Bélidɔwesɛbɛ Fiézan 18:18 - Kazambale lé Sebe Sauunu 1979

¹⁸ É léé, ’é dan balelayezan do nwa lɛ ka lɛ ka bwenu méléna bélé maa zo, ’é dan ’é dére pa lɛ ’bɛ ’léé, yé we faa lé ’é a fé ’bɛ lɛ, ’bɛ é dan a fe lɛ ka lɛ.

Bélidɔwesɛbɛ Fiézan 18:18 ပူးပေါင်းရင်းမြစ်များ

Lɛrɛvɔ Sɛbɛ 110:4

Gakelebale ébo ’nyɔɔn yé é ’ka dan é dére nɔla lɛ lo; É léé: Bii a Balebanzan nya Mɛlkizédɛk dɔbɛ gi lɛɛfaama.

Lɛrɛvɔ Sɛbɛ 2:6

’Té éé a fé léé: Maa ɛ nyɔnɔ zén anlé minwiinzan blɛn nwiin, Siɔn, gɔblɛn sauun nwiin.

Fwile 4:12

Amalé ’i go, maa dan kɛlɛ lɛ i nɛnɛ va yé we lé i dan a fe lɛ maa dan a paa lɛ i gi.

Fwile 4:15

I dan we fe lɛ a lɛ yé i dan dérenu pa lɛ a ’léé; yé maa dan kɛlɛ lɛ i ’léé valé a ’léé va, yé we lé ka dan a kɛlɛ lɛ, maa dan a paa lɛ ka gi.

Ézai 50:4

Mizan Gakelebale é dére néné nɔ an lɛ, léé, Mi lé a fuu si a ta, an bɔ a va an dére nya; Éé an tɔné lɛ soo bladi faa do do ma, Léé, maa tɔné dɔ we lɛ bélé mizuo?-?zan zo.

Ézai 51:16

Maa an dérenu paan i ’léé, Maa i tabuaan an bɛ furɔ nya. Maa ɛ lanu fwila yé maa ɛ tɛrɛ kɛlɛ, Yé maa ɛ fe Siɔn munu lɛ léé: Ka a anlé munu nya.

Ézai 51:4

Anlé munu, ’ka tɔné dɔ. Anlé bɛn, ’ka an ban ka tɔné nya. Bélidɔwe é dan si lɛ maa ɛ va, Maa dan anlé bélidɔwe kɛlɛ lɛ migɔnɔnu vakinisan nya.

Jérémi 1:9

Yé Gakelebale é bɛ soi, yé é bɛ mane an lɔlu ma. Yé é lé an lɛ léé: Bé ye, maa an dérenu pa i ’léé.

OZÉ (Osée) 12:14

Gakelebale Izraɛl si Éjipiti tɛrɛ la balelayezan do nya, yé Izraɛl tabinzan kɛlɛ balelayezan nya.

Amɔs 2:11

Maa ka be kenu kɛlɛ balelayezannu nya, yé maa ka va pɛniɛ kenu kɛlɛ nazirézannu nya. (’Bɛ gi léé, bopa é yɛramazan Gakelebale zé nya.) Izraɛlnu, a zoan é ke loo? A zo lé Gakelebale a fe.

Malasi 3:1

Ka ye, maa dan anlé nwunvɔzan pa lɛ zia; é dan zi ma’lɛrɛ lɛ an ’lɛ. Yé Mizan lé ka ke a naginina, é dan bɔra lɛ ka ma fiaa élé kɔn gi; gipawe dɛrɛ gizan lé ka bli bɔ a ma, yee lé é dan bɛoo bɛ; lai sunyanu lé Gakelebale ɛ fe.

Mi Nɔnɔle 12:13

Moizi siaa Gakelebale lɛ léé: Oo Bale, ilé zanté, ’i le ’ko béli ma.

Mi Nɔnɔle 23:16

Gakelebale da Balaam va, é dére pa a ’léé, yé é léé: ’I go Balak va, yé ’i dére ’ko fe a lɛ.

Mi Nɔnɔle 23:5

Gakelebale dére pa Balaam ’léé, yé é léé: ’I go Balak va, yé i dére ’ko fe a lɛ.

WENÉNÉ LÉ LUK A GYE (Évangile selon Luc) 24:19

Yé é lé wo lɛ léé: Mɛ we léé? Yé wo lé a lɛ léé: We lé é kɛlɛ Nazarɛtzan Jézu lɛ, yee lé. É a balelayezan lé é ke plɛplɛ we kɛlɛle valé dére fele gi Kazambale valé munu faa yuɛ va, a nya.

WENÉNÉ LE JAN A GYE (Évangile selon Jean) 1:21

Yé wa laa a lee léé: I a de ɛ nyaa? Éli lé i nyaa? Yé é léé: Maa ’ka ’bɛ nya lo. Yé wo léé: Balelayezan‐o bɛ, bii ɛ ke a nyaa? Yé é léé: Gba.

