Bélidɔwesɛbɛ Fiézan 32:6 - Kazambale lé Sebe Sauunu 1979

⁶ ’Tugyɛzannu lé ka ’ka we dɔɔa lo, ’Bɛ zo lé ka we lɛgi paan Gakelebale maa? Ka ti kaan loo? Ka Kɛlɛzan kaan loo? Yeean é ka ’lɛrɛ loo? Yeean é ka dɔ plɛplɛ loo?

Bélidɔwesɛbɛ Fiézan 32:6 ပူးပေါင်းရင်းမြစ်များ

2 Samuɛl 7:24

Yé i ilé munu Izraɛl dɔ gligli wo kɛlɛle ilé munu nya lɛɛfaama we ma; yé bii, oo Gakelebale, bii kinin wolé Bale nya.

JOB (Job) 10:8

I bɛnu ɛ an ma’lɛrɛ, wo an bɔra, Wo an kɛlɛ ’té, yé i an sɛraa?

Lɛrɛvɔ Sɛbɛ 100:3

Gakelebale ɛ ke Bale nya, ’ka we ’ko dɔɔ ma. Yee ɛ ko kɛlɛ, yé ko a azé nya; Ko a alé munu valé alé trubɛnu nya; éé ko tabin‐é.

Lɛrɛvɔ Sɛbɛ 116:12

Wezin faa lé Gakelebale a kɛlɛ an lɛ, An mɛ no a lɛ gii?

Lɛrɛvɔ Sɛbɛ 149:2

Izraɛl munu gi ’é nana ’wo kɛlɛzan lé we ma ma. Siɔn munu gi ’é nana ’wo nwiinzan lé we ma fɔɔ té a glɛ é dɔ lo.

Lɛrɛvɔ Sɛbɛ 74:18

Mi nyanézan éé Gakelebale sɔnɔan, Yé tawomunu woo serele boo i tɔ ma, wenu ’ko sele ’é dɔ i gi ma.

Lɛrɛvɔ Sɛbɛ 74:2

Ilé munu lé i wo si izé nya é vinin, ’Té i wo tabo é ziin ilé tɔnɔyéma bɛnnu nya bɛ, wo sele ’é dɔ i gi ana ma; Fɛ lé i ke é nyanale ana, Siɔn gɔblɛn nwiin bɛ, wo sele ’é dɔ i gi ana ma;

Lɛrɛvɔ Sɛbɛ 95:6

’Ka da, kaa dia a ’lɛ, yé kaabo kɛlɛ kiéné, Kaa zun kaa powuo ta kaa Kɛlɛzan Gakelebale ’lɛ.

Fwile 15:16

Kanale valé di kinile é dan bɔ lɛ wo ma fiaa; I bɛ lé plɛplɛ lé we ma lé Wo dan kinin lɛ bobogyɛzannu nya bélé gɔlɛ zo, Fɔɔ yé ilé munu é gié, oo, Gakelebale, Fɔɔ yé ilé munu lé i wo ye izé nya, Yé wo gié.

Fwile 4:22

I dan a fe lɛ Faraɔn lɛ léé: Gakelebale léma: Izraɛl a ’é be nya, ’élé né vininzan nya.

Ézai 1:2

Lanu, ’ka tɔné dɔ; tɛrɛ, ’i an ban i tɔné nya, naa, Gakelebale a wefena. É léma: Maa nénu pa yé wo tin an yuɛ va, naa, wo nwa an ma.

Ézai 27:11

Dé yilibɛnu ga, woo wo yélié yé lomu é da wo sɔn kyɛ nya. Munu ’ko ’wuo ’ka wo ta lo; amalé mi lé é wo kɛlɛ, a nyanai ’ka zén‐é wo ta lo. Mi lé é wo bɔra, é ’ka zin kɛlɛ lɛ wo lɛ lo.

Ézai 43:1

Jakɔb‐oo Jakɔb, Gakelebale lé é i kɛlɛ, é a wefena sin; Izraɛloo Izraɛl, mi lé é i bɔra, é léma: Maa i tabo, amalé té i kana we do kpen lee lo, Maa i laa i tɔ nya; bii a anzé nya.

Ézai 43:7

Munu faa lé woo wo laan an tɔ nya, ’wo da, Maa wo bɔra an tɔbɔle we gi, Maa ɛ wo kɛlɛ, maa ɛ wo tin.

Ézai 44:2

Gakelebale lé é i kɛlɛ, É sia i yaabléyi va, mi lé é i tin, Mi lé i tɛn a ma, é léma: An wuozan Jakɔb, té i kana lo, Anlé Izraɛl lé maa a si a va, té i kana lo.

Ézai 63:16

Duowo, bii ɛ ke ko ti nya. Naa, Abraam ’ka ko dɔɔa lo, yé Izraɛl ’ka a gi dɔɔa léé, ko ana lo; bii Gakelebale ɛ ke ko ti nya; a péli sia bléyi va ibo laan ko siéwegizan.

