Bélidɔwesɛbɛ Fiézan 30:9 - Kazambale lé Sebe Sauunu 1979

⁹ Gakelebale, kalé Bale é dan kalé fɛ zinnu fan lɛ, kalé nyanama koo, kalé nénu koo, kalé trubɛnu koo, kalé féifɛnu koo, é dan a faa nyian wo lɛ; wezin kɛlɛlɛ ka lɛ é dan kɛlɛ lɛ Gakelebale lé ginanamawe nya é ziin, fɛan zo é a kɛlɛ ka tranu zé bléyi va, a zo,

Bélidɔwesɛbɛ Fiézan 30:9 ပူးပေါင်းရင်းမြစ်များ

Ézai 62:4

Wo ’ka dan i laa lɛ, lebɔrale, é dɛrɛ lo; Wo ’ka dan ilé tɛrɛ laa lɛ, boatɛrɛ, é dɛrɛ lo; Wo dan i laa lɛ Esiba, ’bɛ gi léé, é sɔ an lɛ, Yé wo dan ilé tɛrɛ laa lɛ, Bula, ’bɛ gi léé, bofla le; I sɔ Gakelebale lɛ, ’bɛzama, Yé ilé tɛrɛ zana é dan kɛlɛ lɛ.

Ézai 62:5

Pɛniɛ éé blɛnzan sié fɛan zo, A zo duo lé i benu é dan i si lɛ. Fɛan zo lé bodɛrɛsizan é zana gi nana, A zo lé i dan ilé Bale gi nana lɛ.

Ézai 65:19

Maa dan Jérusalɛm kɛlɛ lɛ an ginanafla nya; maa dan anlé munu kɛlɛ lɛ an ginanamazannu nya. Wo ’ka dan wuvɔle valé siaale vun ’ma lɛ ana é dɛrɛ lo.

Jérémi 31:27

Gakelebale léma: Ka ye, a yi é dan bɔ lɛ, yé maa dan Izraɛl munu valé Juda munu fan lɛ; maa dan munu valé winu fan lɛ.

Jérémi 31:28

Yé fɛan zo lé maa yara pa wo sile wo dɔna koo, wo gyɛle koo, wo sɛrɛle tata koo, wo guru zanale a gi valé we tɔntɔn bɔle wo ma koo, wo ta, a zo duo lé sin, maa dan yara pa lɛ wo nyanale valé wolé fla pale ta. Maa Gakelebale ɛ ke a fena.

Jérémi 32:41

Wezin kɛlɛle wo lɛ é dan an gi nana lɛ, yé maa dan wo nyana lɛ kli tɛrɛ ’ko ta, an bli faa valé an boen faa nya.

Jérémi 33:9

Fla ’ko é dan kɛlɛ lɛ anlé ginanalafla koo, an tɔbɔla fla koo, anlé fua tɔbɔla fla koo, wo nya, tɛrɛla bɛnnu faa va. We zinnu faa lé maa dan a kɛlɛ lɛ wo lɛ, bɛnnu é dan a ’ma lɛ; dé wo an ye bɛ ma wolowolozan nya Izraɛl munu vazia, wo gi é dan vuru lɛ, ’té éé kɔɔan wo bli gi.

Lévinu 26:4

maa dan lɛɛ da lɛ é dabléyi va, yé tɛrɛ é dan fɛ dɔ lɛ yé kalé féiyilinu é dan ’wo poro baa lɛ.

Lévinu 26:6

Maa dan kalé tɛrɛ vo lɛ drɔɔ, yé mi do gi nyɛ ’ka dan kini lɛ yibla lo; maa dan wi nyanénu faa si lɛ kalé tɛrɛ la, yé guli ’ka dan da lɛ kalé tɛrɛ la lo.

Sofoni 3:17

Gakelebale kalé Bale a ka va, bélé nyanazan lé éé mi sié we gi, a zo. É dan ka kɛlɛ lɛ ’é ginanamafɛ blɛn nya; Ka sɔle a lɛ lé we ma lé, é dan flin lɛ; A gi é dan nana lɛ kaii kalé we ma fɔɔ nɛnɛ bole nya.

WENÉNÉ LÉ LUK A GYE (Évangile selon Luc) 15:32

Naa, i zuané ’ko, é ga yé é vuo, é san, yé é bɔra a gi; amalé é a lé ko gi é nana a we ma yé ko fɛti kɛlɛ webozen nya.

WENÉNÉ LE JAN A GYE (Évangile selon Jean) 15:11

Maa we ’konu fe ka lɛ anlé gi nanale kɛlɛle ka gi we ma, ’é valé ka gi nanale tegelee we ma.

Bélidɔwesɛbɛ Fiézan 28:4

ilé nénu koo, ilé féifɛ koo, ilé trubɛnénu koo, ilé dirinu valé ilé bolinu valé ilé ’blanu fanle koo, wo faa drɔɔ é dan vo lɛ.

Bélidɔwesɛbɛ Fiézan 28:63

Zin kɛlɛle ka lɛ valé ka fanle kiɛre, ’bɛ Gakelebale gi nana é vinin fɛan zo, a zo duo lé Gakelebale lé ka gyɛle zamaga nya valé ka kulu gale é dan a gi nana lɛ. Yé tɛrɛ lé ka dan bɔ lɛ a ta yé é kɛlɛ kazé nya, Bale é dan ka si lɛ a ta gla nya.

Bélidɔwesɛbɛ Fiézan 30:8

Yé ’kaa, ka dan da lɛ Gakelebale va, yé ka dan a dére lɛdɔ lɛ a ma, yé a sɔnnénu faa lé maa wo fe ka lɛ kyɔ, ka dan wo pa lɛ.

Bélidɔwesɛbɛ Fiézan 7:14

É dan ka drɔɔ vo lɛ yé é mini bɛnnu faa ta; sɔngɔné valé sɔnle ’ka dan kɛlɛ lɛ ka va lo; sɔnwinu ’ka dan kɛlɛ lɛ kalé trubɛnu va lo.