Bélidɔwesɛbɛ Fiézan 2:14 - Kazambale lé Sebe Sauunu 1979

¹⁴ Ko ta sia Kadɛs‐Baanéa fɔɔ yé ko bɔ Zérɛd yuu va, é kɛlɛ lɛɛ yɔ do wɔlɛ vu ta sɔraa; ko tawoo fɔɔ gɔnénu lé woo bɔa gulidanle lɛ yé wo faa ga, Gakelebale ’ébo ’nyɔɔn wo lɛ fɛan zo, a zo.

Bélidɔwesɛbɛ Fiézan 2:14 ပူးပေါင်းရင်းမြစ်များ

Lɛrɛvɔ Sɛbɛ 106:26

Amalé é bɛ nwa, léé, É dan wo gyɛ lɛ bwi gi yé ’wo ga,

Lɛrɛvɔ Sɛbɛ 90:15

Lɛɛnu lé i ko gyɛ nyané nya a gi, ’i ko gi nana ’bɛ lɛɛnu ’léé yɛrama, Lɛɛnu lé ko we tɔntɔn ye wo gi, ’i ko gi nana ’bɛ lɛɛnu ’léé yɛrama.

Lɛrɛvɔ Sɛbɛ 90:3

I munu nɔlaan vun nya A fele nya léé: Blaminu, ’ka nɔla é ziin.

Lɛrɛvɔ Sɛbɛ 90:9

Kolé yi faa éé giéma i bli tɔntɔn zi, Ko ko lɛɛnu yé giéna bélé bakinimaflinle zo.

Lɛrɛvɔ Sɛbɛ 95:11

Yé é ziin, maa anbo ’nyɔɔn anlé bliflile gi léé: Maa ’ka dan flinle nɔ lɛ wo lɛ lo.

Ézékiɛl 20:15

Maa anbo ’nyɔɔn an bɛ nwale nya bwi gi léé, maa ’ka dan go lɛ wo nya tɛrɛ lé maa si a va wozé nya bɛ, a ta lo; tɛrɛ nyɔnɔzan lé é ke é zima é mini tɛrɛnu faa ta, yee lé.

Mi Nɔnɔle 1:1

Gakelebale we fe Moizi lɛ Sinai bwi la, zén‐ékevasɔkɔn gi, moné fiézan lé yi vininzan nya, wo fwile Éjipiti tɛrɛ la zuo lɛɛ fiézan nya. É léé:

Mi Nɔnɔle 13:26

Wo bɔ aan wo, wo da Moizi valé Arɔn va, woo valé Izraɛlnu faa lé é ke é zénle ékeva Kadɛs lé ke Paran bwi la ana bɛ, wo va. Wo ’wo sina glewo wo lɛ, woo valé zén‐ékevamunu faa lɛ, yé wo tɛrɛ ’ko la fɛnu nagɔɔn wo lɛ.

Mi Nɔnɔle 32:11

Munu lé wo si Éjipiti tɛrɛ la, ’té wo lɛɛ gié lɛɛ yɔ do ta, tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo lɛ, wo va mi do kpen ’ka dan a ye lɛ lo. Wo ’ka tawo lɛ an zuo yarapalale nya lo,

1 Korent munu 10:5

Naa, wo va mi kiɛre lé we ’ka sɔ lɛ Kazambale lɛ lo, amalé wo zamaga wo bwi gi.

Bélidɔwesɛbɛ Fiézan 1:19

Ko si Orɛb, yé bwi blɛn lé a ta éé kana zén‐é mi gi, ’té ka a ye ’ko, ko gié ana fɛfaana; ko Amorénu lé gɔ ma zi sia, Gakelebale, kolé Bale a fe ko lɛ fɛan zo, a zo, yé ko bɔ Kadɛs‐Baanéa.

Bélidɔwesɛbɛ Fiézan 1:2

Dé wo si Orɛb yé wo gié Séii gɔ lé zi ta yé wo bɔ Kadɛs‐Baanéa, wo tawo yi vu ta do.

Bélidɔwesɛbɛ Fiézan 1:46

Ka vo Kadɛs, yé ka mɔn ana é baba.

Bélidɔwesɛbɛ Fiézan 2:13

Yé Gakelebale lé an lɛ léé, ’ko nwa yé ko Zérɛd yuu kini. Yé ko Zérɛd yuu kini.

Bélidɔwesɛbɛ Fiézan 2:16

Gɔnénu lé woo bɔa gulidanle lɛ, wo faa ga yé wo nyaa munu va aan wo,

Bélidɔwesɛbɛ Fiézan 2:7

Naa, Gakelebale, kalé Bale, é kalé nyanama faa drɔɔ vo; ta lé ka a wo bwi blɛn ta ’ko, é a gi dɔɔ. Ka lɛɛ yɔ fié lo, ’té yee Gakelebale, kalé Bale a ka va; fɛ do kpen ’ka vuru lɛ ka ma lo.

Jozué 24:7

Ka tinu siaa Gakelebale lɛ yé Gakelebale gunu dɔra wo valé Éjipitinu méléna, é wɛyi zén wo ta yé é wo mini. We lé maa a kɛlɛ Éjipiti munu lɛ, ka ana ye. Yé ka mɔn bwi la.

Jozué 5:4

Wean ma lé Jozué wo gane dɔ, yee lé ke ’ko: munu faa lé wo si Éjipiti, wo sile Éjipiti tɛrɛ la zuo gɔnénu koo, gulidan sunyanu faa koo, wo ga zia nyéné saa lé fɛna.

Jozué 5:6

Naa, Izraɛlnu tawo lɛɛ yɔ fié nyéné saa lé fɛna, fɔɔ yé gulidanmunu faa lé wo si Éjipiti, ’té wo ’ka Gakelebale dére lɛdɔ lɛ a ma lo, wo ga; tɛrɛnyɔnɔzan lé, Gakelebale ébo ’nyɔɔn wo tinu lɛ léé, é dan a nɔ lɛ ko lɛ bɛ, Gakelebale ébo ’nyɔɔn wo lɛ léé, wo ’ka dan a ye lɛ lo.

SEBE LÉ JUD A GYE (Épitre de Jude) 1:5

We lé é kɛlɛ Izraɛl munu lɛ, ka a gi dɔɔ é zima, naa, duowo, maa a a sele dɔna ka gi. Mizambale Izraɛl munu si Éjipiti tɛrɛ la, yé ’bɛ zuo wo vamunu lé wo bli ’ka é pale lo, é wo gyɛ. Yee kaan loo?