Bélidɔwesɛbɛ Fiézan 26:14 - Kazambale lé Sebe Sauunu 1979

¹⁴ Bléyian va lé maa a gyɛ bona, maa ’ka fɛ ’ko do kpen ble lɛ lo; bléyian va lé maa ’ka tegele lo maa ’ka an bɛ mane lɛ wo ma lo; maa ’ka a do kpen kɛlɛ lɛ gyɛbofɛ nya lo; maa Gakelebale, anlé Bale dére ’ma, yé we faa lé bé fe an lɛ, maa we kɛlɛ ’bɛ yɛrama.

Bélidɔwesɛbɛ Fiézan 26:14 ပူးပေါင်းရင်းမြစ်များ

Lɛrɛvɔ Sɛbɛ 106:28

Yé wo péli vɔ Baal‐Péɔɔ va, Yé wo mivunbanwi ble.

Lɛrɛvɔ Sɛbɛ 18:22

Naa, an tawo Gakelebale lé zinu ta, Yé we do kpen ’ka an nwiin anlé Bale vazia lo.

Jérémi 16:7

Wolé gyɛbole gi, wo ’ka dan fɛ ble lɛ mi do lé alé mi ga, a tɔrɔ paale we ma lo. Dé mi do bu léé? dé a ti léé? dé é ga, wo ’ka dan a tɔrɔ paa lɛ nwɛ nya lo.

Ézékiɛl 24:17

’I bawuruma flin wo drɔɔ; té i mi galenu gyɛ bo lo; ’ilé nɔɔn vuru i ’wuo ma, ’ilé sawala wo i gane ma; té i puomagun yɔɔ lo, yé té i mi bɛnu lé fɛ ble lo.

OZÉ (Osée) 9:4

Wo ’ka dan Gakelebale ban lɛ nwɛ nya lo, yé Gakelebale ’ka dan ’é ban‐ɛn ble lɛ lo. Wolé sarakanu é dan kɛlɛ lɛ wo lɛ bélé gyɛ la fɛblele zo. Munu faa lé wa blé, wo dan kɛlɛ lɛ naané. Wolé fɛblele é dan kɛlɛ lɛ wo saa zé nya, wo ’ka dan go lɛ a nya Gakelebale lé kɔn gi lo.

Lévinu 21:1

Gakelebale lé Moizi lɛ léé: Bé fe Balebanzannu Arɔn benu lɛ léé: Dé é ’ka abo lé mi tegele nya lo, té Balebanzan ébo tiri dɔ élé munu va migale lé we ma lo; a bu koo, a ti koo, a be koo, a bwe koo,

Lévinu 21:11

Té é bié migale ma lo; té ébo kɛlɛ naané lo, dé a ti léé, dé a bu léé, wolé we ma lo.

Lévinu 7:20

Bɔvɔ sarakanu a Gakelebale zé nya; a zi a mi tegele faa lɛ léé, é saraka ’ko wi ble, naa, mi lé é ’ka tegele lo, dé é a ble, wo dan a si lɛ ’élé munu va.

Malasi 2:13

We do lé ka kɛla é ziin, yee lé ke ’ko: ka yuɛyi éé zén‐é balebanna ta, ’té ka wuvɔa, ’té ka dunnuan; Gakelebale ’ka é ban‐ɛn blé lo, yé fɛ lé ka nɔ a lɛ é ’ka a si lɛ lo, amalé ka wuvɔa.

Bélidɔwesɛbɛ Fiézan 13:5

Ka ’bɛ balelayezan valé ’bɛ nyɛgyɛzan gyɛ, naa, é a ka nwana Gakelebale, kalé Bale lé é ka si luu gi Éjipiti tɛrɛ la, a ma, yé zi lé Gakelebale, kalé Bale a gɔɔn ka lɛ, é a a va léé, ’é ka si ’bɛ zi ta. ’Ka a gyɛ yé ’bɛ zo lé wenaané si ka méléna.

Bélidɔwesɛbɛ Fiézan 15:5

’té dé ka Gakelebale, kalé Bale dére lɛdɔma, ’té dé ka tawo é zima, a sɔnné ’konu faa lé maa wo gɔɔn ka lɛ kyɔ, wo ta.

Bélidɔwesɛbɛ Fiézan 16:11

I gi é dan nana lɛ Gakelebale ilé Bale ’lɛ, fɛna do lé Gakelebale, ilé Bale é dan a si lɛ a va ’é tɔ pale a ma we gi, ana; bii koo, i be koo, i lu koo, i wuogɔné koo, i wuole koo, Lévi mi lé é ke é nyanale ka va koo, bɛn bɛ mi koo, ti valé bugalazan valé zanagalale lé ke ka va koo, ka faa gi ’é nana wo nya.

Bélidɔwesɛbɛ Fiézan 26:13

I dan a fe lɛ Gakelebale, ilé Bale lɛ léé: We lé i an béli dɔ a nya, maa a faa kɛlɛ, fɛ lé é ke é pale é yɛrama, maa a si anlé kɔn gi yé maa a nɔ Lévi mi koo, bɛn bɛ mi koo, ti valé bugalazan koo, zanagalale koo, wo lɛ; maa ’ka i sɔnné do kpen saan lɛ lo, an gi ’ka san lɛ a do kpen ma lo.

Bélidɔwesɛbɛ Fiézan 26:15

Bii lé i ke la gi i nyanana sauun na bɛ, bé nagini; ’ilé munu Izraɛl drɔɔ vo, tɛrɛ lé bé nɔ ko lɛ, ibo ’nyɔɔn ko tranu lɛ fɛan zo, a zo, tɛrɛ nyɔnɔzan ’ko, bé drɔɔ vo ma.