Bélidɔwesɛbɛ Fiézan 20:1 - Kazambale lé Sebe Sauunu 1979

¹ Dé ka guli dan ka nyanézannu va, yé ka wisoonu valé goronu ye, yé ka léé, wo kiɛre mini ’wo ta, té ka kana wo lee lo; naa, Gakelebale, kalé Bale lé é ka si Éjipiti tɛrɛ la, é a ka va, azama.

Bélidɔwesɛbɛ Fiézan 20:1 ပူးပေါင်းရင်းမြစ်များ

Wepélisiananu 26:3

’I vo tɛrɛ ’ko la ’ko; maa dan kɛlɛ lɛ i va yé maa dan i drɔɔ vo lɛ, naa, maa dan tɛrɛ ’konu faa nɔ lɛ bii valé i kulu lɛ, yé gipawe lé maa a kɛlɛ i ti Abraam va, maa dan dɔ lɛ a ta.

2 Minwiinmunu lé Wezuofe Sɛbɛ 14:10

Aza Gakelebale, élé Bale laa, yé é léé: Gakelebale, bii do kpen ɛ bɔalɛ yé i bɔ mi tɔɔtɔɔ valé mi plɛplɛ va. Gakelebale, kolé Bale, ’i bɔ ko va. Naa, ko paan bii ɛ ta, yé ko bɔra sunya gu blɛn ’ko yara i tɔ gi. Gakelebale, bii ɛ ke kolé Bale nya; té mi i kele lo ma.

2 Minwiinmunu lé Wezuofe Sɛbɛ 14:11

Gakelebale Étiopinu gyɛ Azanu valé Judanu ’lɛ, yé Étiopinu vɔ fli gi.

2 Minwiinmunu lé Wezuofe Sɛbɛ 20:12

Kolé Baleoo Bale, i ’ka dan wolé we ble lɛ loo? Naa, ko ’ka plɛplɛ mi gu blɛn lé wo bié ko ma bɛ, wo ’lɛ lo. Yé wean é a lé ko a kɛlɛ, ko ’ka a gi dɔɔa lo. Naa, ko yuɛ a i lɛ.

2 Minwiinmunu lé Wezuofe Sɛbɛ 20:15

Yé Jakaziɛl léma: Juda munu faa valé Jérusalɛm munu, ’kaa valé minwiinzan blɛn Jozafat, ’ka an ban ka tɔné nya. Gakelebale lé ka lɛ léma: Té ka kana lo; té di é kini ka gi mi gu blɛn ’ko lé we ma monomono lo, naa, Bale é dan ka ta guli dan lɛ, ka kaan lo.

Lɛrɛvɔ Sɛbɛ 118:6

Gakelebale éé paan an va, an ’ka kanaan we do kpen lee lo; Blaminu é bɔa mɛ ɛ kɛlɛle lɛ an lɛɛ?

Lɛrɛvɔ Sɛbɛ 20:7

Maa a gi dɔɔ é kwakwa léé, Gakelebale éé nyɔnɔzénnwiinzan sié we gi; É dan alé bazorodére nyi si lɛ é nyanana sauunna la gi, É dan bɔ lɛ a va é bɛyi plɛplɛ nya.

Lɛrɛvɔ Sɛbɛ 23:4

Dé an tawo gale fu wuo An ’ka kanaan wenaané do kpen lee lo; bii a an va, azama. Ilé ’blatabinyili valé ilé tawomayili an dɔa plɛplɛ.

Lɛrɛvɔ Sɛbɛ 46:11

’Ka da, yé ’ka we ’ko dɔɔ ma: maa a Bale nya, Maa ɛ ke bɛnnu nwiin, maa ɛ ke tɛrɛ nwiin.

Lɛrɛvɔ Sɛbɛ 46:7

Bɛnnu wo gi gunu yé wolé plale mi nwiin ma nyɔɔn; Bale we do fe yé tɛrɛ ’yi bo kanale nya.