WENÉNÉ LE JAN A GYE (Évangile selon Jean) 1:25

Yé ’bɛnu we laa a lee léé: Dé i ’ka Krist nya lo, dé i ’ka Éli nya lo, dé i ’ka balelayezan‐o ’bɛ nya lo, mɛmalé i munu batizéwoo?

WENÉNÉ LE JAN A GYE (Évangile selon Jean) 1:45

Filip valé Natanaɛl kee, yé Filip lé a lɛ léé: Mi lé Moizi alé we gyɛ bélidɔwe gi yé balelayezannu a mawe fe, ko a ye, Nazarɛtzan Jézu, Jozɛfu be lé.

WENÉNÉ LE JAN A GYE (Évangile selon Jean) 12:48

Mi lé éé sɔn vɔa an ma, yé é ’ka tawoo an dérenu ta lo, alé weblezan ana; dérenu lé maa wo fe, wo ta lé Bale é dan alé we ble lɛ yi voéla nya.

WENÉNÉ LE JAN A GYE (Évangile selon Jean) 15:15

We lé mi a kɛla, a wuozan ’ka a dɔɔa lo, bɛwemalé maa ’ka ka laan an wuomunu é dɛrɛ lo; we faa lé maa a ’ma an Ti va, maa ka bɔn‐in kini a nya, bɛwemalé maa ka laa an béénu.

WENÉNÉ LE JAN A GYE (Évangile selon Jean) 17:18

Fɛan zo lé i an pa zia tɛrɛ la, a zo duo lé maa wo pa zia tɛrɛ la é ziin.

WENÉNÉ LE JAN A GYE (Évangile selon Jean) 17:8

yé dérenu lé bé pa an ’léé, maa a fe wo lɛ yé wa nyi si yé wa gi dɔɔ webozen nya léé, i va lé maa si, yé wo dɔ a ta léé, bii ɛ an pa zia.

WENÉNÉ LE JAN A GYE (Évangile selon Jean) 4:25

Lezan lé a lɛ léé: Maa a gi dɔɔ léé, Mɛsi é dan da lɛ, yee lé wa laama Krist. Dé é da, é dan we faa fe lɛ ko lɛ.

WENÉNÉ LE JAN A GYE (Évangile selon Jean) 8:28

Jézu lé wo lɛ léé: Yian nya lé ka dan maa blami Be dun lɛ, ’bɛ yi la, dé mi lé maa ke a nya, ka dan a dɔɔ lɛ, yé ka dan a dɔɔ lɛ léé, maa ’ka we do kpen kɛlɛna anbo ’wuo gi lo, naa, we lé an Ti a paa an gi, yee saa lé maa ke a fena.

Kelewenu 3:22

Moizi a fe léé: Mizan, kazé Bale, é dan mi do nwa lɛ ka lɛ ka bwenu méléna balelayezan nya bélé ’yee zo. We faa lé é dan a fe lɛ ka lɛ, ka dan ka tɔné dɔ lɛ a lɛ.

Kelewenu 7:37

Moizi ’ko ɛ we fe Izraɛl benu lɛ léé: Kazambale é dan mi do nwa lɛ ka lɛ ka bwenu méléna balelayezan nya bélé ’yee zo.

Bélidɔwesɛbɛ Fiézan 18:15

Gakelebale, kalé Bale é dan balelayezan do nwa lɛ ka bwenu méléna bélé maa zo; ’ka tɔné dɔ ’bɛ lɛ.

Bélidɔwesɛbɛ Fiézan 33:5

É a minwiinzan blɛn nya Izraɛl tɛrɛ la, Bléyian va lé munu nwiinzannu zén ékeva, Wo valé Izraɛl bɛnnu nya, a bléyi va.

Bélidɔwesɛbɛ Fiézan 34:10

Balelayezan lé é ke Moizi zo, ’té yee valé Gakelebale é ke dɔɔ wo ke yara, ’bɛzozan bɛ ’ka bɔra lɛ Izraɛl lo.

Bélidɔwesɛbɛ Fiézan 5:5

Maa dɔ Gakelebale valé kanu méléna, Gakelebale dére fele ka lɛ we gi; naa, ka a kanana kyɛ lee, yé ka ’ka gɔ gié lɛ lo, ’bɛzama. Gakelebale léé:

1 Timoté 2:5

Naa, Kazambale a do kpen, yé Kazambale valé munu pa ékemazan a é ziin do kpen, Jézu Krist lé é ke blami nya,

Ébrunu 7:22

’Bɛ zo lé Jézu kɛlɛ gipawe lé é ke é zima é mini a vininzan ta, a gizan nya.