Bélidɔwesɛbɛ Fiézan 20:18 - Kazambale lé Sebe Sauunu 1979

¹⁸ Dé ka kɛlɛ a zo, wolé bozowenu lé wa kɛlɛna wolé balebɔwenu nya bɛ, ka ’ka dan wo zuosona lɛ lo, yé ka ’ka dan wenyané kɛlɛ lɛ Gakelebale, kalé Bale ma lo.

Bélidɔwesɛbɛ Fiézan 20:18 ပူးပေါင်းရင်းမြစ်များ

2 Minwiinzannu 21:3

Gɔ nwiin yobannanu lé a ti Ézékia a zana a gi, é wo dɔ ana é ziin; é Baalnu bannanu dɔ; é Asataté miyili kɛlɛ, bélé Izraɛl nwiinzan Akab a kɛlɛ fɛan zo, a zo, yé é dia é bli la lagifɛnu faa ’lɛ, yé é wo bɔ.

Fwile 23:32

Té i gi pa do wo va lo, té i gi pa do wolé balenu va lo.

Fwile 23:33

Wo ’ka dan nyana lɛ ilé tɛrɛ la lo, dé wo da i nyunu léé, i wenyané kɛlɛ an ma; naa, dé i wolé balenu bɔ é dan kɛlɛ lɛ i kunsan nya.

Fwile 34:12

Tɛrɛ lé i dan go lɛ ana bɛ, ’i yuɛ pa ibo va léé, té i gi pa do ana munu va lo, dé wo da kɛlɛ i kunsan nya.

Fwile 34:16

dé ka da wo lunu si ka benu nanu nya, yé wo lunu lé woo goo wolé balenu zuo bélé bɔrɔdɛ le éé goo gɔnénu zuo fɛan zo, a zo, dé wo da ka benu sia ana yé wo go wolé balenu zuo, bɔrɔdɛ le éé goo gɔnénu zuo fɛan zo, a zo.

1 Korent munu 15:33

Té ka gi kɛlɛ kabo lɛ lo. Dé mi vɔ misɛrɛzan zuo, éé a kɛlɛwe sɛra.

2 Korɛnt Munu 6:17

Bɛwemalé Mizambale léma: ’Ka si wo méléna; ’ka kini wo nya ékema, Fɛ lé é ’ka sauun lo, té ka mane a ma lo; Yé maa dan ka si lɛ.

Éfez munu 5:11

yé gunutinu lé nyanamanu lé mi ’ka tɔnɔ yé wo gi lo, té ka wo pa lo, naa, ’ka wo yi ga.

Bélidɔwesɛbɛ Fiézan 18:19

Yé dére lé yee balelayezan ’ko é dan a fe lɛ ’yee Gakelebale tɔ gi, dé mian ’ka é tɔné dɔ lɛ ’bɛ lɛ lo, ’yee Bale bozen é dan we ’ko zuo laa lɛ ’bɛzan lee.

Bélidɔwesɛbɛ Fiézan 18:9

Dé ka bɔ tɛrɛ lé Gakelebale, kalé Bale a nɔ ka lɛ, a ta, té ka ’bɛna bɛnnu lé bozowenu zuosona lo.

Bélidɔwesɛbɛ Fiézan 20:17

Étinu koo, Amorénu koo, Kanaannu koo, Férézinu koo, Éévinu koo, Jébusinu koo, ’ka munu ’ko gyɛ, Gakelebale, kalé Bale a fe ka lɛ fɛan zo, a zo.

Bélidɔwesɛbɛ Fiézan 20:19

Dé ka a guli danna fla do va, yé ka mɔn wo mabɛnna, té ka ana yilinu sɛrɛ kalé zaanu nya lo; ’ka wo mafɛ ble é wo, té ka wo vɔ lo; féiyilinu a mi nya laa, yé ka guli dan wo vaa?

Bélidɔwesɛbɛ Fiézan 9:5

É ’ka kɛlɛ lɛ léé, kalé tawobɛ tegele valé ka bli tegele ma lé tɛrɛ ’ko kɛlɛ kazé nya lo; naa, bɛn ’konu bli nyané lé we ma lé Gakelebale, kalé Bale wo bin ka ’lɛ, yé é ziin, dére lé é a fe ébo ’nyɔɔnle nya ka tranu, Abraam koo, Izak koo, Jakɔb koo, wo lɛ, a dɔle gligli lé we ma lé é dan wo bin lɛ.

2 Tɛsalɔnik munu 3:14

We lé ko fé sɛbɛ ’ko la, dé mianzan ’ka a lɛdɔama lo, ’ka bɛ zun ’bɛzan ma, té ka nana a va lo, ’bɛzan gyɛle yara nya we ma.

1 Timoté 6:5

yé munu lé wo ke é vɔnle we ’male gi, ’té wo ke é vurule webozen ma, ’té é a wo gi léé, wo dan tɔnɔ ye lɛ wolé tawole Kazambale lé zi ta we ma, ’bɛnu zé zavɔlenu lé wo ’ka nyaan lo, woo sié yee ’wuo duo gi é ziin.

Jozué 23:13

é a sɔbɛlawe nya léé, Gakelebale, kalé Bale ’ka dan vo lɛ bɛn ’konu binna ka ’lɛ lo; wo dan kɛlɛ lɛ ka lɛ séli valé san nya, plén nya ka sɛe gi, lélinu nya ka yuɛ gi, fɔɔ yé ka kulu é ga tɛrɛ zin lé Gakelebale kalé Bale a nɔ ka lɛ, a ta.

Weblezannu 2:3

Amalé maa lé é ziin léé, maa ’ka dan wo bin lɛ ka ’lɛ lo. Naa, wo dan vo lɛ ka punma yé wolé balenu é dan kɛlɛ lɛ ka kunsan nya.