Bélidɔwesɛbɛ Fiézan 22:1 - Kazambale lé Sebe Sauunu 1979

¹ Dé i bwe do lé diri léé, dé alé ’bla léé, dé é san yé bé ye, té i yuɛ si ana lo; bé kun, i goan i bwe lɛ.

Bélidɔwesɛbɛ Fiézan 22:1 ပူးပေါင်းရင်းမြစ်များ

Wegɔnévɔlenu 24:11

Munu lé wa gona wo nya wo gyɛna, ’i wo si munu lee, wo lé wa gona wo bɔrɔ bona, ’i wo béli.

Wegɔnévɔlenu 27:10

Té i so i béé valé i ti béé va lo, té i go i bwe lé kɔn gi ilé nyanébleyi nya lo; i punmazan lé ke i sɔnɔ a fila vɔ é mini i bwe lé ke baa, a ta.

Wegɔnévɔlenu 28:27

Mi lé éé fɛ no nyanégyɛzan lɛ, fɛ ’ka dan vuru lɛ a ma lo, naa, mi lé éé yuɛ lɛ taan, bale pale a ma é dan kɛlɛ lɛ di.

Ézai 58:7

Mi lé lɔrɔ ke a gyɛna, bé zé fɛblele nɔ; nyanaizénlazan lé a yiana ’ka lo, bé wɔra ka va; dé ka mi do ye é porole, ’ka sɔ zén a ta; té ka nwunzi dɔ kabo lé mi ta lo.

Ézai 8:17

Gakelebale lé éé yara yɔɔan Jakɔb lé munu ma, an bli a yee ɛ lɛ; an pale a yee ɛ ta.

Ézékiɛl 34:16

Yee lé é ke é sanle, maa dan a gini lɛ; yee lé é saan, maa dan da lɛ a nya é pa gi; yee lé é tuo, maa dan a tuonanu paa lɛ; yee lé gyɛ ke a ma, maa dan plɛplɛ nɔ lɛ a lɛ. Naa, wo lé wo ke é buale, ’té wa plɛplɛ, maa dan wo gyɛ lɛ. É sɔ an lɛ léé, maa wo pa we tegele yɛrama.

Ézékiɛl 34:4

Wo lé wo ke tɔɔtɔɔ, ka ’ka wo dɔ lɛ plɛplɛ lo; wo lé gyɛ ke wo ma, ka ’ka wo béli lɛ lo; wo lé wo tuo, ka ’ka wo tuona paa lɛ lo; wo lé wo saan, ka ’ka da lɛ wo nya wo pa gi lo; wo lé wo san, ka ’ka wo gini lɛ lo; naa, ka pla wo nwiin gla valé plɛplɛ nya.

Lévinu 20:4

Mi ’ko lé ’élé nénu kɛlɛ Mɔlɔk banfɛ nya, dé munu ’ka dɔ lɛ a ma yé wa gyɛ lo,

Lévinu 6:3

Balebanzan é dan élé lɛnvarɔ bɛ grɔgrɔ zén lɛ ’é ta, yé é dan ’élé kulili blɛn wo lɛ ’é ma, yé balebanwi lé wa kyɛ blé, é dan a yee si lɛ balebanna ta, yé é dan a zana lɛ balebanna sɔnɔ.

Zakari 7:9

Lai sunyanu lé Gakelebale a fé turu léma: ’Ka we tegele kɛlɛ weboen nya, ’ka wezin kɛlɛ ka ke lɛ yé ka nyanai ’é zén ka ke ta.

Matio 10:6

Izraɛl munu lé wo ke é sanle bélé ’bla zo, ’ka go wo ɛ va.

Matio 15:24

Yé Jézu léé: Wo an pa zia Izraɛl lé nénu lé wo ke é sanle bélé ’blanu zo, wo saa ɛ va.

1 Korent munu 9:9

Naa, é a é gyɛle Moizi lé bélidɔwe gi léé: Diri lé é ke nyanama pana ilé féi, té bé ’léé lɛ tan lo. Dirinu lé gibɔrɔle ɛ ke Kazambale ma laa,

Bélidɔwesɛbɛ Fiézan 22:2

Dé i bwe ’ka i sɔnɔ lo, dé i ’ka a dɔɔa lo, a wi é dan vo lɛ i lee fɔɔ yé i bwe é da a si; dé é da a si lɛ, bé nɔ a lɛ.

1 Piɛri 2:25

Naa, ka a turu bélé ’bla sanlenu zo, naa, sin, ka nɔla ka boen pazan va, ka boen tabinzan va.