Bélidɔwesɛbɛ Fiézan 32:20 - Kazambale lé Sebe Sauunu 1979

²⁰ É léé: An dan an yara si lɛ wo la, Yé an dan wozé ’wuoplana ye lɛ; Naa, wa bɛn sɛrɛle nya, Wa yuɛi blaan nénu nya.

Bélidɔwesɛbɛ Fiézan 32:20 ပူးပေါင်းရင်းမြစ်များ

2 Minwiinzannu 17:18

É ziin, Gakelebale bli fli wo ma é baba yé é wo si é yara baa. Juda bɛn do kpen ɛ vo.

2 Minwiinzannu 17:20

Gakelebale sɔn vɔ Izraɛl bɛn faa ma; é wo gyɛ yara nya yé é wo pa ’wiiéwotamunu lee, yé é a ’wuo pla wo binle nya é yara baa.

2 Minwiinzannu 17:23

fɔɔ yé Gakelebale Izraɛl bin é yara baa, fɛan zo lé é a fe é wuozannu Balelayezannu faa lɔlu nya, a zo. Yé wo go Izraɛl munu nya luu gi wolé tɛrɛ ma baa, Asiri tɛrɛ la, ana lé wo vo fɔɔ kyɔ yi nya.

2 Minwiinmunu lé Wezuofe Sɛbɛ 20:20

’Bɛ é tu kini, wo zi sia bladi tutu gole Tékoa bwi la we ma. Wo zi sia bléyian va, tɔɔn Jozafat dɔ wo ’lɛ yé é léé: Judanu valé Jérusalɛm munu, ’ka tɔné dɔ an lɛ. ’Ka pa Gakelebale, kalé Bale ta, yé ka dan dɔ lɛ gligli. ’Ka pa alé balelayezannu ta, yé kalé we va é dan gyɛ lɛ.

JOB (Job) 13:24

Mɛmalé i yara yɔɔ an ma Yé i an ye i nyanézan nyaa?

JOB (Job) 34:29

Dé é flinle nɔ mi lɛ, de ɛ dan gi bɔrɔ pa lɛ ’bɛzan maa? Dé é yara yɔɔ, de ɛ bɔa a yele lɛɛ? Dé é a bɛn do nyaoo, dé é a mi do nyaoo, éé wo faa lé we kɛla tegele

Ézai 30:9

Naa, munu ’ko lé we ma a plɛplɛ yé wa viéwozannu nya; wa munu lé wo ’ka a nyi sié léé, ’wo tɔné dɔ Gakelebale lé bélidɔwe lɛ lo, wo nya.

Ézai 64:7

Duowo, Gakelebale, bii a ko ti nya. Ko a bélé bɔtɛrɛ zo, bii ɛ ko kɛlɛ; ko faa a i bɛ panyanama nya.

Ézai 7:9

Naa, Éfraim tɛrɛ la kuru ’léé a Samari nya, yé Rémalia be a Samari flanwiinzan nya. Dé ka ’ka dɔ lɛ a ta lo, ka ’ka dan vo lɛ ana lo.

Jérémi 18:17

Maa dan wo fwila lɛ wo nyanézannu ’lɛ bélé yirinwana fu a kɛla fɛan zo, a zo; Wolé klebleyi nya, maa dan an nwun zi dɔ lɛ wo ta, maa ’ka dan wo nagini lɛ lo.

Jérémi 5:31

balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

OZÉ (Osée) 9:12

Dé wo ’wolé nénu pa, an dan wo si lɛ wo lee wo tinle ’lɛ; dé an si wo zi, ’té we tɔntɔn kɛlɛ wo lɛ.

Matio 17:17

Jézu léé: Bli paan lo munu, ziri zo bɛn, ka léé, an lɛɛ nɔɔ ɛ kɛlɛ ka va faa ’lɛ, yé ka bli é vo an lɛɛ? Ka léé, maa kɛlɛ kaa? ’Ka da a nya an va ze.

Maak 9:19

Jézu lé wo lɛ léé: Blipaanlo bɛn, ka léé, an lɛɛ nɔɔ ɛ kɛlɛ ka va faa ’lɛ yé ka bli é vo an lɛɛ? Ka léé, maa kɛlɛ kaa? ’Ka da a nya an va. Yé wo da a nya a va.

WENÉNÉ LÉ LUK A GYE (Évangile selon Luc) 18:8

Maa lé ka lɛ léé, é dan ’bɛnu lé we ble lɛ é kele. Naa, dé maa blami Be da, dé an dan bɔ lɛ blipamunu ma tɛrɛ laa?

Bélidɔwesɛbɛ Fiézan 31:29

Naa, maa a gi dɔɔ léé, an gale zuo, ka dan kabo sɛrɛ lɛ; yé tawobɛ lé maa a gɔɔn ka lɛ, ka dan si lɛ ’bɛ zuo; we lé ke naané Gakelebale yuɛ gi, dé ka ’bɛ kɛlɛ fɔɔ yé ka Bale bli fli ka bɛ kɛlɛfɛnu nya, é dan nyaa lɛ wenaané bɔle nya ka ma.

Bélidɔwesɛbɛ Fiézan 32:5

Dé alé nénu wobo sɛrɛ, a pai kaan lo; Alé nénu bozen lé yaragyɛwe lé, Viébɛn lé; bɛn sɛrɛle lé.

Bélidɔwesɛbɛ Fiézan 9:23

Gakelebale a a va léé, ka si Kadɛs‐Baanéa bléyian va, yé é lé ka lɛ léé, ’ka nwa, tɛrɛ lé ’é a nɔ ka lɛ, ’ka a si kazé nya, ’ka tɔné gi kɛlɛ plɛplɛ Gakelebale, kalé Bale dére ma, yé ka bli ’ka vo lɛ a lɛ lo, yé ka ’ka a dére lɛdɔ lɛ a ma lo.

2 Tɛsalɔnik munu 3:2

yé ko si tavozannu valé mi lɛrɛlɛrɛnu lee, naa, mi faa bli ’ka é pale lo.

Ébrunu 11:6

naa, dé mi bli ’ka Kazambale lɛ lo, ’bɛzan ’ka bɔa sɔle lɛ Kazambale lɛ lo. Naa, mian éé biéan Kazambale sɔnɔ é a lé é pa a ta léé, Bale a, yé munuan wa naginina é a wo goolipazan nya.

Jozué 23:10

Ka va mi do mi wuru soru bin, naa, Gakelebale, kalé Bale ka ma guli dan, é a fe ka lɛ fɛan zo, a zo.