Lɛrɛvɔ Sɛbɛ 46:8

Lai sunyanu lé Gakelebale a ko va, Jakɔb lé Bale a ko yɔɔna plɛplɛ nya. Ka ye do.

Fwile 20:2

Gakelebale, ilé Bale lé é i si luu gi Éjipiti tɛrɛ la, maa a a nya.

Ézai 31:1

Munu lé woo goo Éjipiti tɛrɛ la, bɔ ’wo vazannu gini lɛ, ’té wo pale a wisoonu ta, ’té wo bli a gulidangoronu kiɛre valé wisootazannu kiɛre lɛ yé wo yuɛ ’ka Izraɛl lé Mi Sauun lɛ lo, yé wo ’ka Gakelebale naginian lo, we tɔntɔn ’é kɛlɛ wo lɛ ma.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 43:2

Dé i a ’yi kinina, maa dan kɛlɛ lɛ i va; Dé i a yuunu kinina, wo ’ka dan i mini lɛ lo; Dé i tawo kyɛ va, i kyɛ ’ka dan ble lɛ lo, Kyɛnɛnɛ ’ka dan vɔ lɛ i ma lo.

Ézai 7:14

Amalé Mizan bozen é dan tɔmase do kɛlɛ lɛ ka lɛ. Le boroné é dan bɔn si lɛ yé é dan négɔné yaa lɛ, yé é dan a tɔ laa lɛ Émanuɛl.

Jérémi 16:14

Gakelebale léma: Amalé a yi é dan bɔ lɛ yé ’bɛ yi nya wo ’ka dan a fe lɛ é dɛrɛ léé, Gakelebale lé é Izraɛl munu si Éjipiti tɛrɛ la, ’bɛ a é yuɛma, lo.

Zakari 10:5

Wo dan kɛlɛ lɛ bélé nyanazannu lé woo voli zɔn‐o zia gulidanbléyi va, wo zo; Gakelebale é dan kɛlɛ lɛ wo va, amalé wo dan guli dan lɛ; yé munu lé wo dan vɔ lɛ wisoonu ta, yara é dan wo gyɛ lɛ.

Mi Nɔnɔle 10:9

Tɛrɛ lé ka ke a ta, dé ka a gona guli dan lɛ ana, ka nyanézannu lé wo dan ka ma, wo va, ’ka bélinu fɛn plɛplɛ ma, yé ka sele é dan dɔ lɛ maa, Gakelebale kalé Bale gi, yé an dan ka si lɛ ka nyanézannu lee.

Mi Nɔnɔle 23:21

É ’ka weple yé Jakɔb gi monomono lo, Wean é ’ka tegele lo, é ’ka a yé Izraɛl gi monomono lo. Gakelebale, alé Bale a a va, É a a nwiinzan blɛn nya, Bale a Izraɛl ginanamazan nya.

Rom munu 8:31

Kaa fé we ’konu ma nɔɔ? Dé Kazambale a kaa va, de ɛ kɛla kaa maa?

Bélidɔwesɛbɛ Fiézan 1:29

Yé maa lé ka lɛ léé, té ka gi nyɛ ’é kini lo; té ka kana wo lee lo.

Bélidɔwesɛbɛ Fiézan 2:7

Naa, Gakelebale, kalé Bale, é kalé nyanama faa drɔɔ vo; ta lé ka a wo bwi blɛn ta ’ko, é a gi dɔɔ. Ka lɛɛ yɔ fié lo, ’té yee Gakelebale, kalé Bale a ka va; fɛ do kpen ’ka vuru lɛ ka ma lo.

Bélidɔwesɛbɛ Fiézan 20:2

Dé gulidanbléyi pa, Balebanzan é dan bié lɛ yé é dan we fe lɛ munu lɛ.

Bélidɔwesɛbɛ Fiézan 20:3

É dan a fe lɛ wo lɛ léé: Izraɛl, ’ka tɔné dɔ. Ka a gona guli danna kyɔ ka nyanézannu va. Té ka bli kyɛ é dɔ lo; té kana é zén ka gi lo, té di é kini ka gi lo; té ka gi nyɛ é kini wolé we ma lo.

