Bélidɔwesɛbɛ Fiézan 26:2 - Kazambale lé Sebe Sauunu 1979

² kalé tɛrɛ lé Gakelebale, kalé Bale a nɔ ka lɛ, ka dan a ta féifɛ vininnu faa si lɛ yé ka wo pa kyɛɛ gi yé ka go wo nya fɛna do lé Gakelebale, kalé Bale é dan a si lɛ a va é tɔ pale a ma we ma, ana.

Bélidɔwesɛbɛ Fiézan 26:2 ပူးပေါင်းရင်းမြစ်များ

2 Minwiinzannu 4:42

Mi do si Baal‐Salisa yé é da. É da élé féifɛ vinin lé buru nya Bale lé mi lɛ, sɔnmlén buru yɔ do, é valé ’sa nɛnɛ dɛrɛ nya élé bɔlɔ gi. Élizé léé: Bé nɔ munu ’ko lɛ, ’wa ble.

2 Minwiinmunu lé Wezuofe Sɛbɛ 31:5

Wo we ’ko zana dɔɔ aan wo, Izraɛlnu fɛ nɔ kiɛre; ’sa vininzannu koo, dɔrɔ dɛrɛnu koo, nyɔnɔnu koo, zɔrɔnyɔnɔnu koo, féifɛ vininzannu koo, woo lé. Yé é ziin, wo da fɛ faa vuzannu nya.

2 Minwiinmunu lé Wezuofe Sɛbɛ 6:6

naa, maa Jérusalɛm si a va léé, an tɔ ’é kɛlɛ ana, yé an David si a va léé, ’é pla anlé munu Izraɛl nwiin.

Néémi 12:44

’Bɛ yi la, blɛnu koo, féifɛ vininnu valé fɛvuzannu koo, ’té woo wo dɔraan kɔnminu zi bɛ, wo munu dɔ yuɛ pale wo ta we ma. Fɛnu lé flamunu a no Balebanzannu valé Lévinu zé nya, bélidɔwe yɛrama, woo wo tééan ana. Naa, Judamunu gi nana léé, Balebanzannu valé Lévinu yara a é pale wolé nyanama ta,

Néémi 13:31

Yé kyɛ lé woo dan a nya Bale lɛ blɛ nya, ’té wa nɔyi dɔ bɛ, ’é valé féifɛ vininnu nya, an dɔ a ta. Oo, anlé Bale, an sele ’é dɔ i gi yé ’i wezin kɛlɛ an lɛ ma.

Fwile 20:24

’I an banna kɛlɛ tɛrɛ nya, yé balebanwi lé wa kyɛ blé koo, ilé bɔvɔ sarakanu koo, ilé ’blanu koo, ilé dirinu koo, ’i an ban wo nya a ta. Dé maa an tɔ sele dɔ ka gi fɛofɛana, maa dan da lɛ i va ’bɛna, yé maa dan i drɔɔ vo lɛ.

Fwile 22:29

Té i mɔn ilé féifɛ vininnu valé ilé dɔrɔféifɛ vininnu nɔna an lɛ lo. Ilé né vinin lé ke gɔné nya, i dan a nɔ lɛ an lɛ.

Fwile 23:16

I dan féifɛ vinin lé fɛti kɛlɛ lɛ, nyanama lé bé pa ilé féi, ana fɛ vinin nya; lɛɛ nyaa bléyi va, dé i nyaa ilé nyanama nya, i dan fɛ sile féi lé fɛti kɛlɛ lɛ.

Fwile 23:19

I lé féifɛ vinin lé ke é zima, i dan da lɛ a nya Gakelebale ilé Bale lé kɔn gi. Té i boliné dɔne é bu nyɔyi va lo.

Fwile 34:26

Ilé féifɛ vinin lé ke é zima, i dan da lɛ a nya Gakelebale, ilé Bale lé kɔn gi. Té i boliné dɔne é bu nyɔyi va lo.

Jérémi 2:3

Izraɛl a é pale é yɛrama Gakelebale zé nya Bélé féifɛ vinin zo; Munu faa lé wa blé, we a wo nwiin Yé wenaané bɔ wo ma; maa Gakelebale ɛ ke a fena.

Ézékiɛl 20:40

Naa, Mizan Gakelebale léma: Izraɛl munu faa valé munu faa lé wo ke tɛrɛ ’ko la, wo dan an bɔ lɛ anlé gɔ sauun, Izraɛl gɔ torole nwiin. ’Bɛna lé maa dan ka si lɛ ginanale nya, yé an bli é dan vo lɛ kalé blɛfɛnu koo, kalé féifɛ vininnu koo, fɛnu faa lé ka wo pa é yɛrama anzé nya koo, wo lɛ.

