Bélidɔwesɛbɛ Fiézan 4:1 - Kazambale lé Sebe Sauunu 1979

¹ Sin, Izraɛl munu, bélidɔwenu valé gɔnɔlawenu lé maa a gona paana ka gi bɛ, ’ka tɔné dɔ wo lɛ. ’Ka wo ta tawo, ka vole é yuɛma we ma yé tɛrɛ lé Gakelebale, ka tranu lé Bale, a nɔ ka lɛ, yé ’é kɛlɛ kazé nya.

Bélidɔwesɛbɛ Fiézan 4:1 ပူးပေါင်းရင်းမြစ်များ

Lɛrɛvɔ Sɛbɛ 105:45

Wolé a déretawenu kɛlɛle we gi, Wolé alé bélidɔwenu ta tawole we ma. ’Ka Gakelebale tɔ zin fe.

Lɛrɛvɔ Sɛbɛ 119:4

I we pla munu lɛ, Wolé i déretawenu kɛlɛle tegele we ma.

Fwile 18:20

’I Bale sɔnnénu valé alé bélidɔwenu paa munu gi; zi lé é a lé wo a ta tawo, ’bɛ valé we lé é a lé wa kɛlɛ, ’i wo bɔn‐in kini a nya.

Jérémi 11:6

Gakelebale lé an lɛ léma: ’I dére ’konu zana dɔɔ Juda flanu valé Jérusalɛm zinu ta, léé: ’Ka tɔné dɔ gipadére ’konu lɛ, yé ’ka wo ta tawo.

Ézékiɛl 11:20

léé, ’wo an déretawenu kɛlɛ, yé ’wo anlé bélidɔwenu lɛdɔma yé wa sɔnnénu pa, yé wo dan kɛlɛ lɛ anlé munu nya, yé maa dan kɛlɛ lɛ wolé Bale nya.

Ézékiɛl 20:11

Anlé bélidɔwenu valé an dére lé é a lé blami a ta tawo, vole é yuɛma we gi bɛ, maa wo nɔ wo lɛ.

Ézékiɛl 20:21

Yé wo benu nwa an ma. Wo ’ka tawo lɛ anlé wepladérenu yɛrama lo; an déretawenu lé é a lé blami a ta tawo a vole é yuɛma we gi bɛ, wo ’ka wo ta tawo lɛ lo. Yé wo anlé flinyinu sɛrɛ. É dɔ an gi léé, an wɛwɛ dɔ wo ma, yé an bli flile lɛ é sɔɔ wo ma bwi gi.

Ézékiɛl 36:27

Maa dan an léli nyana lɛ ka gi, yé maa dan a kɛlɛ lɛ léé, ka an déretawenu kɛlɛ, yé ka anlé bélidɔwenu lɛdɔma yé ka wo ta tawo.

Ézékiɛl 37:24

An leezan David é dan kɛlɛ lɛ wo nwiinzan blɛn nya, yé wo faa pazan é dan kɛlɛ lɛ do. Wo dan tawo lɛ an dérenu ta, wo dan anlé bélidɔwenu lɛdɔ lɛ a ma, yé wo dan a ta tawo lɛ.

Lévinu 18:5

’Ka anlé bélidɔwenu valé an déretawenu lɛdɔma; mi lé éé wo ta tawoo, é dan béli lɛ wo ma. Maa a Gakelebale nya.

Lévinu 19:19

’Ka anlé bélidɔwe lɛdɔma. Té ka nyanama pa wi gɔnɔ fié nya ékeva lo; té ka fɛwɔlɛ gɔnɔ fié vɔ kalé féi lo; té i kununu vɔɔle sɔ zén i ta lo.

Lévinu 19:37

’Ka anlé bélidɔwenu faa lɛdɔma, ’ka an déretawenu faa kɛlɛ, yé ’ka wo ta tawo. Maa a Gakelebale nya.

Lévinu 20:8

’Ka anlé bélidɔwenu kɛlɛ yé ’ka wo ta tawo. Maa a Gakelebale lé éé ka kɛla sauun, a nya.

Lévinu 22:31

’Ka anlé bélidɔwenu lɛdɔma, yé ka wo ta tawo. Maa a Gakelebale nya.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

WENÉNÉ LÉ LUK A GYE (Évangile selon Luc) 1:6

Wo fiénu a mi tegele nya Kazambale yuɛ gi. Mizambale lé bélidɔwe faa koo, a ma we tɛtɛnénu faa koo, wa kɛla ’kyɛ, yé gun ’ka vo lɛ wo kɛlɛwe do kpen ma lo.

