Bélidɔwesɛbɛ Fiézan 17:2 - Kazambale lé Sebe Sauunu 1979

² Flanu lé Gakelebale, kalé Bale a nɔ ka lɛ bɛ, dé gɔné do lé, dé le do lé, dé ’bɛ a ka va wo va fla do ta yé we lé ké naané Gakelebale, kalé Bale yuɛ gi, dé azan a kɛlɛ yé é Bale lé gipawe sɛrɛ,

Bélidɔwesɛbɛ Fiézan 17:2 ပူးပေါင်းရင်းမြစ်များ

2 Minwiinzannu 18:12

wo ’ka tɔné dɔ lɛ Gakelebale, wolé Bale dére lɛ lo, yé wo alé gipawe sɛrɛ, yé we lé Gakelebale wuozan Moizi wo béli dɔ a nya, wo ’ka ’wo tɔné dɔ lɛ a lɛ lo, yé wo ’ka tawo lɛ a ta lo, azama.

2 Minwiinzannu 21:3

Gɔ nwiin yobannanu lé a ti Ézékia a zana a gi, é wo dɔ ana é ziin; é Baalnu bannanu dɔ; é Asataté miyili kɛlɛ, bélé Izraɛl nwiinzan Akab a kɛlɛ fɛan zo, a zo, yé é dia é bli la lagifɛnu faa ’lɛ, yé é wo bɔ.

JOB (Job) 31:28

’Té ’bɛ a é ziin weple lé weblemunu a ma we lɛdɔa mi gi, a nya, ’Té an sɔn vɔ kɔɔn Loru Bale ma é wo.

Fwile 22:19

Dé mian yi gyɛ wi va, wo dan ga dɔ lɛ a nwiin.

Fwile 22:20

Mian éé bale bɛnu baan Gakelebale pa gi, wo dan a si lɛ tɛrɛ la tata.

Jérémi 31:32

Gipawe lé maa a kɛlɛ wo tinu va, yian nya lé maa wo kun ’wo bɛ ma wo sile Éjipiti tɛrɛ la we ma, ’té wa sɛrɛ bɛ, dɔlé ’té maa a wozan nya, é ’ka dan kɛlɛ lɛ bélé ’bɛ gipawe zo lo. Maa Gakelebale ɛ ke a fena.

Jérémi 34:18

Munu lé wo anlé gipawe sɔnné sɛrɛ, ’té dére lé ko pa do wo nya, giéle nya diriboroné bɔile fié méléna bɛ, yé wo ’ka yee déretawenu kɛlɛ lɛ lo bɛ, maa dan wo pa lɛ munu lee.

Ézékiɛl 16:38

Maa dan ilé we ble lɛ bélé fɛan zo lé woo le bɛ zanaginizan valé mi nyɛ zana lomu lé we blé, a zo. Yé maa dan i kɛlɛ lɛ blifliémafɛ lé wa nyɛ zana maawobli nya, a nya.

OZÉ (Osée) 6:7

Wo anlé gipawe sɛrɛ bélé mi planu lé wo nya; ’bɛna lé wo yuɛi blan an ma.

OZÉ (Osée) 8:1

’Ka béli dɔ ka lɔ ma; nyanézan éé zunwo Gakelebale lé kɔn ta bélé gola zo; wo anlé gipawe sɛrɛ yé wo anlé bélidɔwe sɛrɛ, ’bɛzama.

Lévinu 20:2

Bé fe Izraɛl lé nénu lɛ léma: Dé Izraɛl lé nénu va mi do léé, dé bɛn bɛ mi lé ke é nyanale Izraɛlnu va, dé yee léé, dé é ’élé né do kɛlɛ Mɔlɔk banfɛ nya, wo dan we lɛdɔ lɛ a gi ga nya. Ana tɛrɛ la munu é dan gɔlɛ vuli lɛ a va.

Lévinu 26:15

dé ka lɔlu plɛn anlé bélidɔwenu ma, yé ka serele bo anlé gɔnɔlawenu ma, yé dé bɛwemalé ka ’ka an sɔnnénu faa pa lɛ lo, yé ka anlé gipawe sɛrɛ,

Lévinu 26:25

Maa dan da lɛ gwɔun nya ka va, yé ’bɛ é dan anlé gipawe lɛi pa lɛ; dé ka zén ékema kalé flanu ta, maa dan da lɛ migyɛgyɛ nya ka méléna, yé maa dan ka pa lɛ ka nyanézannu lee.

