Bélidɔwesɛbɛ Fiézan 19:8 - Kazambale lé Sebe Sauunu 1979

^8-9 Dé Gakelebale, kalé Bale kalé tɛrɛglɛnu buru so é zuo, ébo ’nyɔɔn ka tranu lɛ fɛan zo, a zo, tɛrɛ lé é a fe ka tranu lɛ léé, é dan a nɔ lɛ ka lɛ, ’té dé ka Gakelebale, kalé Bale lɔrɔ pa yé bélidɔwenu faa lé maa a fena ka lɛ kyɔ, dé ka wo lɛdɔama yé ka wo ta tawo, yé ka tawo yifaama Bale lé zinu faa ta, dé Gakelebale nyaa tɛrɛ ’ko faa nɔle nya ka lɛ faa, ka dan fla yaa pa lɛ fla yaa ’ko va, a taa nya.

Bélidɔwesɛbɛ Fiézan 19:8 ပူးပေါင်းရင်းမြစ်များ

Wepélisiananu 28:14

I kulunu é dan kɛlɛ lɛ kiɛre bélé tɛrɛ lé vun zo; wo dan soi lɛ yirinwanazia fɔɔ yirivɔna, é valé yirinwana bɛbolazia fɔɔ yirinwana bɛyilazia. Tɛrɛ la lelenu faa drɔɔ é dan vo lɛ bii valé i kulunu lé we ma.

1 Minwiinzannu 4:21

Salomɔn pla bɛntɛrɛnu faa nwiin, é sia yuu ma fɔɔ yé é bɔ Filisitinu lé tɛrɛ la, fɔɔ yé é bɔ Éjipiti tɛrɛ glɛ la; woo dan Salomɔn blan nya yé wo pla a wuo alé tɛrɛla faa gi.

Ezidras 4:20

Minwiinzan blɛn plɛplɛnu kɛlɛ yuu zi, Jérusalɛm, ’té wa é plale tɛrɛ faa nwiin. Vagɔɔli koo, fɛnu ta banwo gɔɔli koo, zibanwo gɔɔli koo, ’té wa no wo lɛ.

Fwile 23:31

Maa dan ilé tɛrɛ glɛ dɔ lɛ, é sia Wɛyi Sɔɔn ma fɔɔ yé é bɔ Filisitinu lé wɛyi ma, yé é sia bwi ma fɔɔ yé é bɔ yuu ma; naa, maa dan ana tɛrɛlamunu pa lɛ ka lee, yé ka dan wo bin lɛ ka ’lɛ.

Fwile 34:24

Naa, maa dan bɛnnu bin lɛ ka ’lɛ, yé maa dan ilé tɛrɛglɛnu buru so lɛ é zuo; bléyian va lé i go Gakelebale, ilé Bale ’lɛ, lɛɛ do gɔnɔ yaa bɛ, mi do kpen bli ’ka dan bɔ lɛ ilé tɛrɛ ma lo.

Bélidɔwesɛbɛ Fiézan 12:20

Dé Gakelebale, kalé Bale kalé tɛrɛ glɛ buru so é zuo, é a fe ka lɛ fɛan zo, a zo, dé wiblelɔrɔ ka gyɛ yé ka léé, é sɔ ’wo lɛ léé, ’wo wi ble, a se a ka lɛ léé, ka a ble, é sɔ ka lɛ fɛan zo, a yɛrama.

Bélidɔwesɛbɛ Fiézan 19:7

Bɛwemalé maa lé ka lɛ léé, ’ka fla yaa ’ko pa.