Bélidɔwesɛbɛ Fiézan 17:20 - Kazambale lé Sebe Sauunu 1979

²⁰ ’Bɛ zo lé é ’ka dan ébo kɛlɛ lɛ blɛn é bwenu ma lo, yé é ’ka dan si lɛ bélidɔwe ’konu va yé é nɔla, dé a bɛyilazia léé, dé a bɛbolazia léé, ana lo, yé é dan mɔn lɛ élé plale mi nwiin zi, yé yee valé élé nénu é dan mɔn lɛ Izraɛl.

Bélidɔwesɛbɛ Fiézan 17:20 ပူးပေါင်းရင်းမြစ်များ

2 Samuɛl 22:23

A déretawenu faa a an ’lɛ, An ’ka saan lɛ alé bélidɔwenu gi pelo.

1 Minwiinzannu 11:34

Maa ’ka dan bɛntɛrɛ faa si lɛ a lee lo, é dan vo lɛ minwiinzan nya élé tɛrɛla faa gi, an wuozan David lé maa a si a va, ’té éé anlé bélidɔwe sɔnnénu paan, ’té éé tawoo anlé bélidɔwenu ta bɛ, alé we ma.

1 Minwiinzannu 11:36

maa dan bɛn do vo lɛ a be lee, léé, té an wuozan David lé kyɛbɔ é diri an yara, Jérusalɛm lé maa a si a va an tɔ pale a ma we gi, ana lo.

1 Minwiinzannu 15:3

Wenyané faa lé a ti a kɛlɛ é vinin, ébo nɔ ’bɛ faa kɛlɛle lɛ; a bli faa ’ka Gakelebale, alé Bale lɛ, a tra David bli a fɛan zo, a zo lo.

1 Minwiinzannu 15:5

Naa, we lé ke tegele Gakelebale yuɛ gi, David a kɛlɛ, yé é ’ka é yara si lɛ alé bélidɔwe do kpen kɛlɛle ta lo alé tɛrɛla faa gi, ’té dé é ’ka Éti mi Uri lé we nya lo.

1 Minwiinzannu 2:3

’I Gakelebale, ilé Bale lé bélidɔwenu sɔnnénu pa, ’i tawo alé zinu ta, ’i alé bélidɔwe pun tawe kɛlɛ, ’i a dére tawe kɛlɛ, ’i alé webledére tawe kɛlɛ, ’i alé wepladére tawe kɛlɛ, fɛan zo lé wa gyɛ Moizi lé bélidɔwe gi, a zo, yé dé i wean kɛlɛoo, dé i go fɛanaoo, yé a lɛ é sɔɔ i lɛ é zima,

2 Minwiinzannu 10:30

Gakelebale lé Jéu lɛ léé: We lé ke tegele an yuɛ gi, bé kɛlɛ, yé i anlé blibɔmawe faa lɛ sɔɔ Akab lé munu vazia, amalé i benu é dan nyana lɛ Izraɛl lé webleblin ta fɔɔ yé é bɔ wo kulu ziɛnzan ma.

2 Minwiinzannu 14:10

I Édom munu kele aan wo bɛ, amalé i ibo kɛlɛ blɛn ibo zevɔle nyaa? Sin, i gi ’é nana i tɔ gi yé ’i vo i va. Boawe lé é dan bii valé Juda munu sɛrɛ lɛ ’naan, mɛmalé i kun ’bɛ kɛlɛle maa?

2 Minwiinmunu lé Wezuofe Sɛbɛ 25:19

I Édom munu kele aan wo bɛ, amalé i ibo kɛlɛ blɛn ibo zevɔle nyaa? Sin, ’i vo ilé fɛna. Boawe lé é dan bii valé Juda munu sɛrɛ lɛ ’naan, mɛmalé i kun ’bɛ kɛlɛle maa?

2 Minwiinmunu lé Wezuofe Sɛbɛ 26:16

Naa, dé é dɔ plɛplɛ, a bli a saan. É wenyané kɛlɛ Gakelebale élé Bale ma. É wɔra Gakelebale bangikɔn gi lasikɔrɔ kyɛblele we ma lasikɔrɔ kyɛblena.

2 Minwiinmunu lé Wezuofe Sɛbɛ 33:12

Alé kleblele gi é zanté vɔ Gakelebale alé Bale lɛ, yé é ’ébo kɛlɛ kiéné é tranu lé Bale ’lɛ.

2 Minwiinmunu lé Wezuofe Sɛbɛ 33:19

Alé bazorole koo, fɛan zo lé Bale alé bazoro dére ’ma koo, alé wenyanénu koo, alé yuɛ gi blanlenu koo, fɛnu lé é gɔ nwiin yobannanu kɛlɛ wona yé é miyilinu valé yofotonu dɔ ana alé bo kɛlɛle kiéné ’lɛ, wonu koo, ’bɛ a é gyɛle Ozai lé sɛbɛ gi.

2 Minwiinmunu lé Wezuofe Sɛbɛ 33:23

Yé é ’ka ébo kɛlɛ lɛ kiéné Gakelebale ’lɛ bélé a ti Manasé a kɛlɛ fɛan zo, a zo lo. Naa, yee Amon kɛlɛ weanwiinzan blɛn nya.

2 Minwiinmunu lé Wezuofe Sɛbɛ 34:27

Mi guru zana a gi dére valé bale pa mi ma dére lé maa a fe tɛrɛ ’ko valé a tamunu ma, bé ’ma aan wo, i bli kyɛ dɔ yé i ibo kɛlɛ kiéné Bale ’lɛ; i ilé sɔnu fia yé i wuvɔ an ’lɛ, bɛwemalé maa é ziin, maa ’ma. Yee lé Gakelebale a fe.

