Bélidɔwesɛbɛ Fiézan 32:22 - Kazambale lé Sebe Sauunu 1979

²² Wo kyɛ vɔ anlé bliflile ’léé, Yé é dan vo lɛ blena fɔɔ yé é bɔ migalenu nyanana wɔlɛ ma; É dan tɛrɛ valé étafɛnu ble lɛ, É dan gɔ pun faa ble lɛ.

Bélidɔwesɛbɛ Fiézan 32:22 ပူးပေါင်းရင်းမြစ်များ

Lɛrɛvɔ Sɛbɛ 144:5

Gakelebale, ’i ilé lanu tua, yé ’i zun. ’I bɛ mane gɔblɛnnu ma yé kyɛgoinu é bɔra wo gi ma,

Lɛrɛvɔ Sɛbɛ 21:9

I bɛ é dan bɔ lɛ i nyanézannu faa lɛ, I bɛyi é dan bɔ lɛ munu lé i za ke wo gi, wo lɛ.

Lɛrɛvɔ Sɛbɛ 46:2

Bale a ko yɔɔna valé ko tɛnmazan nya, Éé bɔa mi va yifaama; é ’ka sɔn vɔa bɔle munu va ma pelo.

Lɛrɛvɔ Sɛbɛ 83:14

Anlé Bale, ’i wo kɛlɛ bélé barikoko giéle zo, Bélé lɔɔ lé fu a sian, a zo.

Lɛrɛvɔ Sɛbɛ 86:13

Naa, ilé zin a blɛn an vazia, Yé i an boen si gamunu nyanana.

Lɛrɛvɔ Sɛbɛ 97:3

Kyɛ éé tawoo a ’lɛ, Yé a mazannu lé wa zi lɛ sɔɔ, kyɛ éé wo blé.

Ézai 24:6

Amalé bale pale wo ma é dan wolé tɛrɛ sɛrɛ lɛ, yé ana munu é dan ’wolé wenyané ma ban ye lɛ; bɛwemalé tɛrɛ é dan ana munu ble lɛ yé wo ’léé é dan vo lɛ kiéné.

Ézai 30:33

Maa miyilibanna ma’lɛrɛ ana mɔn Tofɛt; a ma a é ’lɛrɛle Asirinu nwiinzan lé we ma. A guru a, yé a laala a blɛn yé maa kyɛ zén yee miyilibanna ta di; maa, Gakelebale, maa dan kyɛ vɔ lɛ a ’léé an flin fu nya bélé povun kyɛ blɛn zo.

Ézai 54:10

Dé gɔblɛnnu go baa, Dé gɔpanénu ma nyɔɔn, I va sɔlɛle ’ka sié an gi pelo, Yé anlé gipawe lé ke ka vole drɔɔ nya, é ’ka dan sɛrɛ lɛ pelo. Gakelebale lé a nyanai éé zén‐é i ta, yee ɛ fe.

Jérémi 15:14

Maa dan ka valé ka nyanézan pa lɛ zia tɛrɛ lé ka ’ka a dɔɔa lo, a ta, naa, anlé bliflile a bélé kyɛ lé wa bi, a zo; é nwa ka ma.

Jérémi 17:4

Ka pagi lé we ma lé tɔnɔ lé maa a nɔ ka lɛ bɛ, é dan san lɛ ka lee. Ka dan kɛlɛ lɛ ka nyanézannu wuozannu nya, tɛrɛ lé ka ’ka ana dɔɔa lo, ana. Naa, ka anlé bliflile nwa bélé kyɛ zo, amalé an bli flile ’ka dan nyaa lɛ lo.

Jérémi 4:4

Juda munu valé Jérusalɛm munu, ka kɛlɛle Gakelebale zé nya lé tɔmase ’é kɛlɛ ka ma ma, ’ka daan ka kɛlɛwe kyɛn ma, dé anlé bliflile é da ble bélé kyɛ zo, dé é da nwa bélé kyɛnɛnɛ zo, ’té mi do kpen ’ka bɔa a dirile lɛ lo, ka kɛlɛwe naané lé we ma.

Jérémi Lé Wuvɔ Sɛbɛ 2:2

Mizan Jakɔb lé munu nyanana faa sɛrɛ, ’té a nyanai ’ka zén‐é wo ta lo; A bli flile baba zi, é Izraɛl munu yɔɔna plɛplɛnu guru zana a gi; É a kɛlɛ léé, wo burula tɛrɛ va. É fuatɛrɛ valé é nwiinzannu sɔnné sɛrɛ.

Jérémi Lé Wuvɔ Sɛbɛ 2:3

A bliflile baba zi, é Izraɛl munu lé plɛplɛ nyaa; É é bɛyi si wo ’lɛ wo nyanézannu yuɛ va, É kyɛ bi Jakɔb lé munu méléna, Yé kyɛnɛnɛ wo zi fɛnu faa ble.

Jérémi Lé Wuvɔ Sɛbɛ 2:4

É sa gana wo ma bélé wo nyanézan zo, A bɛyi éé bon‐ɛn‐an wo nya bélé mi lé éé nwaan é bɔluzan ma, a zo; Fɛnu faa lé woo mi yuɛgi bɔa, é wo sɛrɛ, A wɛwɛ dɔ yé éé zén‐é Siɔn munu lé sɔkɔn ta bélé kyɛ lé.

Jérémi Lé Wuvɔ Sɛbɛ 4:11

Gakelebale élé bliflile nwɛɛn Siɔn munu ta, É kyɛ bi Siɔn, Yé kyɛ a gane vɔna ble. Sin, a wɛwɛ dɔle nyaa.

Ézékiɛl 19:12

Naa, wa soowɔla nyana nya, yé wa vuli tɛrɛ va; Yirinwanazia fu a poronu sɛrɛ; Wa bɛ plɛplɛnu so a ma, yé wo ga; Kyɛ wo ble.

