Bélidɔwesɛbɛ Fiézan 30:3 - Kazambale lé Sebe Sauunu 1979

³ Gakelebale, kalé Bale nyanai é dan zén lɛ ka ta, yé é dan ka si lɛ luu gi é ziin, yé é dan ka si lɛ munu faa lé é ka sɔɔla wo worona, wo va, yé é ka zén ékeva é ziin.

Bélidɔwesɛbɛ Fiézan 30:3 ပူးပေါင်းရင်းမြစ်များ

Wepélisiananu 28:15

Maa a i va ma, yé fɛ faa lé i dan go lɛ ana, maa dan an yuɛ pa lɛ i va yé ma dan da lɛ i nya é ziin tɛrɛ ’ko la; maa ’ka dan i vo lɛ pelo, ’té we faa lé maa a fe i lɛ bɛ, ’té maa a lɛ sɔɔ é wo.

Wepélisiananu 48:21

Izraɛl lé Jozɛfu lɛ léé: Maa a dana ga lɛ. Kazambale é dan kɛlɛ lɛ ka va, yé é dan go lɛ ka nya ka tinu lé tɛrɛ la é ziin.

Minwiinzannu lé Wezuofe Sɛbɛ 16:35

’Ka fe, ko siéwegi Bale, ’i ko si we gi, ’I ko si bɛnnu méléna, yé ’i ko zén ékeva, léé, Ko i tɔ ’lɛzan kɛlɛ blɛn, Yé ko i tɔ zin fe ginanale nya.

Néémi 1:9

naa, dé ka da an va é ziin, yé dé ka an sɔnnénu pa yé dé ka wo ta tawo, dé wo ka bin fɔɔ yé ka bɔ la glɛ sinaoo, maa dan ka si lɛ ’bɛna yé maa ka zén ékeva, yé fɛ lé maa ana si a va an tɔ pale ’bɛna we ma, maa dan da lɛ ka nya ’bɛna é ziin.

JOB (Job) 42:10

Dé Job bazoro é béénu tɔ ma, Gakelebale Job dɔ é dɔbɛ vininzan gi; yé fɛnu faa lé ke a lee é vinin, Gakelebale a lɛgi nɔ a lɛ gɔnɔ fié.

Lɛrɛvɔ Sɛbɛ 107:3

Yé é wo si tɛrɛ faa la, Yirinwanazia koo, yirivɔnazia koo, yirinwana bɛbolazia koo, wɛyi vazia koo, wona, yé é wo zén ékeva, ’wo yee duo ɛ fe ma.

Lɛrɛvɔ Sɛbɛ 147:2

Gakelebale éé Jérusalɛm dɛrɛ paan; Izraɛl munu lé wo wo fwila, éé wo zén‐é ékeva é ziin.

Ézai 27:12

’Bɛ bléyi va Gakelebale é dan yilinu nyɔɔn lɛ yé wo poro é dan dia lɛ; é sia yuu yorole ma fɔɔ Éjipiti lé yuu blɛn va, ’kaa Izraɛlnu, é dan ka sia lɛ do do.

Ézai 43:5

Maa a i va, amalé té i kana we do kpen lee lo, Maa dan i bɛn si lɛ yirinwanazia, Maa dan wo si lɛ yirivɔnazia, yé maa wo zén ékeva.

Ézai 54:7

Maa i vo bléyi sɛ nya, Naa, maa dan i si lɛ é ziin sɔlɛle blɛn nya;

Ézai 56:8

Mizan Gakelebale lé, éé Izraɛl lé lulazannu zén‐é ékeva, é léma: Munu lé wo zén Izraɛl va é kyɛn kwakwa, maa dan mi bɛnu zén lɛ wo va.

Jérémi 12:14

An zi bɛn nyanénu lé woo nwaan tɔnɔfɛ lé Bale a nɔ élé munu Izraɛl lɛ, a ma bɛ, Gakelebale wo ma we fe yé é léma: Ka ye, maa dan wo si lɛ wolé tɛrɛ la, yé maa dan Juda munu si lɛ wo méléna.

Jérémi 23:3

Yé anlé ’blanu lé woo voo, ’té maa wo bin turu, tɛrɛ faa lé wo go a ta, maa dan wo si lɛ ’bɛna yé an da wo nya ékeva; ma dan da lɛ wo nya ’wo blena é ziin; wo dan né yaa lɛ yé wo fan.

