Bélidɔwesɛbɛ Fiézan 2:7 - Kazambale lé Sebe Sauunu 1979

⁷ Naa, Gakelebale, kalé Bale, é kalé nyanama faa drɔɔ vo; ta lé ka a wo bwi blɛn ta ’ko, é a gi dɔɔ. Ka lɛɛ yɔ fié lo, ’té yee Gakelebale, kalé Bale a ka va; fɛ do kpen ’ka vuru lɛ ka ma lo.

Bélidɔwesɛbɛ Fiézan 2:7 ပူးပေါင်းရင်းမြစ်များ

Wepélisiananu 12:2

Maa dan i kɛlɛ lɛ bɛngɔnɔ blɛn nya, yé maa dan i drɔɔ vo lɛ, yé maa dan i tɔ kɛlɛ lɛ blɛn yé bii ɛ dan mi bɛnu drɔɔ vo lɛ.

Wepélisiananu 24:35

Gakelebale anzan drɔɔ vo é baba yé é kɛlɛ plɛplɛ. ’Blanu valé dirinu koo, gɔɔlifu valé kyan koo, nyanamapagɔnénu valé nyanamapalomu koo, nyɔgɔménu valé sokofalenu koo, Bale a nɔ anzan lɛ.

Wepélisiananu 26:12

Izak féi pa ana tɛrɛ la. Gakelebale dɔ a zi, amalé ’bɛ lɛɛ ’ko gi alé féi fɛ dɔ, é gié é glɛ ta gɔnɔ yɔ soru.

Wepélisiananu 30:27

Laban lé a lɛ léé: ’I an ye mi zin nya ma. Maa a ye é zima léé, Gakelebale an drɔɔ vo ilé we ma.

Wepélisiananu 39:3

Azan a ye léé, Gakelebale a a va. Yé we faa lé éé a kɛla, Gakelebale a va gya é zima.

Wepélisiananu 39:5

Potifaa Jozɛfu pla élé kɔngimunu nwiin yé é ’élé fɛnu faa bɛ pa a lee, tɔɔn, Jozɛfu lé we ma lé Gakelebale Éjipiti mi lé kɔn drɔɔ vo. Fɛnu faa lé ke a lee, dé wa kɔn gioo, dé wa féioo, Gakelebale wo drɔɔ vo.

Néémi 9:21

Lɛɛ yɔ fié gi, i wolé fɛ nɔ bwi gi, ’té fɛ do kpen ’ka vuruan wo ma lo; wolé sɔnu ’ka fwi lɛ lo, yé wo ganenu ’ka zii lɛ lo.

JOB (Job) 23:10

Duowo, dé maa a tawona zi‐an ta, é a dɔɔ; Yé dé é an gi dan kɔɔn, é dan an ye lɛ tegele bélé kyan zo.

Lɛrɛvɔ Sɛbɛ 1:6

Naa, Gakelebale mi tegelenu lé zi dɔɔ, Yé wenyanékɛlɛzannu lé zi éé goo mi sɛrɛna.

Lɛrɛvɔ Sɛbɛ 107:4

Wo vo nɔɔna bwi gi; wo vo tawona wo saa, Yé fla lé wo bɔa nyanale lɛ a ta, wo ’ka ’bɛ ta zi ye lɛ lo.

Lɛrɛvɔ Sɛbɛ 31:7

Miyilinu lé wo tɔnɔ ’ka lo, wo bɔmunu za a an gi. Yé maa anbo bɛ pa Gakelebale lee.

Lɛrɛvɔ Sɛbɛ 90:17

Gakelebale, kolé Bale lé zin ’é kɛlɛ ko ta ma. ’I ko bɛnu panyanama dɔ gligli, Iin, ’i ko bɛnu panyanama dɔ gligli ma.

Fwile 16:35

Izraɛl lé nénu mana ble lɛɛ yɔ fié, fɔɔ yé wo bɔ tɛrɛ lé munu nyanaan a ta, ana; wo mana ble fɔɔ yé wo bɔ Kanaan tɛrɛ glɛ la.

Jérémi 2:2

’I go, yé ’i siaa Jérusalɛm munu tɔné gi léma: Gakelebale léma: An sɔ i lɛ i boroné la bléyi va fɛan zo, a sele a an gi. Ko ke si é dɛrɛ bléyian va, an wea i lee fɛan zo, ’Té i go an zuo bwi gi, Féi ’ka fɛana lo, ana, a sele a an gi.

OZÉ (Osée) 13:5

Maa i dɔɔ bwi gi fɛna gale na.