Ézékiɛl 22:21

Maa dan ka zén lɛ ékeva, yé an wɛwɛ dɔle ka ma é dan kɛlɛ lɛ kyɛ sɔnle ka wuo zo; yé ka dan sele lɛ Jérusalɛm méléna.

Ézékiɛl 36:5

Mizan Gakelebale léma: Iin, anlé maawole nwa wo ma bélé kyɛ zo; maa a we fena bɛn bɛnu valé Édom tɛrɛ faa lɛ. Wo lé wo anlé tɛrɛ si wozé nya, ’wiile ana fɛnu ta we ma bɛ, ’té wo gi éé nanama, ’té woo serele boo anlé tɛrɛ ma wo bli gi bɛ, maa a we fena wo ɛ lɛ.

Ézékiɛl 38:19

Maa fe ka lɛ, ’bɛ yi ’ko nya, anlé maawole valé anlé bliflile blɛn lé we ma Izraɛl tɛrɛ bɔ é dan gyɛ lɛ blɛɛn.

Lévinu 26:20

Ka dan nyanama pa lɛ é pla; kalé tɛrɛ ’ka dan fɛ dɔ lɛ lo, yé kalé yilinu ’ka dan ’wo poro baa lɛ lo.

Amɔs 5:6

’Ka Gakelebale nagini yé ka dan vo lɛ é yuɛma. ’Ka kana, dé é da bi Jozɛfu lé munu ma bélé kyɛ zo, yé kyɛ ’ko a ble, ’té mi do kpen ’ka Bétɛl yé ’bɛ a diri lo.

Amɔs 7:4

Mizan Gakelebale we do gɔɔn an lɛ yuɛzi gi. Ka yua, Mizan Gakelebale a we lɛdɔle mi gi kyɛ nya zana dɔɔna, yé kyɛ a blena guru blɛn gi, yé féi kyɛ a blena.

Misé 1:4

Gɔnu ’yi a bona a wuo, ’Té gɔ woronanu lɛ éé soo a wuo, Bélé kyɛ éé wele ’yiboo fɛan zo, a zo, Bélé ’yi éé yoroan gɔ zunna fɛan zo, a zo.

Abaku 3:10

Gɔnu a ye tɔɔn, yé wo ma nyɔɔn; ’Yiyoro plɛplɛnu éé goo vlan; Guru blɛn lé a wɔlɛ ma nyaana ’ka lo, a gi éé wé, Éé bɛnu nwaan loru.

Sofoni 1:18

Dé é a wolé gɔɔli nyaoo, dé é a wolé kyan nyaoo, ’bɛ ’ka dan wo si lɛ we gi Gakelebale wɛwɛ dɔyi nya lo. Alé maawole lé ke bélé kyɛ zo, é dan tɛrɛ ’ko faa kyɛ ble lɛ a nya; naa, é dan munu faa gyɛ lɛ fiaa, azama.

Sofoni 3:8

Gakelebale léma: Yian nya lé maa dan nwa lɛ gulizarafɛ sile we ma bɛ, ’ka an lɛbɛn ’bɛ yi nya. Naa, é dɔ an gi léé, maa bɛngɔnɔnu zén ékeva, yé tɛrɛnu lé munu ke é plale wo nwiin, maa dan wo zén lɛ ékeva, an wɛwɛ dɔle wo ma we gi, an bli flile baba wo ma we gi. Naa, maa dan tɛrɛ faa kyɛ ble lɛ anlé maawole nya.

Mi Nɔnɔle 16:33

Wo zun gamunu nyanana é yuɛma, wo valé wo leefɛnu faa nya; yé tɛrɛ lɛ tan wo ta, yé wo san zén‐ékevamunu méléna.

Mi Nɔnɔle 16:35

Yé kyɛ do si Gakelebale va, yé mi wuru do yɔ fié wɔlɛ vu lé woo Bale baan lasikɔrɔ nya, é wo ble.

Matio 10:28

Wo lé woo mi kɔlɛ gya, yé wo ’ka bɔa miboen gyɛle lɛ lo, té ka kana wonu lee lo. Mi lé éé bɔa miboen valé mi kɔlɛ gyɛle lɛ jéɛna kyɛ plɛplɛ va, a fila vɔ léé, ka kana ’bɛzan lee.

Matio 18:9

Dé i yuɛ i vɔ wenyané gi, bé bɔra a gi yé bé vuli i ma baa; dé i vo é yuɛma la gi i yuɛ do kpen nya, ’bɛ fila vɔ é mini wolé i vulile i yuɛ fié nya jéɛna kyɛ va ta.

Matio 23:33

Ménénu, ménénwunnu bɛn, ka kɛla kaa yé ka ’ka dan kle ble lɛ jéɛna kyɛ va loo?

Bélidɔwesɛbɛ Fiézan 29:20

Gakelebale ’ka a nyi sié léé, mi ’ko ma we é vo lo. Naa, Gakelebale bli é dan fli lɛ mi ’ko ma yé alé maawole é dan nwa lɛ a ma, yé balepadére faa lé wa gyɛ sɛbɛ ’ko gi, é dan vo lɛ mi ’ko ma, yé Gakelebale é dan a tɔ si lɛ tɛrɛ la.

2 Tɛsalɔnik munu 1:8

É dan da lɛ kyɛnɛnɛ méléna, munu lé wo ’ka Kazambale dɔɔa lo, é valé munu lé wo ’ka Kaazan Jézu lé Wenéné lɛdɔama lo, we lɛdɔle wo gi we ma.

Ébrunu 12:29

Naa, kaalé Bale a é ziin kyɛ lé éé fɛ faa blé, a nya.