Bélidɔwesɛbɛ Fiézan 20:16 - Kazambale lé Sebe Sauunu 1979

¹⁶ Naa, bɛnnu lé Gakelebale, kalé Bale a wolé tɛrɛnu nɔna ka lɛ tɔnɔfɛ nya, dé fɛofɛan ke flinna, té ka a vo é yuɛma lo.

Bélidɔwesɛbɛ Fiézan 20:16 ပူးပေါင်းရင်းမြစ်များ

Mi Nɔnɔle 21:35

Yé wa gyɛ, yee valé é benu valé alé munu faa nya. A kiéné do ’ka so lɛ a ta lo, yé wo alé tɛrɛ si.

Mi Nɔnɔle 31:17

Sin, ’ka gɔnénénu faa gyɛ, yé lomu faa lé gɔné yia wo va, ’ka wo faa gyɛ;

Mi Nɔnɔle 33:52

’ka ’bɛna tɛrɛ la munu faa bin ka ’lɛ, yé ’ka wolé miyili gɔlɛnu ’wii, yé foliɛwɔlɛ lé wa foli miyilinu nya, ’ka wo sɛrɛ tata, yé ’ka wolé gɔnwiin yobannanu sɛrɛ tata.

Bélidɔwesɛbɛ Fiézan 20:15

Flanu lé ke ka ma baa, ’té wo ’ka bɛn ’konu lé flanu nya lo, ’bɛ zo lé ka dan a kɛlɛ lɛ wo faa lɛ.

Bélidɔwesɛbɛ Fiézan 20:17

Étinu koo, Amorénu koo, Kanaannu koo, Férézinu koo, Éévinu koo, Jébusinu koo, ’ka munu ’ko gyɛ, Gakelebale, kalé Bale a fe ka lɛ fɛan zo, a zo.

Bélidɔwesɛbɛ Fiézan 24:4

té a zana vininzan a si é na nya é ziin lo; é ’ka vo lɛ le tegele nya é dɛrɛ lo; we ’ko a bélé bo zo Gakelebale yuɛ gi; tɛrɛ lé Gakelebale, kalé Bale a nɔ ka lɛ tɔnɔfɛ nya, té ka wenyané kɛlɛ a ta lo.

Bélidɔwesɛbɛ Fiézan 31:5

Gakelebale é dan wo pa lɛ ka lee, yé ka dan we kɛlɛ lɛ wo lɛ dére faa lé maa a fe ka lɛ, a yɛrama.

Bélidɔwesɛbɛ Fiézan 4:21

Yé Gakelebale bli fli an ma kalé we ma; yé ébo ’nyɔɔn léé, maa ’ka dan Juudɛn kini lɛ lo, yé maa ’ka dan wɔra lɛ tɛrɛ zin lé é a nɔ ka lɛ kalé tɔnɔfɛ nya, a ta lo.

Bélidɔwesɛbɛ Fiézan 7:16

Bɛnnu faa lé Gakelebale, kalé Bale é dan wo pa lɛ ka lee, ’ka wo gyɛ; té ka nyanai zén wo ta lo, té ka wolé balenu bɔ lo, naa, é dan kɛlɛ lɛ ka kunsan nya, ’bɛzama.

Jozué 10:20

Jozué valé Izraɛl lé nénu wo gyɛ wigyɛbɛ gi fɔɔ wo wo gyɛ tata aan wo, wo lé wo bɔ fla plɛplɛ ta wo si we gi,

Jozué 10:28

A yi duo nya Jozué Makéda si, yé é a tamunu gyɛ gwɔun nya; minwiinzan koo, fla koo, mi faa lé ke ana koo, é wo gyɛ tata; é ’ka mi do kpen vo lɛ lo, yé fɛan zo lé wa kɛlɛ Jériko nwiinzan lɛ, a zo lé wa kɛlɛ Makéda nwiinzan lɛ.

Jozué 10:40

Jozué ana tɛrɛlamunu faa gyɛ, gɔ nwiin munu koo, yirinwana bɛyilazia munu koo, fɛna dégélé munu koo, gɔpanénu nwiin munu koo, woo lé, yé é wo nwiinzannu faa gyɛ; é ’ka mi do kpen vo lɛ lo, yé fɛnu faa lé woo flin‐é é wo gyɛ tata, fɛan zo lé Gakelebale Izraɛl lé Bale a fe, a zo.

Jozué 11:14

Izraɛl lé nénu fla ’konu ta gulizarafɛnu faa valé winu si ’wozé nya, naa, wo munu faa gyɛ gwɔun nya fɔɔ wo wo gyɛ tata, yé wo ’ka mi do kpen vo lɛ é yuɛma lo.

Jozué 6:24

Wo fla valé é tafɛnu faa kyɛ ble, naa, gɔɔlifu koo, kyan koo, zéné valé foliɛwɔlɛ fɛnu faa koo, wo wo pa Gakelebale lé kɔn gi fɛwezan pana.

Jozué 8:25

Ai munu faa lé wo wo gyɛ yi ko nya, gɔnénu valé lomu, wa mi baa suiɛdo.

Jozué 8:8

Dé ka fla si, ka dan a kyɛ vɔ lɛ, ka dan a kɛlɛ lɛ fɛan zo lé Bale a fe, a zo. Ka ye, maa fe ka lɛ.

Jozué 9:24

Wa zi pa Jozué lɛ yé wo léma: Fɛan zo lé Gakelebale izé Bale a fe é wuozan Moizi lɛ léé, ’é tɛrɛ ’ko faa nɔ ka lɛ yé ’é ana tɛrɛlamunu faa gya ka ’lɛ, wa fe ko lɛ, bɛwemalé ka dale ’ko é kana blɛn zén ko gi; ko vole é yuɛma lé we ma lé ko kɛlɛ a zo.

Jozué 9:27

naa, a péli sia yi ’ko la, woo kyɛ fén gya, ’té woo ’yi tɔa munu valé Gakelebale banna zé nya, fɛ lé Gakelebale ana si a va ézé nya, ’bɛna; wo vo a kɛlɛna fɔɔ kyɔ.

Jozué 9:7

Izraɛl munu a zi pa Éévinu lɛ léé: Un, dé ka nyanaan ko mélénaa? Kaa gi paan do kaa?

1 Samuɛl 15:3

’I go sin, ’i guli dan Amalɛk va yé ’i alé fɛnu faa sɛrɛ; té i wo do kpen vo lo; gɔnénu valé lomu koo, nénu valé nyɔmanénu koo, dirinu valé ’blanu koo, nyɔgɔménu valé sokofalenu koo, ’ka bale pa wo ma, ’ka wo faa gyɛ.