Bélidɔwesɛbɛ Fiézan 17:16 - Kazambale lé Sebe Sauunu 1979

¹⁶ Naa, té élé wisoonu kɛlɛ kiɛre lo; té é go munu nya Éjipiti tɛrɛ la wisoo kiɛre sile we gi lo; naa, Gakelebale lé ka lɛ léé, té ka nɔla zi ’ko la é ziin monomono lo.

Bélidɔwesɛbɛ Fiézan 17:16 ပူးပေါင်းရင်းမြစ်များ

2 Samuɛl 8:4

David wisoo ta sunyanu wuru sɔraa yɔ soru valé ganela sunyanu baa vu si a lee; yé é goro gana wisoonu gane zuo miinnu bɔi yé é wisoo yɔ soru vo goro ganale we ma.

1 Minwiinzannu 1:5

Agit be Adonija blii boblɛn nya fɔɔ yé é léé: Maa ɛ dan kɛlɛ lɛ minwiinzan nya. Yé é goro valé wisootazannu ye, é valé mi yɔ fié wɔlɛ vu lé woo vlan buruwo a ’lɛ, wo nya.

1 Minwiinzannu 4:26

Wisoo dɔna a wisookɔn gi baa yɔ do, yé vɔwisootazannu a mi baa suiɛdo.

1 Minwiinzannu 5:6

Sin, ’i munu bɔɔ pa léé, wo sɛdrɛyilinu vɔ an lɛ Liban tɛrɛ la. Anlé nyanamapamunu é dan kɛlɛ lɛ izé va, yé maa dan ilé nyanamapazannu banwo lɛ, gɔɔli ’léé lé i dan a fe lɛ, a nya; naa, bé gi dɔɔ léé, ko va mi do kpen ’ka yili vɔle dɔɔa bélé Sidɔn munu zo lo.

2 Minwiinmunu lé Wezuofe Sɛbɛ 1:16

Woo Salomɔn lé wisoonu lɔa Éjipiti tɛrɛ la. Minwiinzan lé yaawozannu palu do éé goo yé woo a lɔa é palu ma palu ma, a vlɛ lé wa nyi si, a nya.

2 Minwiinmunu lé Wezuofe Sɛbɛ 9:25

Salomɔn lé goro gana wisoonu a baa fié, ’té wo yiakɔn a, yé alé wisootasunyanu a mi baa suiɛdo. É wo nyana flanu lé goronu ke wona, wo ta, ’bɛ valé Jérusalɛm, minwiinzan blɛn sɔnɔ.

Lɛrɛvɔ Sɛbɛ 20:7

Maa a gi dɔɔ é kwakwa léé, Gakelebale éé nyɔnɔzénnwiinzan sié we gi; É dan alé bazorodére nyi si lɛ é nyanana sauunna la gi, É dan bɔ lɛ a va é bɛyi plɛplɛ nya.

Fwile 13:17

Faraɔn daan munu ma ’wo go aan wo, Kazambale ’ka go lɛ wo nya Filisitinu lé tɛrɛ la zi ta lo, dɔlé ’té ’bɛ a é pu; naa, Kazambale léé: Dé munu guli ye, dé wo bli é dan nɔla lɛ yé wo nɔla wo pa gi é ziin Éjipiti tɛrɛ laa?

Fwile 13:18

Naa, Kazambale go wo nya bwi gi zia, Wɛyi Sɔɔn vazia. Izraɛl lé nénu si Éjipiti tɛrɛ la gulidanfɛnu nya wo lee.

Fwile 14:13

Moizi lé munu lɛ léé: Té ka kana we do kpen lee lo, ’ka dɔ flee, yé Gakelebale é dan ka si lɛ we gi fɛan zo kyɔ, ka dan a ye lɛ; naa, Éjipiti munu lé ka wo yé kyɔ, ka ’ka dan wo ye lɛ é dɛrɛ monomono lo.

Ézai 2:7

Gɔɔlifu valé kyan a wolé tɛrɛ la di yé wolé fɛwezannu ’ka nyaan lo. Wisoo a é fanle wolé tɛrɛ la kaii, yé wolé gulidangoronu nɔnɔ ’léé ’ka lo.

Jérémi 42:19

’Kaa Juda munu lé ka vo ana, Gakelebale lé ka lɛ léé: Té ka go Éjipiti tɛrɛ la lo. Ka gi dɔɔ léé, maa a yi ga ka lee kyɔ.

Ézékiɛl 17:15

Naa, gɔnézan ’ko nwa Babilɔn nwiinzan blɛn ma. Yé é mi nwunvɔ Éjipitinu va, léé, ’wo wisoonu valé mi ’léé kiɛre nɔ ’é lɛ. Mi lé éé ’bɛ zo wenu kɛla, alé we nyian é dan wo lɛ yé é so we lee? É gipawe sɛrɛ; é dan so lɛ we lee?

OZÉ (Osée) 11:5

Wo ’ka dan nɔla lɛ Éjipiti tɛrɛ la lo; naa, wo ’ka a nyi si lɛ léé, wo da an va lo, amalé wo nwiinzan blɛn é dan kɛlɛ lɛ Asiri mi nya.

OZÉ (Osée) 14:3

Asirinu ’ka dan ko si lɛ we gi lo, ko ’ka dan vɔ lɛ wisoonu ta lo. Ko ’ka dan a fe lɛ é dɛrɛ ko bɛ panyanama lɛ léé, kolé Bale, lo. Naa, ti valé bugalazan woo nyanai zénle ’wo ta yé bii ɛ va.

Misé 5:10

Maa dan kalé flanu guru zana lɛ a gi kalé tɛrɛ la; maa dan kalé gulidankɔn plɛplɛnu faa guru zana lɛ a gi.

Bélidɔwesɛbɛ Fiézan 28:68

Gakelebale é dan go lɛ ka nya ’yitagoronu gi Éjipiti tɛrɛ la, yé zi lé é a fe léé, ka ’ka dan a ye lɛ é dɛrɛ lo, ka dan tawo lɛ ’bɛ ta. ’Bɛna lé ka dan kabo yaawo lɛ luugɔné valé luuda nya, yé ka lɔzan do kpen ’ka dan ye lɛ lo.

1 Samuɛl 8:11

É léé: Mi lé é dan pla lɛ ka nwiin é dan we kɛlɛ lɛ ka lɛ ’ko zo: É dan ka benu si lɛ, yé é dan wo pla lɛ élé goronu gi valé élé wisootamunu va, wolé vlan burule alé goro ’lɛ we ma;