Bélidɔwesɛbɛ Fiézan 18:12 - Kazambale lé Sebe Sauunu 1979

¹² Mi lé é ’bɛ zo wenu kɛla, é a bélé bo zo Gakelebale yuɛ gi; bozowenu ’ko lé we ma lé Gakelebale, kalé Bale é dan bɛn ’konu bin lɛ ka ’lɛ.

Bélidɔwesɛbɛ Fiézan 18:12 ပူးပေါင်းရင်းမြစ်များ

2 Minwiinzannu 23:24

’Bɛ ta loru, miléli laazanu koo, ’monédɔzannu koo, térafimnu koo, miyilinu koo, naanaafɛ faa lé wa ye Juda tɛrɛ la valé Jérusalɛm koo, Jozias wo si ana, bélidɔwe dérenu lé ke é gyɛle, sɛbɛ lé Balebanzan Ilkija a ye Gakelebale lé kɔn gi, a gi, tawole wo ta we gi.

Ézékiɛl 31:11

Amalé maa a pa bɛnnu va nyanabɛn lee, yé ’bɛ é dan we kɛlɛ lɛ a lɛ a bli nyané yɛrama; maa a bin.

Lévinu 18:24

Bɛnnu lé maa dan wo bin lɛ ka ’lɛ, we ’konu faa nya lé wobo tiri dɔa; amalé té ka kabo tiri dɔ we ’konu do nya lo.

Lévinu 18:25

Tɛrɛ boen tiri dɔ wo nya; maa dan we lɛdɔ lɛ a gi alé weplenu ma, yé tɛrɛ é dan féé lɛ é ta nyanazannu nya.

Lévinu 18:27

Munu lé wo nyana tɛrɛ ’ko la ka ’lɛ, wo bozowe ’konu faa kɛlɛ, yé tɛrɛ tiri dɔ.

Bélidɔwesɛbɛ Fiézan 14:27

Lévi mi lé é dan kɛlɛ lɛ ka va bɛ, té ka gi é san a ma lo, naa, azé fɛ ’ka ka va lo, yé ka valé wolé tɔnɔfɛ ’ka ékeva lo.

Bélidɔwesɛbɛ Fiézan 22:5

Té lezan é gɔnézan lé sɔ zén ’é ta lo; té gɔné ’é le lé sɔ zén ’é ta lo; mian é ’bɛ zo wenu kɛlɛ é a bélé bo zo Gakelebale, kalé Bale yuɛ gi, azama.

Bélidɔwesɛbɛ Fiézan 9:4

Dé Gakelebale, kalé Bale wo bin ka ’lɛ, té ka fe ka bli gi léé, ’wo tegele ma lé Gakelebale ’wo kɛlɛ tɛrɛ ’ko zannu nya lo; naa, bɛn ’konu lé wenyané ma lé Gakelebale, kalé Bale wo bin ka ’lɛ.

Bélidɔwesɛbɛ Fiézan 9:5

É ’ka kɛlɛ lɛ léé, kalé tawobɛ tegele valé ka bli tegele ma lé tɛrɛ ’ko kɛlɛ kazé nya lo; naa, bɛn ’konu bli nyané lé we ma lé Gakelebale, kalé Bale wo bin ka ’lɛ, yé é ziin, dére lé é a fe ébo ’nyɔɔnle nya ka tranu, Abraam koo, Izak koo, Jakɔb koo, wo lɛ, a dɔle gligli lé we ma lé é dan wo bin lɛ.