Bélidɔwesɛbɛ Fiézan 18:2 - Kazambale lé Sebe Sauunu 1979

² Wo ’ka dan tɔnɔfɛ ye lɛ ’wo bwenu zé va lo; Gakelebale a wolé tɔnɔfɛ nya, é a fe wo lɛ fɛan zo, a zo.

Bélidɔwesɛbɛ Fiézan 18:2 ပူးပေါင်းရင်းမြစ်များ

Wepélisiananu 15:1

We ’konu bɔle zuo, Gakelebale we fe Abram lɛ yuɛzi gi, yé é léé: Abram, té i kana pelo. Maa a i takuunfɛ nya, yé maa dan i gooli pa lɛ blɛn.

Lɛrɛvɔ Sɛbɛ 119:57

Oo Gakelebale, maa léé, anzé lé ke léé, Maa i dérenu lɛdɔma.

Lɛrɛvɔ Sɛbɛ 16:5

Gakelebale a anlé tɔnɔ nya; yé é a an miniyi nya; Bii ɛ dɔa an zi, yé anlé ’munnu a ble;

Lɛrɛvɔ Sɛbɛ 84:11

Dé mi yi do kɛlɛ ilé gɔrɔ gi, ’bɛ fila vɔ, é mini yi wuru soru lé mi a kɛla fɛ bɛna, a ta. Dɔle anlé Bale lé kɔnpa la fila vɔ É mini nyanale mi nyanénu lé sɔkɔn gi lɛ.

Ézai 61:6

Naa, ’kaa, wo dan ka laa lɛ Gakelebale banzannu, Wo dan tɔ pa lɛ ka ma léé, kolé Bale wuozannu; Ka dan bɛnnu lé fuafɛnu ble lɛ, Yé ka dan kabo tɔ bɔ lɛ wo tɔbɔfɛnu gi.

Jérémi Lé Wuvɔ Sɛbɛ 3:24

An boen léé: Gakelebale a anlé tɔnɔ nya, Bɛwemalé maa a a va léé, an bli ’é vo a lɛ.

Ézékiɛl 44:28

Zara lé wo dan a ble lɛ, yee lé ke ’ko: Maa ɛ ke wolé zarafɛ nya. Té ka wozé zarafɛ nɔ Izraɛl munu va lo; maa ɛ ke wozé zara nya.

Mi Nɔnɔle 18:20

Gakelebale lé Arɔn lɛ léé: Té wolé tɛrɛlafɛ do kpen é kɛlɛ izé nya lo; ilé zarafɛ ’ka dan kɛlɛ lɛ wo va lo. Maa ɛ ke izé nya, ilé tɔnɔ nya Izraɛlnu va.

Mi Nɔnɔle 18:7

Bii valé i benu lé wo ke i va, ’ka kalé Bale gi nyanama pa, dé é a balebanna lé nyanama faa nyaoo, dé é a sɔkɔnmi zi lé nyanama nyaoo, ’ka a pa. Nyanama lé é a lé ka a pa, yee lé ke bɛ. Maa balebannyanama nɔ ka lɛ blɛ zin nya. Dé bɛn bié a ma, wo dan a gyɛ lɛ.

Bélidɔwesɛbɛ Fiézan 10:9

Bɛwemalé Lévinu lé tɔnɔ ’ka wo bwenu zé va lo; Gakelebale ɛ ke wolé tɔnɔfɛ nya, Gakelebale, kalé Bale a fe wo lɛ fɛan zo, a zo.

Jozué 13:14

Lévi bɛn do kpen lɛ lé, Moizi ’ka tɛrɛ nɔ lɛ lo; wozé lé ke balebanfɛnu lé woo wo kyɛ blé Gakelebale Izraɛl lé Bale lɛ, wo nya, é a fe a lɛ fɛan zo a zo.

1 Piɛri 2:5

ka é ziin, ka a gɔlɛ yuɛmalenu nya yé dé ka bié a va ka dan kɛlɛ lɛ lélikɔn valé Balebanmunu gɔnɔ sauun nya Bale banle we gi, lélifɛ lé é sɔ Kazambale lɛ Jézu lé we ma, a nya.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.