Bélidɔwesɛbɛ Fiézan 17:5

mi lé é we naané ’ko kɛlɛ, dé gɔné léé, dé le léé, ’ka da a nya kalé fla gɔrɔ ’léé yé ’ka gɔlɛ vuli a va, dé ’bɛ kaan lo, ’ka ga bɛ dɔ a nwiin. Dé é a le nyaoo, dé é a gɔné nyaoo, a zo lé wa kɛlɛ a lɛ.

Bélidɔwesɛbɛ Fiézan 29:18

Dé gɔné léé, dé le léé, dé migɔnɔ léé, dé bɛn léé, té ka va mi do kpen é bli si Gakelebale kolé Bale lɛ kyɔ yé é go bɛn ’konu lé balenu bɔ lo. Té ziriyili suni valé abisɛntiyili suni é kɛlɛ ka va lo.

Bélidɔwesɛbɛ Fiézan 29:25

Yé wo dan a zi pa lɛ wo lɛ léé: Gipawe lé Gakelebale wo tranu lé Bale a kɛlɛ wo va, bléyian va lé é wo si Éjipiti tɛrɛ la, wo sɔn vɔ a ma, ’bɛlé we ma.

Bélidɔwesɛbɛ Fiézan 31:20

Naa, an dan go lɛ munu ’konu nya tɛrɛ lé maa anbo ’nyɔɔn wo tranu lɛ léé, maa dan a nɔ lɛ wo lɛ, a ta. Tɛrɛ nyɔnɔzan lé. Wo dan fɛ ble lɛ, wo dan kan lɛ, wo dan bua lɛ. ’Bɛ zuo wo dan nɔla lɛ yé wo go bale bɛnu zuo, ’té woo wo bɔa; wo dan ’wo lɔlu plɛn lɛ an ma, yé wo dan anlé gipawe sɛrɛ lɛ;

Bélidɔwesɛbɛ Fiézan 4:23

’Ka yuɛ pa kabo va, gipawe lé Gakelebale, kalé Bale a kɛlɛ ka va, té é saan ka gi lo; miyili valé fɛ foto lé Gakelebale, kalé Bale a kɛlɛle yi ga ka lee, té ka wo kɛlɛ lo.

Ébrunu 10:28

Mi lé é Moizi lé bélidɔwe sɛrɛ, dé wa gya wenayezan fié valé yaa dére ta yé wo nyanai ’ka zén‐é a ta lo,

Jozué 23:16

Gipawe lé Gakelebale, kalé Bale, a kɛlɛ ka va, dé ka a sɛrɛ, dé ka bale bɛnu bɔ yé ka dia wo ’lɛ, Gakelebale lé bliflile é dan nwa lɛ ka ma yé ka dan zamaga wo lɛ é nya do, tɛrɛ zin lé é a nɔ ka lɛ, a ta.

Jozué 7:11

Izraɛl wenyané kɛlɛ; gi lé ko pa do wo nya, wa sɛrɛ; fɛnu lé wa nɔ bale pale wo ma nya, wa si; wa si kyeen nya yé wo go a nya é yɔɔle, yé wa yɔɔ wolé kɔnénu gi.

Jozué 7:15

Naa, mi lé balepamafɛ ke a lee, wo dan a si lɛ yé wo dan a kyɛ ble lɛ, yee valé fɛ faa lé ke azé nya; é Gakelebale lé gipawe sɛrɛ yé é we lɛrɛlɛrɛ kɛlɛ Izraɛl, ’bɛzama.

Weblezannu 2:20

Yé Gakelebale bli fli Izraɛl ma, yé é léma: Bɛn ’ko, gipawe lé maa a kɛlɛ wo tranu va, wa sɛrɛ yé wo ’ka an dére lɛdɔ lɛ a ma lo, bɛwemalé bɛn bɛnu lé Jozué wo vo yé é ga,

Weblezannu 6:31

Joas lé, munu lé wo da a va bɛ, wo lɛ léé: Ka dɔ Baal zuoo? Ka da bɔ lɛ a vaa? Miomian é dɔ Baal zuo, ’wa gyɛ kyɔ ma. Dé Baal a bale nya, wo a banna yara bua fɛan zo bɛ, ’ébo zé fe ma.