Bélidɔwesɛbɛ Fiézan 2:29 - Kazambale lé Sebe Sauunu 1979

²⁹ Ézau lé nénu lé wo ke é nyanale Séii tɛrɛ la, a zo lé wa kɛlɛ ko lɛ, yé Moab munu lé wo ke é nyanale Aa, a zo lé wa kɛlɛ ko lɛ é ziin. ’Kaa é ziin, ’ka zi nɔ ko lɛ, fɔɔ yé ko Juudɛn yuu kini yé ko bɔ tɛrɛ lé Gakelebale, kolé Bale a nɔ ko lɛ, ana.

Bélidɔwesɛbɛ Fiézan 2:29 ပူးပေါင်းရင်းမြစ်များ

Wepélisiananu 19:37

A lu vininzan né yaa gɔné nya yé é a tɔ pa Moab; Moab munu lé ke ana fɔɔ kyɔ yi nya, é a wo faa tra nya.

Fwile 20:12

I ti valé i bu lɛdɔma, ilé yinu kɛlɛle kiɛre we gi, tɛrɛ lé Gakelebale, ilé Bale a nɔ i lɛ, a ta.

Mi Nɔnɔle 20:18

Édom lé a lɛ léé: I ’ka dan gié lɛ an va monomono lo. Dé ’bɛ kaan lo, ko dan kee lɛ i nya gwɔun nya ko lee.

Bélidɔwesɛbɛ Fiézan 1:8

É lé yi la léé, ’é tɛrɛ ’ko faa nɔ ka lɛ; ’ka go, tɛrɛ lé ’yee Gakelebale a fe ébo ’nyɔɔnle nya léé, é dan a nɔ lɛ ka tranu Abraam koo, Izak koo, Jakɔb koo, wo lɛ, wo valé ’wo kulunu lɛ, ’ka go a si kazé nya.

Bélidɔwesɛbɛ Fiézan 2:9

Gakelebale lé an lɛ léé, té ko guli vɔ Moab munu lɛ lo, té ko guli dan wo va lo; ’é ’ka dan wolé tɛrɛlafɛ do kpen nɔ lɛ ko lɛ lo, ’bɛzama; naa, ’é Aa nɔ Lɔt lé nénu lɛ wozé nya.

Bélidɔwesɛbɛ Fiézan 23:5

Naa, Gakelebale, kalé Bale ’ka tɔné dɔ lɛ Balaam dére lɛ lo; ka sɔ Gakelebale, kalé Bale lɛ, bɛwemalé é balepale nɔla ka ma drɔɔvole nya.

Bélidɔwesɛbɛ Fiézan 25:15

Ilé kilo poa ’é kɛlɛ tegele ’kyɛ, yé ilé éfa ’é kɛlɛ tegele ’kyɛ, ka mɔnle we gi, tɛrɛ lé Gakelebale, kalé Bale a nɔ ka lɛ, a ta.

Bélidɔwesɛbɛ Fiézan 4:1

Sin, Izraɛl munu, bélidɔwenu valé gɔnɔlawenu lé maa a gona paana ka gi bɛ, ’ka tɔné dɔ wo lɛ. ’Ka wo ta tawo, ka vole é yuɛma we ma yé tɛrɛ lé Gakelebale, ka tranu lé Bale, a nɔ ka lɛ, yé ’é kɛlɛ kazé nya.

Bélidɔwesɛbɛ Fiézan 4:21

Yé Gakelebale bli fli an ma kalé we ma; yé ébo ’nyɔɔn léé, maa ’ka dan Juudɛn kini lɛ lo, yé maa ’ka dan wɔra lɛ tɛrɛ zin lé é a nɔ ka lɛ kalé tɔnɔfɛ nya, a ta lo.

Bélidɔwesɛbɛ Fiézan 4:40

’Ka dɔ alé bélidɔwenu ta ma, yé ’ka a sɔnnénu pa ma; maa wo gɔɔn ka lɛ kyɔ; dé ka kɛlɛ, ka gi é dan nana lɛ, ka valé kalé nénu nya ka zuo, yé ka dan mɔn lɛ, tɛrɛ lé Gakelebale kalé Bale a nɔ ka lɛ, a ta.

Bélidɔwesɛbɛ Fiézan 5:16

I ti valé i bu lɛdɔma, Gakelebale, kalé Bale a fe ka lɛ fɛan zo, a zo, yé ka dan mɔn lɛ tɛrɛ la, yé ka gi é dan nana lɛ tɛrɛ lé Gakelebale, kalé Bale, a nɔ ka lɛ, a ta.

Bélidɔwesɛbɛ Fiézan 9:6

Amalé é a lé ka gi dɔɔ léé, Gakelebale, kalé Bale ’ka tɛrɛ zin ’ko nɔ lɛ ka lɛ, ka tegele lé we ma lo; naa, ka a wemaplɛplɛzannu nya.