Bélidɔwesɛbɛ Fiézan 28:1 - Kazambale lé Sebe Sauunu 1979

¹ Dé ka Gakelebale, kalé Bale dére lɛdɔma, bélidɔwe ’konu faa lé maa wo fe ka lɛ kyɔ, dé ka wo ta tawo, Gakelebale, kalé Bale é dan ka mini lɛ tɛrɛ la bɛnnu faa ta.

Bélidɔwesɛbɛ Fiézan 28:1 ပူးပေါင်းရင်းမြစ်များ

Minwiinzannu lé Wezuofe Sɛbɛ 14:2

David a ye léé, Gakelebale élé plale Izraɛlnu nwiin dɔ plɛplɛ, yé alé tɛrɛ tɔ a kɛlɛna blɛn alé munu Izraɛl lé we ma.

Lɛrɛvɔ Sɛbɛ 106:3

Munuan woo tawoo bélidɔwe ta, ’Té woo we tegele kɛla bléyi faa va, wozé a néné.

Lɛrɛvɔ Sɛbɛ 111:10

Wedɔɔle pélisiana lé ke kanale Gakelebale lee nya; Munu faa lé woo tawoo ’bɛ ta, woo we maan tegele. Munu lé a tɔ zin fele éé voo ana lɛɛfaama.

Lɛrɛvɔ Sɛbɛ 119:128

Bɛwemalé maa i déretawenu faa yé we tegelenu nya; Viéwo zinu faa za a an gi.

Lɛrɛvɔ Sɛbɛ 119:6

Dé an yuɛ pa ilé bélidɔwe sɔnnénu va, Yara ’ka dan an gyɛ lɛ lo,

Lɛrɛvɔ Sɛbɛ 148:14

É élé munu dɔ plɛplɛ; Alé yarapawelazannu faa a tɔ zin fé, Izraɛl munu lé wo ke a sɔnɔ, wa tɔ zin fé. ’Ka Gakelebale tɔ zin fe.

Lɛrɛvɔ Sɛbɛ 91:14

Bale léma: An sɔ a lɛ, amalé maa dan a si lɛ munu lee; É an tɔ dɔɔ, amalé maa dan a takuun lɛ wo lee.

Fwile 15:26

É léé: Dé i Gakelebale, ilé Bale dére ban i tɔné nya é zima, we lé ke tegele a yuɛ gi, dé bé kɛlɛ, dé i tɔné dɔ alé bélidɔwenu lɛ, dé i tawo a sɔnné faa yɛrama, gyɛnu lé maa Éjipiti munu gyɛ wo nya, maa ’ka dan i gyɛ lɛ a do kpen nya lo; maa a Gakelebale lé éé i bélié, a nya, azama.

Fwile 23:22

Naa, dé i tɔné dɔ a dére lɛ, yé we lé maa fe i lɛ, dé bé faa kɛlɛ, maa dan kɛlɛ lɛ i nyanézannu é nyanézan nya, maa dan kɛlɛ lɛ i mazannu é mazan nya.

Fwile 23:25

Ka dan Gakelebale, kalé Bale bɔ lɛ, yé é dan kalé fɛblele valé kalé ’yi drɔɔ vo lɛ, yé maa dan gyɛ si lɛ ka méléna.

Ézai 1:19

Dé ka an lɛdɔma bli drɔɔ nya, ka dan fɛ zinnu ble lɛ tɛrɛ ’ko la.

Ézai 3:10

’Ka fe léé, mi tegele bɛ ma é dan kɛlɛ lɛ néné; a gi é dan nana lɛ é kɛlɛwenu tɔnɔ ma.

Jérémi 11:4

Maa gipadére ’ko fe ka tranu lɛ, yian nya lé maa wo si Éjipiti tɛrɛ la foliɛwɔlɛ gɔrɔ gi, a yi nya, yé maa léé: ’Ka tɔné dɔ an dére lɛ yé we faa lé maa dan ka béli dɔ lɛ a nya, ’ka kɛlɛ. ’Bɛna lé ka dan kɛlɛ lɛ anlé munu nya yé maa dan kɛlɛ lɛ kalé Bale nya.

Jérémi 12:16

Dé anlé munu kɛlɛwe vɔ wo lee, dé wo an tɔ ’nyɔɔn a fele nya léé: Gakelebale a é yuɛma, bélé fɛan zo lé wo Baal ’nyɔɔnle paa anlé munu gi bɛ, a zo, ’té wo gi é dan nana lɛ zin yele we ma anlé munu méléna.

