Bélidɔwesɛbɛ Fiézan 32:13 - Kazambale lé Sebe Sauunu 1979

¹³ É go wo nya loru, Yé Izraɛl bwiifɛnu ble; Zɔrɔnyɔnɔ lé éé sié gɔlɛ gi koo, Nyɔnɔ lé éé sié gɔlɛ plɛplɛ baba gi koo,

Bélidɔwesɛbɛ Fiézan 32:13 ပူးပေါင်းရင်းမြစ်များ

2 Samuɛl 22:34

Éé an gane kɛla bélé ’kla zé zo, Yé éé an dɔa gligli gɔnu nwiin.

JOB (Job) 20:17

Alé nyɔnɔfɛ lé ke kiɛre bélé yuu zo, É ’ka dan é yuɛ dɔ lɛ ’bɛ ma é dɛrɛ lo.

JOB (Job) 29:6

’Té an fɛnyɔnɔzan yé kiɛre, ’Té anlé fuafɛnu éé yoroan bélé yuu zo.

Lɛrɛvɔ Sɛbɛ 18:33

Bale plɛplɛ dɔ an gyɛn kyɛsidi nya, ’Té éé goo an nya zi drɔle ta.

Lɛrɛvɔ Sɛbɛ 81:16

Munu lé Gakelebale za ke wo gi, ’té wo blaané dére fe, Yé ’té Izraɛl munu gi é dan nana lɛ yifaama;

Ézai 48:21

Fɛana lé éé goo wo nya bwi gi, ’yiminilɔrɔ ’ka dan wo gyɛ lɛ ’bɛna lo; É dan ’yi si lɛ wo lɛ gɔlɛ gi, ’té éé duun‐an, É dan gɔlɛ fee gyɛ lɛ Yé ’yi é dan yoro lɛ.

Ézai 58:14

’té Gakelebale é dan kɛlɛ lɛ i ginanamazan nya, yé maa dan i kɛlɛ lɛ tɛrɛ la mi blɛn nya. I gi é dan nana lɛ i ti Jakɔb zara blele ma. Naa, Gakelebale ɛ fe ébo ’léé.

Ézékiɛl 16:13

’Ko zo lé maa i ’lɛrɛ kyan valé gɔɔlifu nya, yé lɛnsɔ koo, sɔanésɔ koo, sɔnu lé pɛɛnu ke é gyɛle wo lɛ gi koo, maa i ’lɛrɛ wo nya. Burupun zima koo, zɔrɔnyɔnɔ valé nyɔnɔ koo, wo kɛlɛ i blefɛ nya. I nɔnɔmi lɛ sɔɔ, ’té i kɛlɛle minwiin le nya yara lé.

Ézékiɛl 21:17

Blami be, ’i siaa, ’i dunnu ma. Naa, wa so é kɔlɛ gi anlé munu ma, Izraɛl munu nwiinzannu faa ma. Maa wo valé anlé munu bɔra gwɔun lɛ, amalé ’i boro gyɛ.

Ézékiɛl 36:2

Mizan Gakelebale léma: Naa, ka nyanézannu a fe ka ma léé: Aa! Aa! Fɛna nwalenu lé wo ke ana lɛɛfaama bɛ, wo kɛlɛ ’wozé nya.

OZÉ (Osée) 13:6

Wo kan wo blefɛ nya; wo kan yé wo blii boblɛn nya, bɛwemalé an sele saan wo gi.

Bélidɔwesɛbɛ Fiézan 28:47

Bléyian va lé fɛ kiɛre faa a ka lee, ka ’ka Gakelebale, kalé Bale bɔ lɛ ginanale valé bli zin nya lo,

Bélidɔwesɛbɛ Fiézan 33:26

Izraɛl lé Bale bɔmazan ’ka lo, É da la gi yé é bɔ ka va, É da lati ta élé fuasan blɛn tagɔɔnle nya.

Bélidɔwesɛbɛ Fiézan 33:29

Izraɛl, izé a néné, de ɛ ke bélé bii zoo? Munu lé Gakelebale wo si we gi, ka lé. ’Té yee ɛ ke ka botakuunfɛ nya, ’Té yee ɛ ke ka tɔbɔgwɔun nya, de ɛ ke bélé bii zoo? Ka nyanézannu wo dan ’wo ’wuo wɔra lɛ ka gane wuo, Yé ka dan wolé gɔnwiin yobannanu zɔn lɛ ka gane nya.

Bélidɔwesɛbɛ Fiézan 8:15

É go ka nya bwi blɛn ’ko lé, a ta éé kana zén‐é mi gi, ’té méné suiɛ yaale valé zɛnɛanu ke ana, a la; é go ka nya fɛna galenu na, ’té ’yi ’ka ana lo, yé é ’yi si gɔlɛ plɛplɛ gi ka lɛ;

Bélidɔwesɛbɛ Fiézan 8:8

’sa koo, sɔnmlén koo, dɔrɔféinu koo, bɔrɔyilinu valé grénadéyilinu koo, wa tɛrɛ ’ko la; ɔliviyilinu valé zɔrɔnyɔnɔ a tɛrɛ ’ko la;