Amɔs 2:10

Yé é ziin, maa ka si Éjipiti tɛrɛ la, yé an go ka nya bwi gi lɛɛ yɔ fié, Amorénu lé tɛrɛ nɔle ka lɛ we ma.

Mi Nɔnɔle 1:1

Gakelebale we fe Moizi lɛ Sinai bwi la, zén‐ékevasɔkɔn gi, moné fiézan lé yi vininzan nya, wo fwile Éjipiti tɛrɛ la zuo lɛɛ fiézan nya. É léé:

Mi Nɔnɔle 14:33

yé kalé nénu é dan ’wolé trubɛnu tabin lɛ bwi la lɛɛ yɔ fié wuo, yé ’é dan kalé yuɛgiblanlenu dɔ lɛ wo nwiin fɔɔ yé ka faa galenu ’é dia bwi gi.

Mi Nɔnɔle 14:34

Fɛan zo lé ka vo tɛrɛ naginina yi yɔ fié wuo, a zo duo lé ka dan lɛɛ yɔ fié kɛlɛ lɛ kalé weplenu ma, yi do lɛɛ do; yé dé ’é kɛlɛle ka va vuru ka ma, ka dan we ’ko dɔɔ lɛ.

Mi Nɔnɔle 22:12

Bale lé Balaam lɛ léé: Té i go wo va pelo; té i bale pa munu ’ko ma monomono lo; naa, wo drɔɔ a é vole.

Mi Nɔnɔle 32:13

Gakelebale bli fli Izraɛlnu ma yé wo vo nɔɔna bwi gi lɛɛ yɔ fié wuo, fɔɔ yé munu ’konu lé wo wenaané kɛlɛ Gakelebale yuɛ gi yé é wo kulu ga.

WENÉNÉ LÉ LUK A GYE (Évangile selon Luc) 22:35

Jézu lé wo lɛ é ziin léé: Dé maa ka nwunvɔ, ’té gɔɔlipabala koo, pulu koo, sawala koo, ’té wo ’ka aan wo ka lee lo, fɛ do vuru ka maa? Wo léé: Gba.

WENÉNÉ LE JAN A GYE (Évangile selon Jean) 10:27

Anlé ’blanu an dére maan, yé maa wo dɔɔ yé woo dan an zuo.

Bélidɔwesɛbɛ Fiézan 1:19

Ko si Orɛb, yé bwi blɛn lé a ta éé kana zén‐é mi gi, ’té ka a ye ’ko, ko gié ana fɛfaana; ko Amorénu lé gɔ ma zi sia, Gakelebale, kolé Bale a fe ko lɛ fɛan zo, a zo, yé ko bɔ Kadɛs‐Baanéa.

Bélidɔwesɛbɛ Fiézan 1:46

Ka vo Kadɛs, yé ka mɔn ana é baba.

Bélidɔwesɛbɛ Fiézan 2:14

Ko ta sia Kadɛs‐Baanéa fɔɔ yé ko bɔ Zérɛd yuu va, é kɛlɛ lɛɛ yɔ do wɔlɛ vu ta sɔraa; ko tawoo fɔɔ gɔnénu lé woo bɔa gulidanle lɛ yé wo faa ga, Gakelebale ’ébo ’nyɔɔn wo lɛ fɛan zo, a zo.

Bélidɔwesɛbɛ Fiézan 2:6

Fɛ lé ka dan a ble lɛ, ’bɛ valé ’yi lé ka dan a mini lɛ, ka dan wo lɔ lɛ wo lee.

Bélidɔwesɛbɛ Fiézan 29:4

Naa, fɔɔ yi ’ko nya Gakelebale ’ka we’mabli vɔ lɛ ka gi lo, yé é ’ka weyeyuɛ valé we’matɔné nɔ lɛ ka lɛ lo.

Bélidɔwesɛbɛ Fiézan 29:5

An tawo ka nya bwi gi lɛɛ yɔ fié gi; kalé sɔ ’ka fwi lɛ ka ta lo yé kalé sawala ’ka sɛrɛ lɛ ka gane ma lo;

Jozué 5:6

Naa, Izraɛlnu tawo lɛɛ yɔ fié nyéné saa lé fɛna, fɔɔ yé gulidanmunu faa lé wo si Éjipiti, ’té wo ’ka Gakelebale dére lɛdɔ lɛ a ma lo, wo ga; tɛrɛnyɔnɔzan lé, Gakelebale ébo ’nyɔɔn wo tinu lɛ léé, é dan a nɔ lɛ ko lɛ bɛ, Gakelebale ébo ’nyɔɔn wo lɛ léé, wo ’ka dan a ye lɛ lo.