Bélidɔwesɛbɛ Fiézan 30:2 - Kazambale lé Sebe Sauunu 1979

² dé ka da Gakelebale va é ziin, dé ka a dére lɛdɔma ka bli faa valé ka boen faa nya, ka valé kalé nénu nya, we faa lé maa a fe ka lɛ kyɔ, a yɛrama,

Bélidɔwesɛbɛ Fiézan 30:2 ပူးပေါင်းရင်းမြစ်များ

Minwiinzannu lé Wezuofe Sɛbɛ 29:17

Oo, anlé Bale, maa gi dɔɔ léé, i mi bli gi ginian yé we drɔle sɔ i lɛ; é ziin, maa blɛ drɔɔnu ’ko faa nɔ i lɛ an bli gi drɔle nya, yé maa ye léé, ilé munu lé wo ke ’ko, wo blɛ ’konu kɛlɛ i lɛ bli drɔɔ nya, yé ’bɛ an gi nana.

Minwiinzannu lé Wezuofe Sɛbɛ 29:9

Munu gi nana wolé blɛ drɔɔ kɛlɛle we ma, naa, wo bli zin nya lé wo blɛ ’konu kɛlɛ Gakelebale lɛ; yé minwiinzan blɛn David gi nana fɔɔ é vɔ a ma wu nya.

2 Minwiinmunu lé Wezuofe Sɛbɛ 30:9

Dé ka nɔla Gakelebale va é ziin, munu lé wo go ka bwenu valé ka benu nya luu gi, ’bɛnu é dan wo nyanai zén lɛ wo ta, yé wo dan da lɛ wo pa gi tɛrɛ ’ko la; naa, Gakelebale kalé Bale a mi ma we dɔɔzan nya yé a nyanai éé zén‐é. É ’ka dan é yara si lɛ ka ta lo, ’té dé ka da a va ka pa gi.

Néémi 1:9

naa, dé ka da an va é ziin, yé dé ka an sɔnnénu pa yé dé ka wo ta tawo, dé wo ka bin fɔɔ yé ka bɔ la glɛ sinaoo, maa dan ka si lɛ ’bɛna yé maa ka zén ékeva, yé fɛ lé maa ana si a va an tɔ pale ’bɛna we ma, maa dan da lɛ ka nya ’bɛna é ziin.

Lɛrɛvɔ Sɛbɛ 119:2

Munu lé woo alé wepladérenu maan, ’Té wa lɛdɔama wo bli faa nya, wozé a néné.

Lɛrɛvɔ Sɛbɛ 119:80

Té gun é vo an ma i déretawenu ma lo, Té yara an gyɛ lo we ma.

Lɛrɛvɔ Sɛbɛ 41:12

Dé an nyanézan ’ka an kele lɛ lo, ’Bɛ nya lé maa dan a gi dɔɔ lɛ léé, an sɔ i lɛ.

Jérémi 29:13

Ka dan an nagini lɛ, yé ka dan an ye lɛ, ’té dé ka an nagini ka bli faa nya.

Jérémi 3:10

Naa duowo, a buru Juda lé éé we kɛla gi la, é ’ka da lɛ an va é bli faa nya lo. É a kɛlɛ dabli nya. Maa Gakelebale ɛ ke a fena.

Jérémi 36:3

Wenaané faa lé é a an bli gi léé, maa dan a kɛlɛ lɛ Juda munu lɛ, dé wa ’ma, dé wo faa do do é dan daan lɛ wo kɛlɛwe naanénu maa? Dé wa kɛlɛ, maa dan wo ma we vo lɛ wolé weplenu valé wolé wenyané ma.

Jérémi 4:14

Jérusalɛm munu, ’ka kalé wenaanénu si ka bli gi, léé, ka si we gi. Ka dan vo lɛ ka gi bɔrɔna weple ma bléyi faa vaa?

Jérémi Lé Wuvɔ Sɛbɛ 3:32

Alé nyané pale mi ta zuo, É élé nyanai zénle valé mi mawe dɔɔle nagɔɔn‐an a lɛ.

Jérémi Lé Wuvɔ Sɛbɛ 3:40

Kaa kaabo kɛlɛwe nagini yé kaa wo gi kuli, Yé kaa nɔla Gakelebale vazia;

Ézékiɛl 6:9

Wo lé wo so gwɔun lee, an sele é dan dɔ lɛ wo gi, bɛnnu lé wo kɛlɛ luu nya wo va bɛ, wo méléna. Bale é dan leginibli valé bli fié si lɛ ka lee, yé ka yuɛnu lé woo bɔa miyilinu ma bɛ, maa dan wo si lɛ wo zuo, amalé an sele é dan dɔ lɛ wo gi. Wo dan wobozennu ye lɛ serele bomazannu nya, we vɔnlenu lé wa kɛlɛ bɛ, wolé we ma, wolé bozowenu faa lé wa kɛlɛ bɛ, wolé we ma.

OZÉ (Osée) 3:5

’Bɛ zuo, Izraɛlnu é dan da lɛ wo pai; wo dan maa Gakelebale ’wolé Bale nagini lɛ, ’bɛ valé ’wo nwiinzan blɛn David nya; yé dé wo Gakelebale valé alé zin ye, é dan vɔ lɛ wo ma gi drɔɔ nya; ’bɛ é dan kɛlɛ lɛ zi zuowe nya.

Lévinu 26:40

Wolé weplenu valé wo tranu lé weplenu koo, anlé bélidɔwe sɛrɛlenu koo, wo dɔ an ma plɛplɛ fɛan zo koo, wo dan a fe lɛ;

Zakari 12:10

Yé maa dan bli zin valé zantévɔ?-?bli vɔ lɛ David lé munu valé Jérusalɛm munu gi, yé maa lé wo an fɔn, wo dan ’wo yara nɔla lɛ an vazia. Yé wo dan an wuvɔ lɛ bélé néwɔlɛ do kpen wuvɔle zo, yé wo dan an wuvɔ lɛ kaii bélé né vininzan wuvɔle zo.

2 Korɛnt Munu 3:16

naa, dé mi nɔla Mizan va, sɔné éé sié a ta.

Éfez munu 6:24

Munu faa lé Kaazan Jézu Krist sɔ wo lɛ sɔlɛle bozen nya, Bale ’é zin kɛlɛ wo lɛ ma.

Bélidɔwesɛbɛ Fiézan 13:3

té ka tɔné dɔ balelayezan ’ko valé nyɛgyɛzan ’ko dére lɛ lo; naa, Gakelebale, kalé Bale a ka gi danna, dé ka Gakelebale, kalé Bale lɔrɔ paan ka bli faa valé kaboen faa nyaa? a gi dɔɔle we gi.

Bélidɔwesɛbɛ Fiézan 6:5

’Ka Gakelebale, kalé Bale lɔrɔ pa, ka bli faa koo, kaboen faa koo, kalé plɛplɛ faa koo, wo nya.

1 Jan 1:9

Dé kaa kaalé wenyanénu fe, Bale a yarapawelazan nya yé é a tegele yé é kaa ma we voo yé éé weple faa sié kaa lee, yé é kaa kɛla tata.