Bélidɔwesɛbɛ Fiézan 18:10 - Kazambale lé Sebe Sauunu 1979

¹⁰ Té ka va mi do kpen é be valé é lu gié kyɛ va lo; ’monédɔzan koo, monéné va ’monédɔzan koo, wi va ’monédɔzan koo, gyɛzorowe kɛlɛzan koo,

Bélidɔwesɛbɛ Fiézan 18:10 ပူးပေါင်းရင်းမြစ်များ

Wepélisiananu 44:5

Kana lé anzan éé ’yi minian a gi, ’té ébo ma we yé a gi, é ’ka ka lee loo? We ’ko ma, ka kɛlɛ naané.

2 Minwiinzannu 16:3

É tawo Izraɛl nwiinzannu lé tawobɛ gi; yé dé é a a be vɔle nya kyɛ vaoo, é ’bɛ kɛlɛ; bɛnnu lé Gakelebale wo bin Izraɛl ’lɛ, é go wolé naanaawe zuo.

2 Minwiinzannu 17:15

Wo sɔn vɔ alé bélidɔwe koo, gipawe lé é a kɛlɛ wo tinu va koo, wenu lé é a pla wo lɛ koo, wo ma. Wo go boafɛnu zuo yé wobozen kɛlɛ boazannu nya, yé bɛnnu lé ke wo zi, wo go wo zuo, dɔlé ’té Gakelebale a yi ga wo lee léé, té ’wo wo zuo sona lo.

2 Minwiinzannu 17:17

Wo ’wo benu valé ’wo lunu vɔ kyɛ va yé wobo nɔ ’moné dɔle valé yo kɛlɛle lɛ, yé we lé ke é naané Gakelebale yuɛ gi, wo ’wobo dan a kɛlɛle we ma, Gakelebale bli flile we gi.

2 Minwiinzannu 21:6

É é be vɔ kyɛ va; éé ’moné dɔa latinu valé ménénu nya wena yele we ma, yé é munu dɔ miléli laamunu nya, ’té woo tɛlɛ tɛlama we fé. We lé é ke é naané Gakelebale yuɛ gi, Manasé a kɛlɛle gi gyɛ, Gakelebale bli flile we ma.

2 Minwiinzannu 23:24

’Bɛ ta loru, miléli laazanu koo, ’monédɔzannu koo, térafimnu koo, miyilinu koo, naanaafɛ faa lé wa ye Juda tɛrɛ la valé Jérusalɛm koo, Jozias wo si ana, bélidɔwe dérenu lé ke é gyɛle, sɛbɛ lé Balebanzan Ilkija a ye Gakelebale lé kɔn gi, a gi, tawole wo ta we gi.

Minwiinzannu lé Wezuofe Sɛbɛ 10:13

Saul é yara si Gakelebale ta, amalé é ga; é ’ka a dére ta tawo lɛ lo, yé é go miléli laazannu va, yé é we laa wo lee.

2 Minwiinmunu lé Wezuofe Sɛbɛ 28:3

É lasikɔrɔ kyɛ ble Inom munu lé pɛnguru gi, yé é é benu kyɛ ble, bɛngɔnɔnu lé Gakelebale wo bin Izraɛl munu ’lɛ, wolé bozowe kɛlɛbɛ gi.

2 Minwiinmunu lé Wezuofe Sɛbɛ 33:6

É é benu kyɛ ble Inom benu lé pɛngurunu gi; éé ’moné dɔa latinu valé ménénu nya wena yele we ma, é ébo nɔ yokɛlɛle lɛ, yé é munu dɔ miléli laamunu nya, ’té woo tɛlɛ tɛlama we fé. We lé é ke é naané Gakelebale yuɛ gi, Manasé a kɛlɛle gi gyɛ, Gakelebale bli flile we ma.

Fwile 22:17

Dé a ti ’ka a nɔle a lɛ nyi si lɛ lo, é dan gɔɔli nɔ lɛ, blɛnnu lé wo ’ka tan gɔné dɔɔ lɛ lo, wo bogɔɔli ’léé nya.

Fwile 22:18

Té ka yokɛlɛlezan vo é yuɛma lo.

Ézai 47:13

I wɔlɛi nyaa i ma ’monédɔle nya, Munu lé woo la gi ginian, ’Té woo ’moné dɔa monénénu koo, moné dɛrɛ koo, wo va, ’Té we lé é dan bɔ lɛ i ma, ’té wa fé i lɛ, ’Wo nwa sin, ’wo i si we gi ma.

Jérémi 27:10

Naa, woo balelawe fé ka lɛ vié nya, léé, ka si kalé tɛrɛ la baa yé maa ka bin yé ka zamaga wo.