WENÉNÉ LE JAN A GYE (Évangile selon Jean) 15:14

We lé maa ka béli dɔ a nya, dé ka a kɛla, ’té ka a an béénu nya.

Rom munu 10:5

Naa, kɛlɛlɛ tegele lé éé sié bélidɔwe va, Moizi a gi fe ’ko zo, léé: Mian éé we ’konu kɛla, wo kɛlɛlɛ nya lé é dan vo lɛ é yuɛma.

Bélidɔwesɛbɛ Fiézan 1:3

Wolé tawo lɛɛ yɔ fiézan gi, ’bɛlé moné vu ta dozan lé yi vininzan nya, Moizi we fe Izraɛl lé nénu lɛ. We faa lé Gakelebale a pa a ’léé, léé, ’é a fe, é a fe wo lɛ.

Bélidɔwesɛbɛ Fiézan 1:8

É lé yi la léé, ’é tɛrɛ ’ko faa nɔ ka lɛ; ’ka go, tɛrɛ lé ’yee Gakelebale a fe ébo ’nyɔɔnle nya léé, é dan a nɔ lɛ ka tranu Abraam koo, Izak koo, Jakɔb koo, wo lɛ, wo valé ’wo kulunu lɛ, ’ka go a si kazé nya.

Bélidɔwesɛbɛ Fiézan 11:1

’Ka Gakelebale, kalé Bale lɔrɔ pa; ’ka alé weplale ka lɛ nyi si, ’ka alé bélidɔwenu ta tawo, ’ka a gɔnɔlawenu kɛlɛ, ’ka a sɔnnénu pa.

Bélidɔwesɛbɛ Fiézan 11:32

Bélidɔwenu valé gɔnɔlawenu lé maa wo gɔɔn ka lɛ kyɔ, ’ka wo lɛdɔma yé ’ka wo ta tawo.

Bélidɔwesɛbɛ Fiézan 13:1

Dé balelayezan do nwa ka méléna, ɛɛ, dé nyɛgyɛzan lé, dé tɔmase do léé, ɛɛ, dé we blɛnblɛn lé, dé é a fe ka lɛ yé a lɛ sɔɔ weboen nya, yé ’bɛ zuo é lé ka lɛ léé, kaa go bale bɛnu zuo, kaa wo bɔ, ’té ka ’ka balenu ’ko dɔɔa lo,

Bélidɔwesɛbɛ Fiézan 16:20

’Ka we tegele kɛlɛ é boen ma, ka vole é yuɛma we gi yé tɛrɛ lé Gakelebale, kalé Bale a nɔ ka lɛ, yé é kɛlɛ kazé nya.

Bélidɔwesɛbɛ Fiézan 30:16

Naa, maa fe ka lɛ kyɔ léé, ’ka Gakelebale, kalé Bale lɔrɔ pa, ’ka tawo alé tawobɛ gi, a sɔnnénu koo, alé bélidɔwenu koo, alé gɔnɔlawenu koo, ’ka wo ta tawo, ka vole é yuɛma valé ka fanle we gi, yé tɛrɛ lé ka dan a kɛlɛ lɛ kazé nya, Gakelebale, kalé Bale é dan ka drɔɔ vo lɛ ’bɛ ta.

Bélidɔwesɛbɛ Fiézan 30:19

Maa la valé tɛrɛ si anlé wenayezannu nya kyɔ léé, vole é yuɛma valé gale koo, drɔɔvole valé balepale koo, maa wo pla ka ’lɛ kyɔ. ’Ka vole é yuɛma si a va, ka valé kalé nénu vole é yuɛma we gi,

Bélidɔwesɛbɛ Fiézan 30:20

yé ’ka Gakelebale, kalé Bale lɔrɔ pa, yé ’ka a dére lɛdɔma, yé ’ka buvɔ a ma; naa, ka vole é yuɛma valé ka mɔnle tɛrɛ la éé sié ’bɛ ɛ va, yé ’bɛ zo lé ka dan nyana lɛ tɛrɛ lé Gakelebale ébo ’nyɔɔn ka tranu Abraam koo, Izak koo, Jakɔb koo, wo lɛ léé, é dan a nɔ lɛ wo lɛ, a ta.

