Bélidɔwesɛbɛ Fiézan 18:6 - Kazambale lé Sebe Sauunu 1979

⁶ Dé Lévi mi do si fɛofɛana lé é nyana Izraɛl tɛrɛ la, ana, yé é go ébo blibɔmale yɛrama fɛna do lé Gakelebale a si a va, ana,

Bélidɔwesɛbɛ Fiézan 18:6 ပူးပေါင်းရင်းမြစ်များ

Lɛrɛvɔ Sɛbɛ 26:8

Gakelebale, nyanale ilé kɔn gi sɔ an lɛ, Ilé fuasan nyanana sɔ an lɛ.

Lɛrɛvɔ Sɛbɛ 27:4

We do lé an bli ke é bɔle a ma é baba, ’té maa a laan Gakelebale lee: Yee lé ke léé, an nyana Gakelebale lé kɔn gi anlé tɛrɛla faa gi, Gibɔrɔle Gakelebale tɔ blɛn ma we gi, Yee valé alé kɔn ze vɔle we ma.

Lɛrɛvɔ Sɛbɛ 84:10

Biian i ke ko takuunzan nya, oo Bale, bé ye, ’Ilé nyɔnɔzénnwiinzan yara nagini.

Lɛrɛvɔ Sɛbɛ 84:5

Munu lé woo nyanaan ilé kɔn gi, wozé a néné. Wo bɔa i tɔ nwale lɛ é ziin. Ka ye do.

Mi Nɔnɔle 35:5

’Ka fla zi dan; yirinwanazia zé ’é kɛlɛ kilo do; yirinwana bɛyilazia zé ’é kɛlɛ kilo do; yé yirinwana bɛbolazia zé ’é kɛlɛ kilo do. Fla é vo a méléna. Yé yirivɔnazia zé ’é kɛlɛ kilo do. Wolé flanu gini ma tɛrɛnu lé ke bɛ.

Bélidɔwesɛbɛ Fiézan 12:11

Yé Gakelebale, kalé Bale, é dan fɛ do na si lɛ yé é dan ’é tɔ pa lɛ a ma. Fɛ faa lé maa a fena ka lɛ kyɔ, ka dan da lɛ wo nya yee ɛ na; kalé winu lé wa kyɛ blé koo, kalé sarakanu koo, kalé fɛvuzannu koo, kalé féifɛ vininnu koo, kalé bale kunle lɛ sɔɔ sarakanu koo, ka dan da lɛ wo nya yee ɛ na.

Bélidɔwesɛbɛ Fiézan 12:14

naa, winu lé wa kyɛ blé, ka dan wo nɔ lɛ fɛana lé Gakelebale é dan ana si lɛ ka bɛn do va, ana; we faa lé maa wo fe ka lɛ, ’bɛna lé ka dan wo kɛlɛ lɛ.

Bélidɔwesɛbɛ Fiézan 12:5

’Ka a nagini é nyanana, fɛna do lé Gakelebale, kalé Bale é dan a si lɛ ézé nya ka bɛnnu faa va, yé é tɔ pa a ma, ’ka go yee ɛ na.

Bélidɔwesɛbɛ Fiézan 16:2

Ka dan Gakelebale, kalé Bale ban lɛ, mitabo dirinu valé ’blanu valé bolinu nya, fɛna do lé Gakelebale é dan ana si lɛ a va yé ’é tɔ pa a ma, ana.

Bélidɔwesɛbɛ Fiézan 18:7

yé é nyanama pa Gakelebale, kalé Bale tɔ gi, bélé é bwenu Lévinu faa lé woo dɔa Gakelebale ’lɛ, wo zo,

1 Timoté 3:1

Dére ’ko a sɔbɛladére nya; dé mi bli bɔ léglizi tabinle ma, ’té we zin ma lé a bli bɔ.

1 Piɛri 5:2

Kazambale lé trubɛnu lé é wo bɛ pa ka lee, ’ka wo pa é zima ma; té ka a kɛlɛ gla nya lo, ’ka kɛlɛ bli drɔɔ nya; té ka kɛlɛ fɛ yele wo nwiin we ma lo, naa, ’ka kɛlɛ wo sɔle ka lɛ we ma;