Jérémi 27:9

Yé kalé balelayezannu koo, kalé ’monédɔzannu koo, kalé nyɛgyɛzannu koo, kalé monénénu va ’monédɔzannu koo, kalé yokɛlɛzannu koo, we lé wa fena ka lɛ léé, ka ’ka dan pla lɛ Babilɔn nwiinzan blɛn wuo lo, té ka tɔné dɔ wo lɛ lo.

Jérémi 32:35

Wo gɔ nwiin yobannanu dɔ Baal zé nya, Bɛn‐Inom gɔ worona, léé, wo ’wo benu valé wo lunu kɛlɛ Mɔlɔk banfɛ nya. Maa ’ka a fe lɛ wo lɛ léé, wo ’bɛ zoɛ we kɛlɛ lo; yé é ’ka boenwo dɔ lɛ an ’wuo gi léé, woo ’bɛ zo dunuzénmitawe kɛla yé wo Juda munu kɛla wenyanékɛlɛzannu nya lo.

Jérémi 7:31

Wo ’wolé yobannanu dɔ Tofɛt, gɔworona lé wa laama Bɛn‐Inom, ana, wo benu valé wo lunu kyɛblele ’bɛna we ma. We lé maa ’ka a vinin fe lɛ wo lɛ pelo, we lé a vinin ’ka dɔ lɛ an gi pelo, yee lé wa kɛlɛ.

Lévinu 19:26

Té ka fɛ do kpen ble é nyɛ nya lo. Té ka ’moné dɔ fɛ do kpen nya lo.

Lévinu 19:31

Té ka go miléli laamunu valé ’monédɔzannu va lo; te ka we laa wo lee lo, dé wo da ka tiri dɔ. Maa a Gakelebale, kalé Bale nya.

Lévinu 20:6

Dé mi do go miléli laamunu valé ’monédɔmunu va, yé é wo kɛlɛwe kɛlɛ, maa dan dɔ lɛ a ma yé maa dan a si lɛ élé munu va.

Misé 5:12

Maa dan kalé miyilinu valé kalé yofotonu sɛrɛ lɛ tata yé ka ’ka dan dia lɛ ka bɛ kɛlɛfɛ ’lɛ é dɛrɛ lo.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Kelewenu 19:19

Yokɛlɛmi kenu da wolé sɛbɛpanu nya, yé wa kyɛ ble munu faa yuɛ va. Sɛbɛnu vlɛ a gɔɔlifu baa yɔ do wɔlɛ soru.

Kelewenu 8:9

Mi do ana é kyɛn fla ’ko la, wa laama Simɔn. É a ébo kɛlɛna blɛn yo kɛlɛle nya, yé é Samari munu gi vuru.

Galasi munu 5:20

miyili banle koo, zɔɔ tanle koo, nyanézan kɛlɛle koo, zɔdɔle koo, maawole koo, zapale koo, zavɔle koo, kan kinile koo,

Bélidɔwesɛbɛ Fiézan 12:31

Té ka kɛlɛ ’bɛ zo Gakelebale, kalé Bale vazia lo; naa, wo ’wozé balenu bɔa, bozowe lé a gin éé dɔa Gakelebale nyé gi, a kɛlɛle nya; dé é a wo benu valé wo lunu kyɛblele nya wolé balenu bɔle we gioo, wa kɛla.

1 Samuɛl 15:23

Naa, lɛgamale a bélé ’moné dɔle zo, yé dɔle mi ma plɛplɛ a bélé yobanle valé miyilinu zo. I sɔn vɔ Gakelebale dére ma, amalé é sɔn vɔ i kɛlɛle minwiinzan nya ma é ziin.

1 Samuɛl 28:3

Samuɛl ga turu; Izraɛl faa a wuvɔ yé wa pa élé fla, Rama. Saul blagiézannu valé ’monédɔzannu si turu élé tɛrɛ la.

1 Samuɛl 28:7

Yé Saul lé é wuozannu lɛ léé: ’Ka blagié le gini an lɛ, yé an dan go lɛ we laa lɛ a lee. A wuomunu lé a lɛ léé: Bé ye, le do ana An‐Dɔɔ, blagié le lé.

1 Samuɛl 28:8

Saul ’é ma nɔla yé é sɔ bɛnu zén é ta yé é go mi fié nya é va. Wo bɔ lezan lé kɔn ’léé é béli. Saul lé a lɛ léé: We lé é dan bɔ lɛ tɛlɛ tɛlama, bé fe an lɛ migale léli do laale nya, yé mi lé maa dan a fe lɛ i lɛ, bé laa.

1 Samuɛl 28:9

Lezan lé a lɛ léé: Bé ye, we lé Saul a kɛlɛ yé é blagiézannu valé ’monédɔzannu si élé tɛrɛ la, bé gi dɔɔ. Mɛmalé i séli vɔ an lee anlé tɛrɛla nyaale we maa?