Bélidɔwesɛbɛ Fiézan 31:3 - Kazambale lé Sebe Sauunu 1979

³ Gakelebale, kalé Bale bozen é dan tawo lɛ ka ’lɛ, é dan bɛn ’konu kulu ga lɛ ka ’lɛ, yé é dan ka kɛlɛ lɛ wo nwiinzannu nya. Jozué é ziin, ’bɛ é dan tawo lɛ ka ’lɛ, Gakelebale a fe fɛan zo, a zo.

Bélidɔwesɛbɛ Fiézan 31:3 ပူးပေါင်းရင်းမြစ်များ

Wepélisiananu 48:21

Izraɛl lé Jozɛfu lɛ léé: Maa a dana ga lɛ. Kazambale é dan kɛlɛ lɛ ka va, yé é dan go lɛ ka nya ka tinu lé tɛrɛ la é ziin.

Kelewenu 7:45

Dé kaa tranu sɔkɔn ye, wo goan yé wo bɔra a nya bɛnnu lé Kazambale wo bin wo ’lɛ, wolé tɛrɛ la, ’té Jozué a wo zilɛzan nya. Yee sɔkɔn vo ana fɔɔ yé é bɔ David zé bléyi ma.

Bélidɔwesɛbɛ Fiézan 1:30

Gakelebale, kalé Bale lé éé tawoo ka ’lɛ, yeebozen é dan ka ta guli dan lɛ, we faa lé é a kɛlɛ ka yuɛ va Éjipiti tɛrɛ la, a yɛrama;

Bélidɔwesɛbɛ Fiézan 3:28

É léé, ’maa we fe Jozué lɛ, ’maa fuu dɔ ’bɛ ta, ’maa ’bɛ dɔ gligli; naa, yee ɛ dan tawo lɛ munu ’konu ’lɛ yé tɛrɛ lé maa a ye bɛ, yee ɛ dan a nɔ lɛ wo lɛ wozé nya. A zo lé Gakelebale a fe an lɛ.

Bélidɔwesɛbɛ Fiézan 31:14

Gakelebale lé Moizi lɛ léé: Bé gini, i gabléyi bɔ é pu. ’I Jozué laa, yé ’ka da a nya zén‐ékevasɔkɔn gi. Maa dan an dére fe lɛ a lɛ. Moizi valé Jozué go zén‐ékevasɔkɔn gi,

Bélidɔwesɛbɛ Fiézan 31:23

Gakelebale é dére ’konu vo Nɛn be Jozué va. É léé: ’Ibo dɔ gligli, ’i bli ta dɔ plɛplɛ, naa, bii ɛ dan go lɛ Izraɛl nya, tɛrɛ lé maa anbo ’nyɔɔn léé, maa dan a nɔ lɛ wo lɛ, a ta; yé maaboen é dan kɛlɛ lɛ i va.

Bélidɔwesɛbɛ Fiézan 31:4

Amoré mununwiinzan Ɔg valé Sioni lé, Gakelebale woo valé ’wolé tɛrɛ sɛrɛ bɛ, Gakelebale we kɛlɛ wo lɛ fɛan zo, é dan we kɛlɛ lɛ bɛn ’konu lɛ a zo.

Bélidɔwesɛbɛ Fiézan 34:9

Moizi é bɛ pla Nɛn be Jozué ta, amalé é fan wedɔɔle baba nya. Izraɛl munu a lɛdɔama, yé dére lé Gakelebale a fe Moizi lɛ, wo a ta tawo.

Bélidɔwesɛbɛ Fiézan 7:1

Tɛrɛ lé ka dan a si lɛ kazé nya bɛ, dé Gakelebale kalé Bale ka bɔ ana, é dan bɛn kiɛre bin lɛ ka ’lɛ; bɛn lɛ sɔrafié lé wo blɛn mini ka lɛ, yé wolé plɛplɛ mini ka lɛ, woo lé; Étinu koo, Giigazinu koo, Amorénu koo, Kanaannu koo, Férézinu koo, Éévinu koo, Jébusinu koo, woo lé.

Bélidɔwesɛbɛ Fiézan 9:3

Amalé kyɔ, Gakelebale, kalé Bale é dan tawo lɛ ka ’lɛ bélé kyɛ lé éé fɛ faa blé, a zo, ’ka ’bɛ gi dɔɔ ma; yee ɛ dan wo kɛlɛ lɛ kiéné ka ’lɛ, yee ɛ dan wo kulu ga lɛ; ka dan wo bin lɛ, ka dan wo gyɛ lɛ do ’té, Gakelebale a fe ka lɛ fɛan zo, a zo.

Ébrunu 4:8

Naa, dé é vo léé, Jozué flinle nɔ wo lɛ kɔɔn, ’té Kazambale ’ka a fé ’bɛ zuo léé, ’é yi bɛ dɔa lo.

Jozué 1:2

An wuozan Moizi ga; sin, ’i nwa; bii valé munu ’konu faa, ’ka Juudɛn ’ko kini, gole we gi tɛrɛ lé maa a nɔ Izraɛl lé nénu lɛ, a ta.

Jozué 11:15

We faa lé Gakelebale é wuozan Moizi béli dɔ a nya, yé Moizi Jozué béli dɔ a nya, Jozué a faa kɛlɛle lɛ sɔɔ; we faa lé Gakelebale a fe Moizi lɛ, Jozué ’ka a do kpen vo lɛ lo.

Jozué 3:7

Gakelebale lé Jozué lɛ léé: Kyɔ maa dan i tɔ kɛlɛle blɛn pélisia lɛ Izraɛl munu faa yuɛ va, wolé a gi dɔɔle we ma lé maa dan kɛlɛ lɛ i va bélé fɛan zo lé an kɛlɛ Moizi va, a zo.

Jozué 4:14

A yi nya, Gakelebale Jozué tɔ kɛlɛ blɛn Izraɛl faa yuɛ va, yé wo kana a lee, fɛan zo lé wo kana Moizi lee, alé tɛrɛlayinu faa gi, a zo.