee, mi kiénénu valé mi blɛnnu, ’ka kolé Bale tɔ zin fe.

1 Samuɛl 12:24

Naa, ’ka kana Gakelebale lee ma, yé ’ka a bɔ tɔnégidrɔɔ valé ka bli faa nya ma; we plɛplɛ lé é a kɛlɛ ka méléna, ka a yé loo?