Bélidɔwesɛbɛ Fiézan 32:18 - Kazambale lé Sebe Sauunu 1979

¹⁸ Gɔlɛ lé é i kɛlɛ, i sɔn vɔ a ma, Yé Bale lé é i yaa, i gi san a ma.

Bélidɔwesɛbɛ Fiézan 32:18 ပူးပေါင်းရင်းမြစ်များ

Lɛrɛvɔ Sɛbɛ 106:21

Wo Siéwegizan Bale lé É we blɛnnu kɛlɛ Éjipiti tɛrɛ la,

Lɛrɛvɔ Sɛbɛ 18:2

Oo Gakelebale, anlé plɛplɛ, i sɔ an lɛ.

Lɛrɛvɔ Sɛbɛ 9:17

Gakelebale éé ’é dɔbɛ gɔɔn‐an wo lɛ, éé we tegele kɛla, Éé minyanénu yerean ’wo bɛnu panyanama nya. ’Ka dɔ. ’Wo flinnu gyɛ.

Ézai 17:10

Naa, Bale lé é ka si we gi, ka gi san ’bɛ ma, i yɔɔwuogɔlɛ sele saan i gi, azama. Ka féi pa yonu zé nya, ka dɔrɔyili suru bale bɛnu lɛ.

Ézai 27:11

Dé yilibɛnu ga, woo wo yélié yé lomu é da wo sɔn kyɛ nya. Munu ’ko ’wuo ’ka wo ta lo; amalé mi lé é wo kɛlɛ, a nyanai ’ka zén‐é wo ta lo. Mi lé é wo bɔra, é ’ka zin kɛlɛ lɛ wo lɛ lo.

Jérémi 2:31

Bléyi ’ko va munu, ’ka bɔn‐in bɔrɔ Gakelebale dére ma. Maa kɛlɛ bélé nyéné saa lé fɛna zo Izraɛlnu lɛɛ? Maa kɛlɛ bélé tɛrɛ lé gunuti tiritiri ke é sɔɔlale a ta, a zoo? Mɛmalé anlé munu a fena léé: Ko a kobo ma, ko ’ka a va léé, ko nɔla i va é ziin loo?

Jérémi 2:32

Blɛnné gi éé saan é ’lɛrɛfɛnu maa? Bosizan gi éé saan élé fɛwezan maa? Naa, anlé munu gi san an ma yi kiɛre boen nya.

Jérémi 3:21

Munu dére a wena fɛna lorunu na, Izraɛlnu lé wuvɔdére valé wolé dunuvɔmadére lé; Naa, wo ’wolé zi sɛrɛ, Yé Gakelebale, wolé Bale sele saan wo gi.

Ézékiɛl 22:12

Bii fla ’ko la, woo blɛfɛ sié mi nyɛ zanale we ma; woo gɔɔli zuo tɔnɔ valé a pamale sié, woo ’wo bɔluzan leefɛ sié gla nya, yé maa, wo gi éé saan maa ma. Yee lé Mizan Gakelebale a fe.

OZÉ (Osée) 8:14

Izraɛlnu gi san ’wo Kɛlɛzan ma, yé wo fuakɔnnu dɔ. Juda élé fla plɛplɛ kɛlɛ di; naa, an dan wolé flanu kyɛ vɔ lɛ, yé wolé fuakɔnnu kyɛ é dan ble lɛ.

Bélidɔwesɛbɛ Fiézan 32:15

Izraɛl bua, yé é nwa Bale ma; I bua, yé i zén‐i, yé i laala gyɛ; Yé é sɔn vɔ ’é Kɛlɛzan Bale ma, É é siéwegi Gɔlɛ vo ’é yuɛ zuo,

Bélidɔwesɛbɛ Fiézan 32:4

É a bélé gɔlɛ zo; gun ’ka a kɛlɛwenu ma lo, Alé tawobɛ faa a tegele, azama; É a Bale lé éé yara paan we la, ’té weple ’ka a gi lo, a nya. É a tegele, é a é drɔle.

Bélidɔwesɛbɛ Fiézan 6:12

Dé ka fɛ ble yé ka kan, ’ka yuɛ pa kabozen va; té ka gi é san Gakelebale lé é ka si luu gi Éjipiti tɛrɛ la, a ma lo.

Bélidɔwesɛbɛ Fiézan 8:11

’Ka yuɛ pa kabozen va, té ka gi é san Gakelebale, kalé Bale ma lo, yé a sɔnnénu valé ka gɔnɔlawenu valé alé bélidɔwenu lé maa wo gɔɔn ka lɛ kyɔ yé ka ’ka wo ta tawo lo lo.

Bélidɔwesɛbɛ Fiézan 8:14

’ka yuɛ pa kabozen va, té ka kabo kɛlɛ blɛn lo; Gakelebale, kalé Bale lé é ka si luu gi yé é ka si Éjipiti tɛrɛ la, té ka gi é san a ma lo.

Bélidɔwesɛbɛ Fiézan 8:19

Dé ka gi san Gakelebale, kalé Bale ma, yé ka go bale bɛnu zuo, dé ka wo bɔ yé ka dia wo wuo, maa fe ka lɛ kpaklaa kyɔ léé, ka dan zamaga wo lɛ.

1 Samuɛl 12:9

Naa, wo gi san Gakelebale wolé Bale ma; yé é wo dan Asɔɔ sunyanu nwiinzan Sizéra koo, Filisitinu koo, Moab nwiinzan koo, wo lee, yé wo guli dan wo nya.