Bélidɔwesɛbɛ Fiézan 26:5 - Kazambale lé Sebe Sauunu 1979

⁵ Yé i dan we fe lɛ é ziin, yé i dan a fe lɛ Gakelebale, ilé Bale lɛ léé: An ti a Aramé mi nya, nɔɔzan nya; é go Éjipiti tɛrɛ la, ’té alé munu a sɛ, yé é nyana ’bɛna; ’bɛna lé é kɛlɛ bɛn blɛn plɛplɛ nya, yé alé mi kɛlɛ kiɛre.

Bélidɔwesɛbɛ Fiézan 26:5 ပူးပေါင်းရင်းမြစ်များ

Wepélisiananu 12:2

Maa dan i kɛlɛ lɛ bɛngɔnɔ blɛn nya, yé maa dan i drɔɔ vo lɛ, yé maa dan i tɔ kɛlɛ lɛ blɛn yé bii ɛ dan mi bɛnu drɔɔ vo lɛ.

Wepélisiananu 24:4

naa, i dan go lɛ anlé tɛrɛ la, an lelenu va, yé i dan le do si lɛ an be Izak na nya wo va ’bɛna.

Wepélisiananu 25:20

Abraam Izak yaa. Izak Rébéka si aan wo é na nya, ’té a lɛɛ a yɔ fié; a na a Aramézan Bétuɛl lé é si Padan‐Aram, a lu nya; é a Aramézan Laban buru nya.

Wepélisiananu 27:41

Jakɔb za Ézau bɔn fan a ti lé a drɔɔ vole we ma; yé Ézau lé é bli gi léé: Fɛan zo lé an ti gyɛboyinu a bɔna é pu, dé ’bɛ nyaa faa, maa dan an zuané Jakɔb gyɛ lɛ.

Wepélisiananu 28:5

Yé Izak Jakɔb pa zia yé é go Padan‐Aram, Aramézan Bétuɛl be Laban lé ke Jakɔb valé Ézau bu Rébéka bwe nya, a va.

Wepélisiananu 31:20

yé Jakɔb dabli kɛlɛ Aramézan Laban lɛ yé é ’ka zi laa lɛ a lee lo.

Wepélisiananu 31:24

Kazambale da Aramézan Laban va nyɛ fla é béli yé é lé a lɛ léé: ’I yuɛ pa ibo va, dé wezin léoo, dé wenyané léoo, té bé fe Jakɔb lɛ lo.

Wepélisiananu 31:40

Yiri an gyɛ é yiéyi yé dunu an gyɛ é béli yé an ’ka yi gyɛ lɛ lo.

Wepélisiananu 43:12

Gɔɔli lé ka si é kyɛn, ’ka ’bɛ gɔɔli zoɛ’léé fié si yé ka go a nya ka lee, yé gɔɔli lé wa pa ’sa ta loru kalé pulu gi, ’ka go ’bɛ nya é ziin. Dé wo saan é woo?

Wepélisiananu 45:11

Ana mi, é dan fɛblele nɔ lɛ i lɛ; lɔrɔdɔlɛɛ vo é ziin soru, yé ’bɛ zo lé bii koo, ilé kɔngimunu koo, fɛnu faa lé ke i lee koo, ka ’ka dan zamaga wo lɛ lo.

Wepélisiananu 45:7

Kazambale an pa zia ka ’lɛ, ka vole é yuɛma tɛrɛ la we gi, ka sile we blɛn gi yé ka béli we ma.

Wepélisiananu 46:27

Yé Jozɛfu benu a fié, ’té wo ’bɛnu yaa Éjipiti tɛrɛ la. Jakɔb gɔnɔlamunu lé, wo go Éjipiti tɛrɛ la, wo faa a mi yɔ yaa wɔlɛ vu.

Wepélisiananu 47:27

Izraɛl munu nyana Éjipiti tɛrɛ bɛ do la, yee lé ke Gozɛn tɛrɛ nya. Wo fɛnu ye di, yé wo fan, yé wo kɛlɛ di.

Wepélisiananu 47:4

Yé wo lé Faraɔn lɛ é ziin léé: Lɔrɔ blɛn dɔ Kanaan tɛrɛ la yé i wuomunu lé ’blanu lé fɛblele ’ka ana é dɛrɛ lo, bɛwemalé ko da nyana lɛ tɛrɛ ’ko la, amalé ’i zi nɔ i wuomunu lɛ léé, ’wo nyana Gozɛn tɛrɛ la.

Fwile 1:12

Naa, dé wo nyanama tɔntɔn nɔ wo lɛ, ’bɛ kɛlɛ wo ’léé gi?-?gyɛwe valé wo fanwe nya; yé Éjipiti léa bo Izraɛl lé nénu ma.

Fwile 1:5

Munu lé wo si Jakɔb gi, wo faa ’léé a yɔ yaa wɔlɛ vu. ’Té Jozɛfu a é kyɛn Éjipiti tɛrɛ la.

Fwile 1:7

Izraɛl lé nénu a néyaamunu nya, yé wo kɛlɛ kiɛre, yé wo ’léé gi gyɛ yé wolé plɛplɛ taa vo zénna a va. Yé wo fan tɛrɛ ’ko la.

OZÉ (Osée) 12:12

Dé Galaad ’ka we do nya lo, wo kulu é dan ga lɛ duowo. Wo yo ban diri nya Gilgal; yé wolé yobanna é dan kɛlɛ lɛ gɔlɛ zun nya vun dan gi.

OZÉ (Osée) 12:13

Jakɔb vɔ fli gi yé é go Aram tɛrɛ la. Izraɛl nyanama pa le lé we ma, yé é trubɛ tabin le lé we ma.

Kelewenu 7:15

Jakɔb go Éjipiti tɛrɛ la; ana mi lé é ga, yee valé kaa tranu nya,

Bélidɔwesɛbɛ Fiézan 1:10

Gakelebale, kalé Bale, ka fan, yé kyɔ ka a kiɛre bélé lai monénénu zo.

Bélidɔwesɛbɛ Fiézan 10:22

Ka tranu go Éjipiti tɛrɛ la, ’té wa mi yɔ yaa wɔlɛ vu; sin, Gakelebale, kalé Bale ka kɛlɛ mi gu blɛn nya, kiɛre bélé lagi monénénu zo.

Bélidɔwesɛbɛ Fiézan 26:4

Balebanzan é dan kyɛɛ si lɛ i lee yé é dan a dɔra lɛ Gakelebale, ilé Bale banna ’lɛ.

Bélidɔwesɛbɛ Fiézan 7:7

É ’ka kɛlɛ lɛ léé, ka kiɛre mini bɛn bɛnu faa ta, bɛwemalé Gakelebale é buvɔ ka ma yé é ka si a va lo, naa, ka ’léé a kiéné é mini bɛn bɛnu faa ta.