Bélidɔwesɛbɛ Fiézan 26:19 - Kazambale lé Sebe Sauunu 1979

¹⁹ bɛn faa gi munu lé é wo kɛlɛ tɛrɛ la, kazé mini wo lɛ; ka lɛdɔmale koo, ka tɔbɔle koo, kalé fua koo, é dan mini lɛ wozé ta, yé ka dan kɛlɛ lɛ munu lé Gakelebale, kalé Bale wo pa é yɛrama ézé nya, wo nya, é a fe ka lɛ fɛan zo, a zo.

Bélidɔwesɛbɛ Fiézan 26:19 ပူးပေါင်းရင်းမြစ်များ

Lɛrɛvɔ Sɛbɛ 148:14

É élé munu dɔ plɛplɛ; Alé yarapawelazannu faa a tɔ zin fé, Izraɛl munu lé wo ke a sɔnɔ, wa tɔ zin fé. ’Ka Gakelebale tɔ zin fe.

Fwile 19:5

Tɛrɛ faa a anzé nya, amalé sin, dé ka tɔné dɔ an dére lɛ, dé ka anlé gipawe tawe kɛlɛ, ka dan kɛlɛ lɛ anzé nya bɛnnu faa méléna;

Fwile 19:6

ka dan kɛlɛ lɛ an banbɛn nya, bɛn sauun nya. Dérenu lé i dan a fe lɛ Izraɛl lé nénu lɛ, wo lé ke bɛ.

Ézai 62:12

Wo dan wo laa lɛ, munu sauun lé Gakelebale wo tabo, Yé bii, wo dan i laa lɛ, blibɔmafla lé wo ’ka sɔn vɔa a ma lo.

Jérémi 13:11

Naa, woo kyɛsidi dɔa mi gyɛn fɛan zo bɛ, a zo lé an Izraɛl lé munu faa yere an ma, é valé Juda lé munu faa nya, léé, ’wo kɛlɛ anlé munu koo, an tɔ koo, an tɔbɔle koo, anlé fua koo, wo nya; naa, wo ’ka ’wo tɔné dɔ lɛ an lɛ pelo. Maa Gakelebale ɛ ke a fena.

Jérémi 2:3

Izraɛl a é pale é yɛrama Gakelebale zé nya Bélé féifɛ vinin zo; Munu faa lé wa blé, we a wo nwiin Yé wenaané bɔ wo ma; maa Gakelebale ɛ ke a fena.

Jérémi 33:9

Fla ’ko é dan kɛlɛ lɛ anlé ginanalafla koo, an tɔbɔla fla koo, anlé fua tɔbɔla fla koo, wo nya, tɛrɛla bɛnnu faa va. We zinnu faa lé maa dan a kɛlɛ lɛ wo lɛ, bɛnnu é dan a ’ma lɛ; dé wo an ye bɛ ma wolowolozan nya Izraɛl munu vazia, wo gi é dan vuru lɛ, ’té éé kɔɔan wo bli gi.

Sofoni 3:19

Ka ye, ’bɛ bléyi va, munu lé woo yaan ka ta, maa dan we kɛlɛ lɛ wo faa lɛ; Maa dan gane suruzannu béli lɛ, yé munu lé wo so wo va, maa dan wo zén lɛ ékeva; Tɛrɛnu faa lé wo serele bo wo ma wo ta bɛ, Maa dan wo kɛlɛ lɛ ’bɛnu ginanamafɛ valé tɔbɔfɛ nya ’bɛna.

Sofoni 3:20

’Bɛ bléyi va, maa dan da lɛ ka nya ka pa gi; ’Bɛ bléyi va, maa dan ka zén lɛ ékeva; Naa, kalé munu lé wo ke luu gi, dé an da wo nya wo pa gi ka yuɛ va, Maa dan ka kɛlɛ lɛ tɔbɔfɛ valé ginanamafɛ nya, Tɛrɛla migɔnɔnu faa méléna. A zo lé Mizan Gakelebale a fe.

Zakari 8:13

’Kaa Juda valé Izraɛl munu, fɛan zo lé ka kɛlɛ balepamazannu nya bɛnnu méléna, a zo lé maa dan ka si lɛ we gi, yé maa dan ka drɔɔ vo lɛ. Té ka kana lo, ka bɛ ’é dɔ plɛplɛ ma.

Bélidɔwesɛbɛ Fiézan 27:1

Moizi valé Izraɛl lé mi segelenu dére ’ko fe munu lɛ léé, bélidɔwenu faa lé ko wo fe ka lɛ kyɔ, ’ka wo ta tawo.

Bélidɔwesɛbɛ Fiézan 28:1

Dé ka Gakelebale, kalé Bale dére lɛdɔma, bélidɔwe ’konu faa lé maa wo fe ka lɛ kyɔ, dé ka wo ta tawo, Gakelebale, kalé Bale é dan ka mini lɛ tɛrɛ la bɛnnu faa ta.

Bélidɔwesɛbɛ Fiézan 28:13

Gakelebale é dan ka kɛlɛ lɛ ’wuo nya, ka ’ka dan kɛlɛ lɛ péli nya lo; ka dan kɛlɛ lɛ yifaama loru, ka ’ka dan kɛlɛ lɛ tɛrɛ zia lo, ’té dé ka Gakelebale, kalé Bale lé bélidɔwenu lɛdɔma, ’té maa wo fe ka lɛ kyɔ bɛ; dé ka vo wo ta, dé ka wo ta tawo,

Bélidɔwesɛbɛ Fiézan 28:9

Ka dan kɛlɛ lɛ munu lé Gakelebale wo pa é yɛrama ézé nya, wo nya, ébo ’nyɔɔn ka lɛ fɛan zo, a zo, ’té dé ka Gakelebale kalé Bale lé bélidɔwenu lɛdɔma yé ka tawo alé tawobɛ faa gi.

Bélidɔwesɛbɛ Fiézan 7:6

Naa, ka a munu lé Gakelebale, kalé Bale wo pa é yɛrama ézé nya, wo nya; Gakelebale, kalé Bale ka si bɛnnu faa lé wo ke tɛrɛ la, wo va, ka kɛlɛle azé nya we gi.

1 Piɛri 2:5

ka é ziin, ka a gɔlɛ yuɛmalenu nya yé dé ka bié a va ka dan kɛlɛ lɛ lélikɔn valé Balebanmunu gɔnɔ sauun nya Bale banle we gi, lélifɛ lé é sɔ Kazambale lɛ Jézu lé we ma, a nya.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.