Bélidɔwesɛbɛ Fiézan 23:5 - Kazambale lé Sebe Sauunu 1979

⁵ Naa, Gakelebale, kalé Bale ’ka tɔné dɔ lɛ Balaam dére lɛ lo; ka sɔ Gakelebale, kalé Bale lɛ, bɛwemalé é balepale nɔla ka ma drɔɔvole nya.

Bélidɔwesɛbɛ Fiézan 23:5 ပူးပေါင်းရင်းမြစ်များ

2 Samuɛl 16:12

Dé Gakelebale é dan anlé nyané blele ye lɛ, yé é wezin kɛlɛ an lɛ kyɔ zé bale pale an ma pa gii?

Néémi 13:2

Wo ’ka fɛblele valé ’yi nɔ lɛ Izraɛlnu lɛ lo, yé wo gɔɔli nɔ Balaam lɛ léé, ’é bale pa wo ma, azama. Naa, kolé Bale ko ma balepale nɔla ko drɔɔ vole nya.

Lɛrɛvɔ Sɛbɛ 73:1

Azafa lé lɛrɛ lé. Iin, Bale éé wezin kɛla Izraɛl lɛ, Munu lé wo bli gi ke é bɔle, wo lɛ.

Wegɔnévɔlenu 26:2

Mianénu éé fwilaan fɛan zo yé leelené éé sié fɛan zo, a zo lé bale pale mi ma gwɛ ma ke; é ’ka mi kunwo lo.

Jérémi 31:3

Gakelebale a é sile an ma baa, naa, ébo nagɔɔn an lɛ; i sɔ an lɛ sɔlɛle lé a glɛ ’ka lo, a nya, bɛwemalé anlé zin ana tan kazé nya.

Ézékiɛl 16:8

An gié i punma yé maa i nagini. Yé bé ye, ’té izé bléyi bɔ; izé sɔlɛle bléyi bɔ. Maa anlé varɔ lɔlu zén i ta; an sɔ zén i porole ta. Maa anbo ’nyɔɔn léé, bii do ɛ ke anzé nya, an gi pa do i va yé i kɛlɛ anzé nya. A zo lé Mizan, Gakelebale a fe.

Misé 6:5

Anlé munu, we lé é dɔ Moab nwiinzan Balak gi, ’ka bɔn‐in bɔrɔ ’bɛ ma do, yé we lé Béɔɔ be Balaam a zi pa a lɛ, ’ka gibɔrɔ ’bɛ ma do, yé we lé é bɔ Sitim valé Gilgal méléna, ’ka gibɔrɔ ’bɛ ma do, yé wezin lé Gakelebale a kɛlɛ, ka dan a gi dɔɔ lɛ.

Malasi 1:2

Gakelebale léé: Ka sɔ an lɛ. Yé ka léé: Ko sɔ i lɛ kaa? Gakelebale léé: Ézau ’ka Jakɔb bwe nya loo? Duowo, Jakɔb sɔ an lɛ,

Mi Nɔnɔle 22:35

Gakelebale lé lanje lé Balaam lɛ léé: ’Ka go munu ’konu nya, naa, dérenu lé maa dan a fe lɛ i lɛ, yee saa lé bé fe ’té. Yé Balaam valé Balak lé mi segelenu go.

Mi Nɔnɔle 22:5

É munu nwunvɔ Béɔɔ be Balaam va, Pétɔɔ lé ke yuu ma, ana, alé munu lé tɛrɛ la, léé, ’wa fe a lɛ léé: Bé ye, migɔnɔ do lé wo si Éjipiti tɛrɛ la, wo tɛrɛ faa ta sɔɔla, yé wa é nyanale an yara.

Mi Nɔnɔle 24:9

Éé zunwo ’é powuo ta, yé éé yiaan bélé golizra zo, bélé golizra tina zo. De ɛ dan a nwa lɛɛ? Dé miomian é i drɔɔ vo, ’bɛzan drɔɔ ’é voo; Yé dé miomian bale pa i ma, ’wo bale pa ’bɛzan ma.

Rom munu 11:28

Dé é a Wenéné lé we nya, wa Kazambale nyanézannu nya kalé we ma; naa, dé é a munu vabole lé we nya, wo sɔ Kazambale lɛ wo tranu lé we ma.

Rom munu 8:31

Kaa fé we ’konu ma nɔɔ? Dé Kazambale a kaa va, de ɛ kɛla kaa maa?

Rom munu 9:13

É a é gyɛle Bale lé sɛbɛ gi a zo, léé: Jakɔb sɔ an lɛ Yé Ézau za a an gi. We ’ko kɛlɛ, we lé Kazambale a kɛlɛ é kyɛn, a dɔle gligli we gi; yee lé ke léé, dé Bale a munu vabona, é ’ka munu sié a va wo kɛlɛwenu ma lo, Bale lé éé mi laan, éé munu sié a va ébozen lé blibɔmale nya.

2 Korɛnt Munu 4:17

Kolé klenu ’ka we do nya lo yé wo dan nyaa lɛ laoɛ. Wo ma tɔnɔ é dan kɛlɛ lɛ fuasan lé ke fɛ boen nya, ’té a glɛ ’ka lo, a nya. É gié mi lé gi bɔrɔle faa ta.

Bélidɔwesɛbɛ Fiézan 2:29

Ézau lé nénu lé wo ke é nyanale Séii tɛrɛ la, a zo lé wa kɛlɛ ko lɛ, yé Moab munu lé wo ke é nyanale Aa, a zo lé wa kɛlɛ ko lɛ é ziin. ’Kaa é ziin, ’ka zi nɔ ko lɛ, fɔɔ yé ko Juudɛn yuu kini yé ko bɔ tɛrɛ lé Gakelebale, kolé Bale a nɔ ko lɛ, ana.

Bélidɔwesɛbɛ Fiézan 33:3

Iin, munu sɔ a lɛ; Alé mi sauunnu a a lee. Wo dɔ a gane sɔnɔ Wo a dére ’ma.

Bélidɔwesɛbɛ Fiézan 4:37

Ka tranu sɔ a lɛ, yé wo kulunu lé wo vo wo zuo, é wo si a va; yeebozen ɛ ka fwi Éjipiti tɛrɛ la élé plɛplɛ blɛn nya.

Jozué 24:10

Naa, é ’ka sɔ lɛ an lɛ léé, an tɔné dɔ Balaam lɛ lo; é ka drɔɔ vo, yé maa ka si Balak lee.