Bélidɔwesɛbɛ Fiézan 17:12 - Kazambale lé Sebe Sauunu 1979

¹² Balebanzan lé Gakelebale, kalé Bale a dɔ Gakelebale bɔle we gi, dé mi do ébo kɛla blɛn yé é ’ka ’é tɔné dɔa ’bɛzan dére lɛ lo, dé é ’ka ’é tɔné dɔa weblezan dére lɛ lo, ’wo ga dɔ a nwiin.

Bélidɔwesɛbɛ Fiézan 17:12 ပူးပေါင်းရင်းမြစ်များ

Ezidras 10:8

Minwiinzannu valé mi segelenu léé, dé miomian ’ka go lɛ ana yi yaa wuo lo, wo dan alé fɛnu si lɛ a lee, yé é ’ka dan luugimunu zénle ékeva na ye lɛ é dɛrɛ lo.

Lɛrɛvɔ Sɛbɛ 19:13

Dé ɛ élé saanlenu gi dɔɔ? Wenyanénu lé maa wo kɛlɛ, ’té maa ’ka wo gi dɔɔa lo, ’I an ma we vo wolé we ma.

Wegɔnévɔlenu 21:11

Dé wo we lɛdɔ mimawenanazan gi, nékénéné mi gi éé kinié; dé wo we paa gikinizan gi, éé ’wuoatawe dɔɔan.

OZÉ (Osée) 4:4

Té mi do kpen é za vɔ lo, té mi do kpen é we vɔ mi lɛ lo, naa, ilé munu a zavɔmunu nya Balebanzannu va.

Zakari 3:7

Lai sunyanu lé Gakelebale léma: Dé i tawo anlé zinu ta, dé i an dérenu lɛdɔma, i dan kɛlɛ lɛ anlé munu lé weblezan nya, yé i dan kɛlɛ lɛ anlé gɔrɔ tabinzan nya, yé maa dan vole éboma nɔ lɛ i lɛ, munu lé wo ke é dɔle an ’lɛ ’ko, wo va.

Mi Nɔnɔle 15:30

Naa, dé tɛrɛlazan léé, dé bɛn léé, dé mi do we kɛlɛ yuɛma plɛplɛ nya, é maa Gakelebale sɔnɔ; é a lé wo mi ’ko si alé munu va.

Mi Nɔnɔle 15:31

É serele bo maa, Gakelebale dére ma; é maa, Gakelebale sɔnnénu sɛrɛ; ’wo ’bɛzan si wo va ma; alé weple a abo nwiin.

Matio 10:14

Dé wo ’ka ka bɛn si lɛ lo, dé wo ’ka ’wo tɔné dɔ lɛ ka dérenu lɛ lo, dé é a kɔn‐an nyaoo, dé é a fla‐an nyaoo, ’ka si ana wolé fɛna vungoi puole nya ka gane ma.

WENÉNÉ LÉ LUK A GYE (Évangile selon Luc) 10:16

Mi lé éé tɔné dɔa ka lɛ, éé tɔné dɔa an lɛ, yé mi lé éé sɔn vɔa ka ma, éé sɔn vɔa an ma; yé mi lé éé sɔn vɔa an ma, éé sɔn vɔa mi lé é an pa zia, a ma.

WENÉNÉ LE JAN A GYE (Évangile selon Jean) 12:48

Mi lé éé sɔn vɔa an ma, yé é ’ka tawoo an dérenu ta lo, alé weblezan ana; dérenu lé maa wo fe, wo ta lé Bale é dan alé we ble lɛ yi voéla nya.

WENÉNÉ LE JAN A GYE (Évangile selon Jean) 20:23

Mi lé ka a ma we vo alé wenyanénu lé we ma, wo ma we ’é vo; yé mi lé ka alé wenyanénu vo a nwiin, é dan vo lɛ a nwiin.

Bélidɔwesɛbɛ Fiézan 1:43

Maa a fe ka lɛ, naa, ka ’ka ka tɔné dɔ lɛ lo; dére lé Gakelebale a fe, ka a lɛgama, yé ka bli si kabo lɛ yé ka go gɔ mazia.

Bélidɔwesɛbɛ Fiézan 10:8

’Bɛ bléyi va Gakelebale Lévi bɛn si a va yé é lé wo lɛ léé, ’wo ’élé gipawe pagikɛsu kɔné si, yé ’wo dɔ ’é ’lɛ ’é bɔle we gi, yé wo munu drɔɔ vo ’é tɔ nya; yé Lévinu vo ’bɛ kɛlɛna fɔɔ kyɔ.