Lɛrɛvɔ Sɛbɛ 119:102

Bii ɛ we paan an gi, Amalé an ’ka daan ilé bélidɔwenu kɛlɛle ma lo.

Lɛrɛvɔ Sɛbɛ 132:12

Dé i benu tawo anlé gipawe ta, Yé anlé weplalenu lé maa paan wo gi, dé wa nyi si, ’Té wo é benu é ziin, ’bɛnu é dan nyana lɛ Lɛɛfaama ilé webleblin ta.

Lɛrɛvɔ Sɛbɛ 19:11

Wo wea é mini kyan lɛ, é mini kyan tegele kiɛre ta; Wo néné mini zɔrɔnyɔnɔ ta, é mini zɔrɔnyɔnɔ lé éé sié zɔrɔyoduo gi, ’té éé yoroan, a ta.

Wegɔnévɔlenu 10:27

Kanale Gakelebale lee éé mi yinu taa zén‐é a ta, naa, woo mi nyanénu lé lɛɛnu bɔié a ta.

Wegɔnévɔlenu 27:24

naa, fuafɛnu ’ka voo ana yifaama lo, yé tɔkoro ’ka mɔn‐o lɛɛfaama lo.

Bale Lé We Gifezan 8:13

Naa, wezin ’ka mi nyané zé nya lo, yé é ’ka mɔn‐o tɛrɛ la yé é mini furɔ lɛ lo; Kazambale lee kana ’ka a gi lo, azama.

Ézai 2:12

Naa, yi do ana lai sunyanu lé Gakelebale zé nya, ’bɛ yi la é dan nwa lɛ boblɛnzannu faa valé mi gini é yuɛzuozannu ma, yé miomian ébo kɛlɛ blɛn, Bale é dan nwa lɛ ’bɛzan ma, a tuale we gi.

Abaku 2:4

Bé ye, é blii boblɛn nya; a bli ’ka tegele lo. Naa, mi tegele éé voo é yuɛma élé blipale ma.

2 Korɛnt Munu 12:7

Té an blii boblɛn nya lo we gi wegɔɔnle zinnu ’ko lé we ma, Kazambale Satan lé nwunvɔzan do wɔra an kɔlɛ gi, é a an ma bélé léli zo, yé é an tua yé ’bɛ an bliile boblɛn nya yi ga.

Bélidɔwesɛbɛ Fiézan 12:25

Té ka ble lo, ka gi nanale we gi ka valé kalé nénu nya ka zuo, naa, we lé ke we drɔle nya Gakelebale yuɛ gi, dé mi ’bɛ kɛlɛ, ’bɛzan gi é dan nana lɛ.

Bélidɔwesɛbɛ Fiézan 12:28

We faa lé maa a fena ka lɛ, ’ka tɔné dɔ wo lɛ yé ’ka wo tawe kɛlɛ, ka gi nanale lɛɛfaama we gi, ka valé kalé nénu nya ka zuo; naa, we lé ke é zima valé é drɔle Gakelebale, kalé Bale yuɛ gi, dé ka ’bɛ kɛlɛ, ka gi é dan nana lɛ.

Bélidɔwesɛbɛ Fiézan 12:32

We lé maa a fena ka lɛ, ’ka wo lɛdɔma, ’ka wo ta tawo; té ka wo taa do kpen pa lo, té ka a do kpen si wo va lo.

Bélidɔwesɛbɛ Fiézan 17:11

Bélidɔwe lé wo dan a paa lɛ ka gi, ’bɛ valé we ’wuodɔdére lé wo dan a fe lɛ ka lɛ we blena, ’ka kɛlɛ a zo ’kyɛ, té ka a buu lo; we lé wa fe ka lɛ, té ka diéra, dé ka bɛyilazia léé, dé ka bɛbolazia léé, ana lo.

Bélidɔwesɛbɛ Fiézan 4:2

We lé maa a fena ka lɛ, té ka a taa do kpen pa lo, té ka a ke si a ta lo; naa, Gakelebale, kalé Bale lé bélidɔwenu lé maa a fena ka lɛ, ’ka wo ta we kɛlɛ.

Bélidɔwesɛbɛ Fiézan 5:32

We lé Gakelebale, kalé Bale a fe ka lɛ, ’ka a kɛlɛ é zima; dé ka bɛyila léé, dé ka bɛbola léé, té ka nɔla ana lo.

Bélidɔwesɛbɛ Fiézan 8:2

Zi faa lé Gakelebale, kalé Bale go ka nya a ta bwi gi, ka lɛɛ yɔ fié lo, a sele ’é dɔ ka gi ma; é a kɛlɛ ka tuale valé ka gidanle we gi, ka bli dɔɔle we ma, dé ka dan ’é sɔnnénu pa lɛɛ? dé ka ’ka dan wo pa lɛ loo? yé é a gi dɔɔ.

1 Piɛri 5:5

É ziin, ’kaa mi boronénu, ’ka pla mi segelenu wuo. Yé ’kaa faa, ’ka ka ke kun é zima we faa gi, bo kɛlɛle kiéné nya, naa, Kazambale éé dɔa boblɛnmunu ma, Yé éé zin kɛla bokiénémunu lɛ.

1 Samuɛl 10:25

Yé a se a minwiinzan blɛn lɛ fɛan zo, Samuɛl a gɔɔn munu lɛ. É a gyɛ sɛbɛ la yé é a pla Gakelebale ’lɛ. ’Bɛ zuo é munu pa zia wolé kɔn ’léé do do.

1 Samuɛl 15:23

Naa, lɛgamale a bélé ’moné dɔle zo, yé dɔle mi ma plɛplɛ a bélé yobanle valé miyilinu zo. I sɔn vɔ Gakelebale dére ma, amalé é sɔn vɔ i kɛlɛle minwiinzan nya ma é ziin.