Bélidɔwesɛbɛ Fiézan 4:40

’Ka dɔ alé bélidɔwenu ta ma, yé ’ka a sɔnnénu pa ma; maa wo gɔɔn ka lɛ kyɔ; dé ka kɛlɛ, ka gi é dan nana lɛ, ka valé kalé nénu nya ka zuo, yé ka dan mɔn lɛ, tɛrɛ lé Gakelebale kalé Bale a nɔ ka lɛ, a ta.

Bélidɔwesɛbɛ Fiézan 4:45

Bale lé wenu lé Moizi a gɔɔn Izraɛl lé nénu lɛ, wo fwile Éjipiti tɛrɛ la zuo, alé weplalenu valé alé bélidɔwenu valé wo gɔnɔlawenu nya, wo lé ke bɛ.

Bélidɔwesɛbɛ Fiézan 4:8

Yé bɛn blɛn kyɛn lé bélidɔwenu valé wolé gɔnɔlawenu a tegele bélé bélidɔwenu faa lé maa wo fe ka lɛ kyɔ ’ko, a zoo?

Bélidɔwesɛbɛ Fiézan 5:1

Moizi Izraɛl munu faa laa yé é lé wo lɛ léé: Izraɛl munu, bélidɔwenu valé ka gɔnɔlawenu lé maa a wo fena ka lɛ kyɔ, ’ka tɔné dɔ wo lɛ. ’Ka wo pa ka ’wuo gi, yé ’ka wo ta tawo é zima ma.

Bélidɔwesɛbɛ Fiézan 5:33

Tawobɛ lé Gakelebale, kalé Bale a gɔɔn ka lɛ, ’ka tawo a yɛrama ’kyɛ, ka vole é yuɛma valé ka gi nanale we gi, yé ka mɔn tɛrɛ lé é dan kɛlɛ lɛ kazé nya, a ta.

Bélidɔwesɛbɛ Fiézan 6:1

Bale sɔnnénu lé Gakelebale, kalé Bale a fe léé, maa a paa ka gi, wo valé bélidɔwenu valé ka gɔnɔlawenu nya, wo lé ke ’ko. É léé, maa wo paa ka gi yé ka wo ta tawo, tɛrɛ lé ka dan a si lɛ kazé nya, a ta.

Bélidɔwesɛbɛ Fiézan 6:24

Gakelebale lé ko lɛ léé, ’ko bélidɔwe ’konu lɛdɔma yé ’ko kana yee Gakelebale, kolé Bale lee, ko gi nanale yifaama we gi, yé é ko vo é yuɛma, fɛan zo lé é a kɛlɛ kyɔ, a zo.

Bélidɔwesɛbɛ Fiézan 7:11

Bɛwemalé, a sɔnnénu valé alé bélidɔwenu valé ka gɔnɔlawenu lé maa wo gɔɔn ka lɛ kyɔ, ’ka wo lɛdɔma yé ’ka wo ta tawo.

Bélidɔwesɛbɛ Fiézan 8:1

An sɔnnénu lé maa wo gɔɔn ka lɛ kyɔ, ’ka wo lɛdɔma yé ’ka wo pa, ka vole é yuɛma valé ka fanle we ma, yé tɛrɛ lé Gakelebale ébo ’nyɔɔn léé, é dan a nɔ lɛ ka tranu lɛ, yé ’é kɛlɛ kazé nya.

Bélidɔwesɛbɛ Fiézan 8:11

’Ka yuɛ pa kabozen va, té ka gi é san Gakelebale, kalé Bale ma lo, yé a sɔnnénu valé ka gɔnɔlawenu valé alé bélidɔwenu lé maa wo gɔɔn ka lɛ kyɔ yé ka ’ka wo ta tawo lo lo.

Bélidɔwesɛbɛ Fiézan 9:1

Izraɛl munu, ’ka tɔné dɔ. Kyɔ ka dan Juudɛn kini lɛ, yé bɛnnu lé wo kiɛre mini ka ta, ’té wolé plɛplɛ mini kazé ta, ka dan kɛlɛ lɛ wozannu nya; fla blɛnnu lé wo zi gɔrɔ bɔ la gi baa, ka dan wo si lɛ;

Jozué 3:9

Jozué lé Izraɛlnu lɛ léé: ’Ka bié, yé ’ka tɔné dɔ Gakelebale kazé Bale dére lɛ,