Bélidɔwesɛbɛ Fiézan 13:11

’Wa kɛlɛ a zo, Izraɛl munu faa lé a we ’male valé kanale we gi, yé wo ’ka ’bɛ zo wenaané kɛla ka méléna é dɛrɛ lo.

Bélidɔwesɛbɛ Fiézan 13:5

Ka ’bɛ balelayezan valé ’bɛ nyɛgyɛzan gyɛ, naa, é a ka nwana Gakelebale, kalé Bale lé é ka si luu gi Éjipiti tɛrɛ la, a ma, yé zi lé Gakelebale, kalé Bale a gɔɔn ka lɛ, é a a va léé, ’é ka si ’bɛ zi ta. ’Ka a gyɛ yé ’bɛ zo lé wenaané si ka méléna.

Bélidɔwesɛbɛ Fiézan 13:6

Dé i bu lé négɔné léé, dé i be léé, dé i lu léé, i na lé ka yiaan a nya saa do la, dé ’bɛ léé, i béé lé é sɔ i lɛ bélé ibozen zo, dé ’bɛ léé, dé wo va mi do da kyeen gi yé é lé i lɛ léé, kaa go, kaa bale bɛ bɔ, dé é a bale lé bii valé i tinu ’ka a dɔɔa é kyɛn lo, a nya,

Bélidɔwesɛbɛ Fiézan 17:13

’Bɛ zo lé ka dan wenaané si lɛ Izraɛlnu va, munu lé a ’male valé wo kanale we ma, yé wo ’ka ’wobo kɛla blɛn é dɛrɛ lo.

Bélidɔwesɛbɛ Fiézan 17:7

Wenayezannu ’é nwa fɛ vulile nya é vinin, yé ’bɛ zuo mi pɔnénu faa zén a gyɛle va. ’Bɛ zo lé ka dan wenaané si lɛ ka méléna.

Bélidɔwesɛbɛ Fiézan 18:20

Naa, balelayezan‐an é bli si ébo lɛ yé dére lé ’yee Gakelebale ’ka a fe lɛ a lɛ léé, é a fe lo, dé é ’bɛ dére fe ’é tɔ gi, ɛɛ, dé bale bɛ tɔ gi lé é a fe, balelayezan ’ko, wo dan we lɛdɔ lɛ a gi ga nya.

Bélidɔwesɛbɛ Fiézan 18:5

wo lé Gakelebale, kalé Bale a si a va ka bɛnnu faa gi, nyanama pale Gakelebale tɔ gi we ma, wo valé ’wo benu nya, yifaama.

Bélidɔwesɛbɛ Fiézan 18:7

yé é nyanama pa Gakelebale, kalé Bale tɔ gi, bélé é bwenu Lévinu faa lé woo dɔa Gakelebale ’lɛ, wo zo,

1 Tɛsalɔnik munu 4:2

Wenu lé ko wo pla ka lɛ Mizan Jézu dére nya, ka wo dɔɔ.

1 Tɛsalɔnik munu 4:8

Bɛwemalé mian éé sɔn vɔa we plalenu ’ko ma, é ’ka sɔn vɔ lɛ mi ma lo, naa, Kazambale lé é Léli Sauun nɔ ka lɛ, é sɔn vɔ yee ɛ ma.

1 Timoté 5:20

Munu lé woo wenyané kɛla, ’i wo saanna gɔɔn wo lɛ mi faa yuɛ va, kana zénle mi pɔnénu gi we ma.

Jozué 1:18

Mi faa lé wo dan sɔn vɔ lɛ i dére ma, yé wo ’ka i lɛdɔ lɛ a ma we faa lé bé fe wo lɛ, a gi lo, wo dan ga dɔ lɛ wo nwiin. ’Ibo dɔ gligli é wo, yé ’i bli ta dɔ plɛplɛ.

Weblezannu 20:13

Munu vɔnle lé wo ke Gibéa, ’ka wo pa ko lee sin, yé ko wo gyɛ, yé ko wenaané si Izraɛl tɛrɛ la. Naa, Bɛnjamɛn munu ’ka a va léé, ’wo tɔné dɔ ’wo bwenu, Izraɛlnu dére lɛ lo.

1 Samuɛl 3:13

Maa a fe a lɛ léé, maa dan an lɛdɔ lɛ alé munu gi lɛɛfaama, a glɛ ’ka lo, wenyané lé a benu a kɛlɛ, ’té wo ’wobo vɔn a nya bɛ, é a gi dɔɔ yé é ’ka we pla lɛ wo lɛ lo, a we ma.