Ézékiɛl 44:30

Féifɛ vininnu valé blɛfɛnu faa lé ka dan wo nɔ lɛ wo nwale loru nya, wo dan kɛlɛ lɛ Balebanmunu zé nya. Ka kalé buruyɔɔ vininnu nɔ Balebanmunu zé nya, léé, Bale é ka drɔɔ vo.

Ézékiɛl 48:14

Wo ’ka bɔa a do kpen danle lɛ lo, yé wo ’ka bɔa a do kpen tavɔɔle lɛ lo. Yé té wo go tɛrɛ ’ko la féifɛ vininnu nya fɛ bɛna lo; naa, wa é pale é yɛrama Gakelebale zé nya.

Lévinu 2:12

Dé ka léé, ka fɛ ’konu nɔ Gakelebale lɛ, ’ka wo nɔ, woo féifɛ vinin no fɛan zo, a zo; naa, té wa nɔ balebanna ta fɛ gin néné nya lo.

Lévinu 2:14

Dé i Gakelebale ban féifɛ vinin nya, ’i ’sanɛnɛ dɛrɛ si, bé séli, yé bé pun dɔ yé bé nɔ féifɛ vinin nya.

Rom munu 11:16

Dé féifɛ vininzannu a Bale zé nya, ’té a pɔnénu a azé nya é ziin. Yé dé yili suni a Bale zé nya, ’té a bɛnu a azé nya é ziin.

Rom munu 16:5

Léglizigimunu lé wo keeé ékema wolé kɔn gi bɛ, an we wo va. Épainɛt lé é ke Krist lé fɛ vininzan nya Azi, ’té é sɔ an lɛ bɛ, an we a va.

Rom munu 8:23

Yé wo saa kaan lo, naa, kaa lé kaa Kazambale Léli ’léé ye, kaa é ziin, kaa dunnuan kaa gi, ’té kaa kɛlɛle né bozen nya lɛbɛn‐é, ’bɛ gi léé, kaa kaa kɔlɛ tabole lɛbɛn‐é.

1 Korent munu 15:20

Naa, webozen lé, Krist nwa gale va; é a mi vinin lé é nwa gamunu va, a nya.

1 Korent munu 15:23

naa, wo faa do do é dan nwa lɛ ’wo nwabléyi va. Krist ɛ ke wo vininzan nya; ’bɛ zuo, Krist dabléyi va, munu lé wo ke azé nya, wo dan nwa lɛ.

1 Korent munu 16:2

Dimansi nya ka faa do do kalé gɔɔli ke pa é yɛrama kalé kɔn gi kalé fɛyebɛ yɛrama. Té wo an dale lɛbɛn a nɔle we ma lo.

Bélidɔwesɛbɛ Fiézan 16:10

’Bɛ zuo ’ka flɛyinu lé fɛti kɛlɛ yé ’ka blidrɔɔblɛ kɛlɛ, Gakelebale, kalé Bale ka drɔɔ vo fɛan zo, a yɛrama.

Bélidɔwesɛbɛ Fiézan 18:4

Kalé ’sa vinin koo, kalé dɔrɔ’yi vinin koo, kalé nyɔnɔ vinin koo, kalé ’blanu kyɛɛ lé ka bɔi é vinin koo, ’ka wo nɔ Balebanzannu lɛ;

Bélidɔwesɛbɛ Fiézan 26:1

Dé ka bɔ tɛrɛ lé Gakelebale, kalé Bale a nɔ ka lɛ tɔnɔfɛ nya, a ta, dé ka a kɛlɛ kazé nya yé ka suni wɔra ana,

Bélidɔwesɛbɛ Fiézan 26:3

Balebanzan lé é ke nyanama pana ’bɛ bléyi va, ka dan a nɔ lɛ ’bɛzan lɛ yé ka dan a fe lɛ a lɛ léé: Kyɔ, maa a fena Gakelebale, ilé Bale lɛ léé, an bɔ tɛrɛ lé Gakelebale ébo ’nyɔɔn ko tranu lɛ léé, é dan a nɔ lɛ ko lɛ, a ta.

SEBE LÉ JAK A GYE (Épitre de Jacques) 1:18

É kaa yaa élé blibɔmawe yɛrama webozen dére nya, kaa kɛlɛle a kɛlɛfɛ vininzannu nya we gi.

Jozué 18:1

Izraɛl lé nénu faa zén ékeva Silo yé wo zén‐ékevasɔkɔn dɔ ’bɛna. Wo pla tɛrɛ nwiin.

Wegɔɔnle 14:4

Wa munu lé wo ’ka ’wobo tiri dɔ lɛ lomu va lo, wo nya, naa, wo ’ka le dɔɔ lɛ lo; fɛ faa lé ’Blané éé goo ana, woo goo a zuo. Bale wo tabo munu méléna féifɛ bɔrale vinin nya Kazambale valé ’Blané zé nya;