Bélidɔwesɛbɛ Fiézan 26:17 - Kazambale lé Sebe Sauunu 1979

¹⁷ Kyɔ, Gakelebale lé ka lɛ léé, é dan kɛlɛ lɛ kalé Bale nya, léé, ’ka tawo ’élé tawobɛ gi, yé ’ka ’élé bélidɔwenu ta tawo, yé ’ka ’é sɔnnénu pa yé ’ka ’élé gɔnɔlawenu kɛlɛ yé ’ka ’é dére lɛdɔma.

Bélidɔwesɛbɛ Fiézan 26:17 ပူးပေါင်းရင်းမြစ်များ

Wepélisiananu 28:21

dé maa nɔla é ziin an ti lé kɔn ’léé drɔɔ, ’té Gakelebale é dan kɛlɛ lɛ anlé Bale nya;

2 Minwiinmunu lé Wezuofe Sɛbɛ 34:31

Minwiinzan blɛn dɔ élé kpala ta, yé é gi pa Gakelebale va, yé é léé, ’é dan tawo lɛ Gakelebale zuo, yé alé bélidɔwenu koo, a déretawenu koo, a sɔnnénu koo, ’é dan a kɛlɛ lɛ ’é bli valé ’éboen faa nya, gipadérenu lé wa gyɛ sɛbɛ ’ko gi, tawole wo ta we gi.

Lɛrɛvɔ Sɛbɛ 48:14

A zi gɔrɔnu lé wo boro ke, ’ka nagini. ’Ka alé fuakɔnnu gi gini é zima, A zuo fele mi kulunu lé wo dan da lɛ bɛ, wo lɛ we ma.

Fwile 15:2

Gakelebale a anlé plɛplɛ nya, yé yee ɛ tɔ zin lé maa a fé; Yee ɛ an si we gi. É a anlé Bale nya; maa dan a kɛlɛ lɛ blɛn; É a an ti lé Bale nya; maa dan a tɔ bié lɛ.

Fwile 19:8

Munu faa lé a lɛ léé: We faa lé Gakelebale a fe, ko dan a kɛlɛ lɛ. Moizi go munu dére fe lɛ Gakelebale lɛ.

Fwile 20:19

Wo lé Moizi lɛ léé: Biibozen ’é we fe ko lɛ yé ko dan a ’ma lɛ; té Kazambale é we fe ko lɛ lo, dé ko da ga.

Fwile 24:7

É gipawe sɛbɛ si yé é a ta fe munu faa tɔné gi. Munu léé: We faa lé Gakelebale a fe, ko dan a kɛlɛ lɛ, yé ko dan a lɛdɔ lɛ a ma.

Ézai 12:2

Bé ye, Bale a an siéwegizan nya; An pale a i ta blɛn, yé maa ’ka dan kana lɛ we do lee lo. Naa, Gakelebaleoo Gakelebale, i a anlé plɛplɛ nya, yé bii ɛ tɔ zin lé maa fé; Bii ɛ ke an Siéwegizan nya.

Ézai 44:5

Mi ’ko é dan a fe lɛ léé: Maa a Gakelebale zé nya, Yé a koɛ é dan é fe lɛ léé, Jakɔb‐tɔ a ’é ma; Yé a bɛ é dan sɛbɛ gyɛ lɛ ’é bɛ ta léé: Maa a Gakelebale zé nya, Yé é dan ébo ze vɔ lɛ Izraɛl tɔ gi.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

Kelewenu 27:23

Bale lé, maa ke azé nya, ’té maa a bɔa bɛ, alé lanje do bɔra an va kyɔ é béli,

Rom munu 6:13

Té ka ka kɔlɛvafɛnu nɔ wenyané lɛ weple kɛlɛfɛnu nya lo; naa, ’ka kabozen nɔ Kazambale lɛ, munu lé wo ke é gale é vinin yé wo béli, wo nya, yé ’ka ka kɔlɛvafɛnu nɔ Kazambale lɛ we tegele kɛlɛfɛnu nya ma.

2 Korɛnt Munu 8:5

Fɛ lé ko bli a wo lɛ léé, wo dan a nɔ lɛ, wa gié ’bɛ la, naa, wo ’wobozen nɔ Mizan lɛ é vinin, yé ’bɛ zuo wo ’wobozen nɔ ko lɛ, Kazambale lé blibɔmawe yɛrama.

Bélidɔwesɛbɛ Fiézan 13:18

Dé ka Gakelebale, kalé Bale dére ’ma, yé a sɔnnénu lé maa wo gɔɔn ka lɛ kyɔ, dé ka wo pa, yé we lé é ke é drɔle Gakelebale, kalé Bale yuɛ gi, dé ka ’bɛ kɛlɛ, Gakelebale é dan we ’konu faa kɛlɛ lɛ ka lɛ.

Bélidɔwesɛbɛ Fiézan 15:5

’té dé ka Gakelebale, kalé Bale dére lɛdɔma, ’té dé ka tawo é zima, a sɔnné ’konu faa lé maa wo gɔɔn ka lɛ kyɔ, wo ta.

Bélidɔwesɛbɛ Fiézan 27:10

’Ka Gakelebale, kalé Bale dére lɛdɔma yé alé bélidɔwenu valé a sɔnnénu lé maa wo fe ka lɛ kyɔ, ’ka tawo wo yɛrama.

Bélidɔwesɛbɛ Fiézan 29:12

Ka da, ka gi pale do we ma, Gakelebale, kalé Bale va; gipawe lé Gakelebale a kɛlɛ ka va kyɔ, ’té woo wɔraan a gi bale ’nyɔɔnle nya, yee lé.

Bélidɔwesɛbɛ Fiézan 30:16

Naa, maa fe ka lɛ kyɔ léé, ’ka Gakelebale, kalé Bale lɔrɔ pa, ’ka tawo alé tawobɛ gi, a sɔnnénu koo, alé bélidɔwenu koo, alé gɔnɔlawenu koo, ’ka wo ta tawo, ka vole é yuɛma valé ka fanle we gi, yé tɛrɛ lé ka dan a kɛlɛ lɛ kazé nya, Gakelebale, kalé Bale é dan ka drɔɔ vo lɛ ’bɛ ta.

Jozué 22:5

Naa, dérenu valé bélidɔwe lé Gakelebale wuozan Moizi a fe ka lɛ, ’ka wo ta tawo ka yuɛi do nya ma; ’ka Gakelebale, kalé Bale lɔrɔ pa ma; ’ka alé zinu faa ta tawo ma; ’ka alé bélidɔwenu kɛlɛ ma; ’ka buvɔ a ma ma; yé ’ka alé nyanama pa ka bli faa valé ka boen faa nya ma.

Jozué 24:22

Jozué lé munu lɛ léé: Ka a kabo lé wenayezannu nya léé, ka Gakelebale si kazé nya, a bɔle we gi. Wa zi pa léé: Ko a anayezannu nya.