Ézai 64:8

Oo Gakelebale, té i bli fli yé é gié é glɛ la lo. Té kolé wenyané blɛn sele é dɔ i gi yifaama lo; bé gini do, ko faa a ilé munu nya.

Jérémi 4:22

Naa, weboen lé, anlé munu ’wuo ’ka wo ta lo, wo ’ka an dɔɔa lo, Wo ta a é vole, wo gi do kpen ’ka é kinile lo. Weple saa lé wa kɛla, Naa, wo ’ka bɔa wezin do kpen kɛlɛle lɛ lo.

Jérémi 5:21

’Kaa tavozannu lé ka bli ’ka tegele lo, ’ka tɔné dɔ we ’ko lɛ. Ka yuɛnu a, yé ka ’ka yɛrɛ yé lo; ka tɔnénu a, yé ka ’ka we do kpen maan lo.

OZÉ (Osée) 13:13

Nyanéblele é dan bɔ lɛ a ma, bélé né yaa le lé nyanéblele zo. É a né lé é ’ka we dɔɔa lo, a nya; a yaabléyi bɔ, yé é ’ka a nyi sié léé, ’é bu ’é yaa lo.

Malasi 1:6

Gakelebale we fe ’kaa Balebanzannu lɛ léé: Né é é ti lɛdɔama, yé mi leezan é ézan lɛdɔama. Dé maa a ka ti nya, kalé an lɛdɔmale a kyɛɛn? Dé maa a kazan nya, kalé kanale an lee a kyɛɛn? ’Kaa Balebanzannu, ka nyé yéli an tɔ ma yé ka léé: Ko nyé yéli i tɔ ma kaa?

WENÉNÉ LE JAN A GYE (Évangile selon Jean) 8:41

Ka a ka ti kɛlɛwenu kɛlɛna. Wo lé a lɛ léé: Ko ’ka bwɛlanénu nya lo. Ko ti a do kpen, Kazambale nya.

Kelewenu 20:28

Bɛwemalé, ’ka yuɛ pa kabozen valé trubɛ palu gimunu faa lé Léli Sauun ka kɛlɛ wo tabinzannu nya, wo va. Mizan lé léglizigimunu lé é wo lɔ ébo nyɛ nya bɛ, Bale ka kɛlɛ wo tabinzannu nya léé, ’ka fɛblele nɔ wo lɛ.

Rom munu 8:15

Yé ka ’ka luu bli ye lɛ yé ka kanaan é ziin lo, naa, mi né bozen bli lé ka a ye, a nya lé kaa siaan: Aba, ’bɛ gi léé, an ti.

1 Korent munu 6:20

Wo ka lɔ fɛwezan blɛn nya. Bɛwemalé ’ka Kazambale tɔ bɔ ka kɔlɛ valé ka léli nya.

Galasi munu 3:26

Naa, ka faa a Kazambale benu nya, blivole Jézu Krist lɛ we ma.

Galasi munu 4:6

Ka a benu nya, bɛwemalé Kazambale é Be Léli pa kaa bli gi, ’té éé siaan: Aba, ’bɛ gi léé, an ti.

Bélidɔwesɛbɛ Fiézan 1:31

yé bwi gi é ziin, ka a ye léé, Gakelebale kalé Bale ka si bélé mi é élé né sié fɛan zo, a zo, ta faa lé ka wo, a gi fɔɔ yé ka bɔ fɛkona ’ko.

Bélidɔwesɛbɛ Fiézan 14:1

Ka a Gakelebale, kalé Bale lé nénu nya. Té ka pɔɔ gyɛ ka kɔlɛ ma lo, té ka nwin puiyɛ ka bɛlo la mi gale lé we ma lo.

Bélidɔwesɛbɛ Fiézan 32:15

Izraɛl bua, yé é nwa Bale ma; I bua, yé i zén‐i, yé i laala gyɛ; Yé é sɔn vɔ ’é Kɛlɛzan Bale ma, É é siéwegi Gɔlɛ vo ’é yuɛ zuo,

Bélidɔwesɛbɛ Fiézan 32:18

Gɔlɛ lé é i kɛlɛ, i sɔn vɔ a ma, Yé Bale lé é i yaa, i gi san a ma.

Bélidɔwesɛbɛ Fiézan 32:28

Wa bɛn lé wo ta ke é vole, wo nya, Yé wo gi ’ka é kinile lo.

2 Piɛri 2:1

Viébalelayemunu ana munu méléna é kyɛn, yé viéwe paamigizannu é dan kɛlɛ lɛ ka méléna é ziin, yé wo dan misaanwe paa lɛ munu gi, yé Mizan lé é wo tabo bɛ, wo dan sɔn vɔ lɛ ’bɛ ma, yé wo dan wobozen guru zana lɛ a gi fiaa.

1 Jan 3:1

Ka gini do. Kaa Ti bli bɔ kaa ma fɛan zo, yee lé é ke ’ko: é kaa laa Kazambale lé nénu, yé kaa a ’bɛ nya. Yé tɛrɛlamunu ’ka Jézu dɔɔ lɛ lo, bɛwemalé wo ’ka kaa dɔɔa lo.