Bélidɔwesɛbɛ Fiézan 31:6

’Kabo dɔ gligli, yé ’ka bli ta dɔ plɛplɛ. Té ka kana wo lee lo, té di ’é kini ka gi wolé we ma lo; naa, Gakelebale, kalé Bale bozen é dan tawo lɛ ka va, é ’ka dan ka vo lɛ é pla lo, é ’ka dan sɔn vɔ lɛ ka ma lo.

Bélidɔwesɛbɛ Fiézan 31:8

Gakelebale bozen é dan tawo lɛ i ’lɛ, yeebozen é dan kɛlɛ lɛ i va, é ’ka dan i vo lɛ é pla lo, é ’ka dan sɔn vɔ lɛ i ma lo; té i kana lo, té gligli ’é zén i gi lo.

Bélidɔwesɛbɛ Fiézan 7:1

Tɛrɛ lé ka dan a si lɛ kazé nya bɛ, dé Gakelebale kalé Bale ka bɔ ana, é dan bɛn kiɛre bin lɛ ka ’lɛ; bɛn lɛ sɔrafié lé wo blɛn mini ka lɛ, yé wolé plɛplɛ mini ka lɛ, woo lé; Étinu koo, Giigazinu koo, Amorénu koo, Kanaannu koo, Férézinu koo, Éévinu koo, Jébusinu koo, woo lé.

Bélidɔwesɛbɛ Fiézan 7:18

Té ka kana lo. We lé Gakelebale, kalé Bale a kɛlɛ Faraɔn valé Éjipiti munu faa lɛ, a sele ’é dɔ ka gi ma.

Bélidɔwesɛbɛ Fiézan 7:21

Té di é kini ka gi wolé we ma lo; naa, Gakelebale, kalé Bale a ka méléna. É a Bale blɛn valé mitadanmawe kɛlɛ Bale nya.

Bélidɔwesɛbɛ Fiézan 9:3

Amalé kyɔ, Gakelebale, kalé Bale é dan tawo lɛ ka ’lɛ bélé kyɛ lé éé fɛ faa blé, a zo, ’ka ’bɛ gi dɔɔ ma; yee ɛ dan wo kɛlɛ lɛ kiéné ka ’lɛ, yee ɛ dan wo kulu ga lɛ; ka dan wo bin lɛ, ka dan wo gyɛ lɛ do ’té, Gakelebale a fe ka lɛ fɛan zo, a zo.

Jozué 1:5

Mi do kpen ’ka dan dɔ lɛ i’lɛ i yuɛma bléyi faa va lo. Maa dan kɛlɛ lɛ i va, fɛan zo lé maa kɛlɛ Moizi va, a zo; maa ’ka dan i vo lɛ i do lo, maa ’ka dan daan lɛ i ma lo.

Jozué 1:9

Maa ’ka a fe lɛ i lɛ léé, ’ibo dɔ gligli yé i bli ta dɔ plɛplɛ, loo? Té i kana lo; té i gi nyɛ ’é kini lo, naa, Gakelebale, ilé Bale a i va, we faa lé i dan a kɛlɛle pélisia lɛ, a gi.

Jozué 11:9

Jozué a kɛlɛ wo lɛ fɛan zo lé Gakelebale a fe a lɛ, a zo; é wolé wisoonu gane zuo miinnu bɔi, yé é wolé goronu kyɛ ble.

Weblezannu 6:12

Gakelebale lé lanje bɔra a va yé é léé: Gakelebale a bii, nyanazan baba, va.

Weblezannu 6:16

Gakelebale lé a lɛ léé: Naa, maa dan kɛlɛ lɛ i va, yé i dan Madiannu gyɛ lɛ bélé mi do zo.

1 Samuɛl 17:32

David lé Saul lɛ léé: Té mi do kpen fuu é si é ta Filisiti mi ’ko lé we ma lo. I wuozan é dan go lɛ guli dan lɛ a va.