Bélidɔwesɛbɛ Fiézan 17:8 - Kazambale lé Sebe Sauunu 1979

⁸ Dé we do bɔ, dé migyɛwe léé, dé wesiale léé, dé mituowe léé, dé a blele kɛlɛ tɔntɔn ka ma, yé é a kɛlɛna zɔdɔwe nya kalé fla, ’ka nwa yé ’ka go fɛna lé Gakelebale, kalé Bale é dan si lɛ a va, ana.

Bélidɔwesɛbɛ Fiézan 17:8 ပူးပေါင်းရင်းမြစ်များ

2 Samuɛl 15:2

Éé nwaan é bladi tutu, ’té éé dɔa flagɔrɔ ’léé zi pɛn ma. Dé mi da élé we nya minwiinzan va, alé a blele we gi, Abusalɔm a laan yé é léé: I si fla kyɛn taa? Dé é a fe léé, ’é a bɛn ’ko valé bɛn ’ko nya Abusalɔm a fé a lɛ léé:

Minwiinzannu lé Wezuofe Sɛbɛ 26:29

Jiséaanu va, Kénania valé é bwenu kɛlɛ weblemunu valé wewuo?-?dɔmunu nya yé wo flawenu kɛlɛ.

Fwile 18:15

Moizi lé é na ti lɛ léé: Munu éé dan maa va we laale Kazambale lee we gi.

Fwile 18:26

Woo munu lé we blé yifaama; woo dan we plɛplɛnu nya Moizi va, ’té woo we kiénénu blé ’woboan.

Fwile 21:20

Dé mi do élé luu bla yili nya, dé gɔné léé, dé le léé, yé luu ga a lee, wo dan we lɛdɔ lɛ azan gi.

Fwile 21:22

Dé munu we sia yé wo vɔ bɔnzan lee, yé né so a ma za ma, yé we bɛ ’ka bɔ lɛ lo, le zana é dan ban dɔ lɛ wo nwiin, yé wo dan a banwo lɛ weblezannu yuɛ va.

Fwile 21:28

Dé gɔné léé, dé le léé, dé dirigɔné a gyɛ é béli nya yé é ga, wo dan dirigɔné gyɛ lɛ gɔlɛ nya yé é ga. Wo ’ka dan a wi ble lɛ lo, yé wo ’ka dan ga dɔ lɛ dirigɔnézan nwiin lo.

Fwile 22:2

É dan a lɛgi nɔ lɛ; dé we do ’ka a lee lo, wo dan a dan lɛ alé kyeenwole we ma. Dé dirigɔné léé, dé sokofale léé, dé ’bla léé, dé é a kyeenwo yé wo bɔ a ma a lee, é yuɛma, é dan a lɛgi nɔ lɛ fié. Dé wo bɔ kyeenzan ma kyeenwona kɔn ’wiile nya, dé wa gyɛ yé é ga, wo ’ka dan migyɛwe dɔ lɛ wo nwiin lo; naa, dé yiéyi lé, wo dan migyɛwe dɔ lɛ wo nwiin.

Fwile 22:8

Dé wo ’ka kyeenzan ye lɛ lo, kɔnzan é dan da lɛ Kazambale ’lɛ, a fele we gi léé, ’é ’ka é bɔluzan lé fɛnu si lɛ lo.

Ézékiɛl 44:24

Dé we bɔ munu méléna, é a lé wa we ble anlé bélidɔwenu yɛrama. É a lé wo anlé fɛtinu faa lé bélidɔwenu kɛlɛ, yé é a lé wo anlé flinyinu ye wolé yi nyané nya.

Agajé 2:11

Lai sunyanu lé Gakelebale léma: ’I bélidɔwe ’ko gi laa Balebanzannu lee:

Malasi 2:7

Balebanzannu a lai sunyanu lé Gakelebale lé nwunvɔzannu nya. Bale wo nwunvɔ léé, munu ’é wedɔɔle ’ma wo ’léé, yé ’wo bélidɔwe gi laa wo lee.

Mi Nɔnɔle 35:11

’ka flanu pa, flanu lé wo dan kɛlɛ lɛ ka yɔɔnanu nya, wo nya. Mi lé é ’ka mi gyɛ lɛ ébo yuɛ va lo, fla ’ko ’é kɛlɛ a yɔɔna nya.

Mi Nɔnɔle 35:16

Dé é kɛlɛ léé, mi do é bɔluzan bla foliɛwɔlɛ nya yé é ga, ’té migyɛzan lé; ’wa gyɛ ’é ga ma.

Bélidɔwesɛbɛ Fiézan 1:17

Dé wa we blena, té wo glɛ dɔ munu gi lo; ’wo tɔné dɔ mi kiéné lɛ bélé fɛan zo lé woo tɔné dɔa mi blɛn lɛ, a zo; té wo kana mi do kpen lee lo, naa, weblele a Bale zé nya. Dé we do wo kele, ’wo da a nya an va yé maa a gi ’ma.

Bélidɔwesɛbɛ Fiézan 12:11

Yé Gakelebale, kalé Bale, é dan fɛ do na si lɛ yé é dan ’é tɔ pa lɛ a ma. Fɛ faa lé maa a fena ka lɛ kyɔ, ka dan da lɛ wo nya yee ɛ na; kalé winu lé wa kyɛ blé koo, kalé sarakanu koo, kalé fɛvuzannu koo, kalé féifɛ vininnu koo, kalé bale kunle lɛ sɔɔ sarakanu koo, ka dan da lɛ wo nya yee ɛ na.

Bélidɔwesɛbɛ Fiézan 12:14

naa, winu lé wa kyɛ blé, ka dan wo nɔ lɛ fɛana lé Gakelebale é dan ana si lɛ ka bɛn do va, ana; we faa lé maa wo fe ka lɛ, ’bɛna lé ka dan wo kɛlɛ lɛ.

Bélidɔwesɛbɛ Fiézan 12:5

’Ka a nagini é nyanana, fɛna do lé Gakelebale, kalé Bale é dan a si lɛ ézé nya ka bɛnnu faa va, yé é tɔ pa a ma, ’ka go yee ɛ na.

Bélidɔwesɛbɛ Fiézan 19:17

dé é kɛlɛ za nya munu fié ’ko méléna, wo dan da lɛ Gakelebale koo, Balebanzannu koo, munu lé ke ’bɛ bléyi va weblezannu nya koo, wo va.

Bélidɔwesɛbɛ Fiézan 19:4

Migyɛzan lé é ’ka é bɔluzan gyɛ lɛ ébo lé blibɔmale nya lo, ’té é ’ka a nyanézan nya é kyɛn lo, yé é vlan buru ana ébo vole é yuɛma we gi, bélidɔwe ’ko a ’bɛzan zé nya.

Bélidɔwesɛbɛ Fiézan 21:5

’Bɛ zuo, Lévi kulunu, Balebanzannu, wo dan bié lɛ; naa, Gakelebale, kalé Bale wo si a va ’é bɔle valé mi drɔɔ vole Gakelebale tɔ nya we ma, yé wo ɛ zavɔwe faa valé mituowe faa yuɛ gi boo.

Bélidɔwesɛbɛ Fiézan 25:1

Dé munu we sia yé wo da wolé we nya weblezannu va, mi lé we ’ka a gyɛ lɛ lo, ’é vo, yé ’wo we dɔ wegyɛzan nwiin.