Bélidɔwesɛbɛ Fiézan 30:7 - Kazambale lé Sebe Sauunu 1979

⁷ Gakelebale, kalé Bale é dan balepadérenu ’ko faa dia lɛ ka nyanézannu lé ka za ke wo gi, ’té woo nyané paan ka ta bɛ, wo ta.

Bélidɔwesɛbɛ Fiézan 30:7 ပူးပေါင်းရင်းမြစ်များ

Fwile 23:22

Naa, dé i tɔné dɔ a dére lɛ, yé we lé maa fe i lɛ, dé bé faa kɛlɛ, maa dan kɛlɛ lɛ i nyanézannu é nyanézan nya, maa dan kɛlɛ lɛ i mazannu é mazan nya.

Ézai 10:12

Naa, dé Mizan élé we kɛlɛle faa lɛ sɔɔ Siɔn gɔ nwiin koo, Jérusalɛm koo, wona faa, maa dan we lɛdɔ lɛ Asirinu nwiinzan blɛn gi, a kɛlɛwenu lé alé boblɛn a nagɔɔn a lɛ, wo ma, ’bɛ valé alé mi naginile é yuɛ zuo nya.

Jérémi 25:29

Naa, ka ye, fla lé wo an tɔ laa ana, ana lé maa kun wenaané kɛlɛle ma, yé ’kaa, maa ’ka dan we lɛdɔ lɛ ka gi loo? We lɛdɔle ka gi ’ka dan vuru lɛ ka ma lo. Naa, maa dan tɛrɛlamunu faa gyɛ lɛ gwɔun nya. Maa, lai sunyanu lé Gakelebale ɛ ke a fena.

Jérémi 30:16

Naa, duowo, munu faa lé woo i ta blé, Wo dan wo ta ble lɛ, Yé wo dan go lɛ i nyanézannu faa tere nya luu gi; Munu lé wo ’wii i ta, wo dan ’wii lɛ wo ta, Yé munu faa lé wo ilé fɛnu sian gla nya, maa dan wozé sia lɛ gla nya.

Ézékiɛl 25:12

Mizan Gakelebale léma: É dɔ Édom munu gi léé, ’wo ɛ we lɛ gi paan Juda munu ma, yé wo we lɛgi pa wo ma, ’bɛna lé wo ’wobo gyɛ we nya.

Ézékiɛl 25:15

Mizan Gakelebale léma: Naa, é dɔ Filisitinu gi léé, ’wo ɛ we lɛgi paan, yé wo we lɛgi pa ’wo bli faa nya, serele bole nya, ’té é sɔ wo lɛ léé, ’wo fɛ faa guru zanaan a gi ’wolé zapale blɛɛn nya,

Ézékiɛl 25:3

Bé fe Amɔnnu lɛ léma: ’Ka tɔné dɔ Mizan Gakelebale dére lɛ. Mizan Gakelebale léma: Naa, anlé fɛna sauun lé wa sɔnné sɛrɛ koo, Izraɛl tɛrɛ lé wo ’wii a ta bɛ, ’bɛ koo, Juda munu lé wo ke gona luu gi, wo koo, i we nana wo ma, ’té i wé: Aa! Aa!

Ézékiɛl 25:6

Naa, Mizan Gakelebale léma: I bɛ gyɛ, ’té i gane zuun‐an, ’té i gi éé nanaan i bli gi, ’té i serele boo Izraɛl tɛrɛ ma,

Ézékiɛl 25:8

Mizan Gakelebale léma: Fɛan zo lé Moab valé Séii munu a fe léé: Ka ye, Juda munu a bélé bɛngɔnɔnu faa zo,

Amɔs 1:11

Gakelebale léma: Édom munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; é ’é bwenu zuo bin gwɔun nya, yé é nyanai zénle wo ta yi ga. Alé bliflile ana yifaama, yé a wɛwɛ dɔle glɛ ’ka lo,

Amɔs 1:13

Gakelebale léma: Amɔn munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo Galaad bɔnlomu bɔn fia, léé, ’wolé tɛrɛ ’é kɛlɛ blɛn, azama.

Amɔs 1:3

Gakelebale léma: Damas munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; wo Galaad munu sunwo ratoo blɛn nya, azama.

Amɔs 1:6

Gakelebale léma: Gaza munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; wo mi ’léé kiɛre kɛlɛ luu nya yé wo wo pa Édom munu lee, azama.

Amɔs 1:9

Gakelebale léma: Tii munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo luu ’léé kiɛre pa Édom munu lee, yé gipawe lé wa kɛlɛ ’wo bwenu va, a sele saan wo gi, azama.

Abudias 1:10

Glawe lé bé kɛlɛ i bwe Jakɔb lɛ, ’bɛ lé we ma lé Yara blɛn é dan i gyɛ lɛ, Yé izé é dan nyaa lɛ tata.

Zakari 12:3

’Bɛ yi la maa dan Jérusalɛm kɛlɛ lɛ migɔnɔnu faa lɛ bélé gɔlɛ bɛnzan zo; munu faa lé wo dan a wuo vɔ lɛ, é dan wo gyɛ lɛ, yé tɛrɛ la bɛnnu faa é dan zén lɛ ékeva yé wo péli vɔ a ma.

Mi Nɔnɔle 24:14

Yé bé ye, sin, maa dan go lɛ anlé munu va. ’I da, yé wean migɔnɔ ’ko é dan a kɛlɛ lɛ ilé munu lɛ é voéla, maa a zuo fe i lɛ.

Mi Nɔnɔle 24:9

Éé zunwo ’é powuo ta, yé éé yiaan bélé golizra zo, bélé golizra tina zo. De ɛ dan a nwa lɛɛ? Dé miomian é i drɔɔ vo, ’bɛzan drɔɔ ’é voo; Yé dé miomian bale pa i ma, ’wo bale pa ’bɛzan ma.

Bélidɔwesɛbɛ Fiézan 30:8

Yé ’kaa, ka dan da lɛ Gakelebale va, yé ka dan a dére lɛdɔ lɛ a ma, yé a sɔnnénu faa lé maa wo fe ka lɛ kyɔ, ka dan wo pa lɛ.

Bélidɔwesɛbɛ Fiézan 7:15

Gakelebale é dan gyɛ faa si lɛ ka ma baa; Éjipiti tɛrɛ la gyɛ naanénu lé ka wo dɔɔ, é ’ka dan ka gyɛ lɛ wo do kpen nya lo, naa, é dan ka zapamunu faa gyɛ lɛ wo nya.