Jérémi 29:14

Gakelebale léé: Maa ’ka dan an yele yi ga lɛ ka lee lo, yé maa dan da lɛ kalé luugimunu nya é ziin; maa dan ka si lɛ bɛnnu faa va, fɛna faa lé maa ka bin yé ka go ana, maa dan ka si lɛ wona yé an da ka nya é ziin, fɛana lé maa ka si yé an go ka nya luu gi, ana.

Jérémi 31:10

’Kaa bɛnnu, ’ka tɔné dɔ Gakelebale dére lɛ, Yé ’ka a zana dɔɔ wɛyi worona tɛrɛ baanu ta, ’Ka fe léé: Mian é Izraɛl munu kini ékema, é dan wo zén lɛ ékema é ziin, Yé é dan wo tabin lɛ bélé ’blata‐binzan élé ’blanu tabin‐é fɛan zo, a zo.

Jérémi Lé Wuvɔ Sɛbɛ 3:22

Gakelebale lé zin ’ka nyaan lo, A nyanai zénle glɛ ’ka lo.

Jérémi Lé Wuvɔ Sɛbɛ 3:32

Alé nyané pale mi ta zuo, É élé nyanai zénle valé mi mawe dɔɔle nagɔɔn‐an a lɛ.

Ézékiɛl 11:17

Bɛwemalé, bé fe léma: Mizan Gakelebale léma: Maa dan ka si lɛ munu méléna yé maa ka zén ékeva, tɛrɛnu ké maa ka nwɛɛn ana, maa dan ka si lɛ wona yé maa da ka nya an va, yé maa dan Izraɛl tɛrɛ nɔ lɛ ka lɛ.

Ézékiɛl 36:24

Maa dan ka si lɛ bɛnnu va é ziin. Maa dan ka si lɛ tɛrɛ faanu ta, yé maa dan go lɛ ka nya kalé tɛrɛ la.

Ézékiɛl 39:28

Yé wo dan a gi dɔɔ lɛ léé, Gakelebale wolé Bale lé é go wo nya luu gi bɛnnu va, yé é wo zén ékeva wo pa gi ’wolé tɛrɛ la, maa a a nya; maa ’ka dan wo vazan do kpen vo lɛ ’bɛnu va lo,

Misé 7:19

I nyanai é dan zén lɛ é ziin ko ta; i dan kolé weplenu pla lɛ i gane wuo, i dan kolé wenyanénu vuli lɛ wɛyi wɔlɛ ma.

Zakari 10:9

Maa dan wo sɔɔla lɛ munu méléna, Yé dé wa baa, an sele é dan dɔ lɛ wo gi; Wo valé wolé nénu é dan vo lɛ é yuɛma, yé wo dan da lɛ wo pa gi é ziin.

Rom munu 11:23

Naa, Izraɛlnu bli ’ka é pale fɛan zo bɛ lo, dé wo nɔla, dé wo bli pa, Kazambale é dan wo dɔ lɛ wo pun ’léé é ziin, naa, Kazambale é bɔaléé, é wo dɔ wo pun ’léé é pai é ziin.

Rom munu 11:26

’Ko zo lé Izraɛl faa é dan si lɛ we gi, é a é gyɛle sɛbɛ gi fɛan zo, a yɛrama; wo léé: Misiéwegizan é dan si lɛ Siɔn Yé é dan Kazambale lé zi ma wenyané fele si lɛ Jakɔb ’léé;

Rom munu 11:31

a zo duo lé wo é Kazambale lɛgama sin, léé, nyanai lé Bale a zén ka ta, ’é a zén wo é tao é ziin.

Bélidɔwesɛbɛ Fiézan 13:17

Fɛ lé wo bale pa a ma bɛ, té a do kpen é vo ka lee lo, Gakelebale bli dɔralale koo, alé nyanai zénle ka ta valé zin kɛlɛle ka lɛ koo, ka fanle koo, wo faa we gi, é ’ébo ’nyɔɔn ka tranu lɛ fɛan zo, a zo.

Bélidɔwesɛbɛ Fiézan 4:27

Gakelebale é dan ka nwɛɛn lɛ bɛn bɛnu méléna, yé bɛnnu lé Gakelebale é dan go lɛ ka nya wo va bɛ, ka ’léé é dan kɛlɛ lɛ kiéné ’bɛnu va.