Jérémi 17:24

Gakelebale léma: Dé ka tɔné dɔ an lɛ, dé ka ’ka wɔra lɛ fla ’ko la kɔné do kpen nya ka nwiin flinyi nya lo, dé ka flinyi ’ko ye kalé yi nyané nya, dé ka ’ka nyanama do kpen pa lɛ ’bɛ yi ’ko nya lo,

WENÉNÉ LÉ LUK A GYE (Évangile selon Luc) 1:6

Wo fiénu a mi tegele nya Kazambale yuɛ gi. Mizambale lé bélidɔwe faa koo, a ma we tɛtɛnénu faa koo, wa kɛla ’kyɛ, yé gun ’ka vo lɛ wo kɛlɛwe do kpen ma lo.

WENÉNÉ LÉ LUK A GYE (Évangile selon Luc) 11:28

Yé Jézu a zi pa a lɛ léé: Gba, munu lé woo tɔné dɔa Kazambale dére lɛ, ’té woo a ta tawoo, wo ɛ zé ke néné.

WENÉNÉ LÉ LUK A GYE (Évangile selon Luc) 9:48

Dé miomian éé né kiéné ’ko sié anlé we ma, ’té éé maabozen sié é ziin; yé mian éé an sié, mi lé é an pa zia éé ’bɛzan sié. Naa, mian é ke kiiéné ka faa méléna, yee ɛ ke mi blɛn nya.

WENÉNÉ LE JAN A GYE (Évangile selon Jean) 15:14

We lé maa ka béli dɔ a nya, dé ka a kɛla, ’té ka a an béénu nya.

Rom munu 2:7

munu lé wo ke fuasan koo, tɔbɔle koo, vole é yuɛma koo, wo naginina yara pale wezin kɛlɛle ta nya bɛ, vole é yuɛma lé a glɛ ’ka lo, Kazambale a tadɔ wozé nya;

Galasi munu 3:10

Munu faa lé wo ke bélidɔwe kɛlɛwenu va, bale a é pale wo ma; naa, é a é gyɛle Kazambale lé sɛbɛ gi léé: We lé ke é gyɛle bélidɔwe sɛbɛ gi bɛ, dé mian é ’ka a faa kɛla yarapalale nya lo, bale a é pale a ma.

Bélidɔwesɛbɛ Fiézan 11:13

Bale sɔnnénu lé maa wo fe ka lɛ kyɔ, dé ka wo pa, dé ka Gakelebale kalé Bale lɔrɔ pa, dé ka a bɔ ka bli valé kaboen faa nya,

Bélidɔwesɛbɛ Fiézan 11:27

Gakelebale, kalé Bale sɔnnénu lé maa wo fe ka lɛ kyɔ, dé ka wo pa, ka drɔɔ é dan vo lɛ;

Bélidɔwesɛbɛ Fiézan 15:5

’té dé ka Gakelebale, kalé Bale dére lɛdɔma, ’té dé ka tawo é zima, a sɔnné ’konu faa lé maa wo gɔɔn ka lɛ kyɔ, wo ta.

Bélidɔwesɛbɛ Fiézan 26:18

Kyɔ, ka a fe Gakelebale lɛ léé, ’wo dan kɛlɛ lɛ alé munu ta drɔɔ nya, é a fe ’wo lɛ é kyɛn fɛan zo, a zo, yé ’wo dan tawo lɛ alé bélidɔwenu faa ta, léé,

Bélidɔwesɛbɛ Fiézan 26:19

bɛn faa gi munu lé é wo kɛlɛ tɛrɛ la, kazé mini wo lɛ; ka lɛdɔmale koo, ka tɔbɔle koo, kalé fua koo, é dan mini lɛ wozé ta, yé ka dan kɛlɛ lɛ munu lé Gakelebale, kalé Bale wo pa é yɛrama ézé nya, wo nya, é a fe ka lɛ fɛan zo, a zo.

Bélidɔwesɛbɛ Fiézan 28:13

Gakelebale é dan ka kɛlɛ lɛ ’wuo nya, ka ’ka dan kɛlɛ lɛ péli nya lo; ka dan kɛlɛ lɛ yifaama loru, ka ’ka dan kɛlɛ lɛ tɛrɛ zia lo, ’té dé ka Gakelebale, kalé Bale lé bélidɔwenu lɛdɔma, ’té maa wo fe ka lɛ kyɔ bɛ; dé ka vo wo ta, dé ka wo ta tawo,