Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Bélidɔwesɛbɛ Fiézan 17:11 - Kazambale lé Sebe Sauunu 1979

11 Bélidɔwe lé wo dan a paa lɛ ka gi, ’bɛ valé we ’wuodɔdére lé wo dan a fe lɛ ka lɛ we blena, ’ka kɛlɛ a zo ’kyɛ, té ka a buu lo; we lé wa fe ka lɛ, té ka diéra, dé ka bɛyilazia léé, dé ka bɛbolazia léé, ana lo.

အခန်းကိုကြည့်ပါ။ ကော်ပီ




Bélidɔwesɛbɛ Fiézan 17:11
16 ပူးပေါင်းရင်းမြစ်များ  

Yé minwiinzan léé: Joab ’ka i nwunvɔ lɛ lo ’naan, i da ibo ’wuo gii? Yé lezan a zi pa léé: Anzan minwiinzan, i léli a é yuɛma fɛan zo bɛ, bé gyɛ é wɔlɛ la, i ’ka paa lɛ a ma lo. Weboen lé, i wuozan Joab ɛ an nwunvɔ yé é dére ’konu faa pa i wuo le ’léé.


Dé é a i bɛyila nyaoo, dé é a i bɛbola nyaoo, té i nɔla ana lo, yé ’i gane si wenaané kɛlɛna zia.


yé bélidɔwenu faa lé Gakelebale a pa Moizi ’léé Izraɛl lé nénu zé nya, é a lé ka wo paa wo gi; bɛwemalé wo léé, té ka nwɛ mini lo.


Fɛna lé Gakelebale é dan si lɛ a va, we lé wa fe ka lɛ ’bɛna, ’ka dɔ a ta, yé we faa lé wa paa ka gi, ’ka yuɛ pa kabo va, ’ka we kɛlɛ ’bɛ yɛrama.


’Bɛ zo lé é ’ka dan ébo kɛlɛ lɛ blɛn é bwenu ma lo, yé é ’ka dan si lɛ bélidɔwe ’konu va yé é nɔla, dé a bɛyilazia léé, dé a bɛbolazia léé, ana lo, yé é dan mɔn lɛ élé plale mi nwiin zi, yé yee valé élé nénu é dan mɔn lɛ Izraɛl.


Dé munu we sia yé wo da wolé we nya weblezannu va, mi lé we ’ka a gyɛ lɛ lo, ’é vo, yé ’wo we dɔ wegyɛzan nwiin.


we faa lé maa ka béli dɔ wo nya kyɔ, dé ka ’ka nɔla lɛ ka bɛyila valé ka bɛbola yé ka go bale bɛnu zuo yé ka wo bɔ lo, Bale é dan wezin ’konu lɛ sɔɔ lɛ ka lɛ.


We lé Gakelebale, kalé Bale a fe ka lɛ, ’ka a kɛlɛ é zima; dé ka bɛyila léé, dé ka bɛbola léé, té ka nɔla ana lo.


’Bé sele dɔ munu gi léé, ’wo pla minwiinmunu faa wuo; ’wo wo lɛdɔma; nyanama zin gɔnɔ faa pale ’é sɔ wo lɛ;


’Ibo dɔ gligli é wo, yé ’i bli ta dɔ plɛplɛ, yé ’i we kɛlɛ yarapalale nya bélidɔwe lé an wuozan Moizi a nɔ i lɛ, a yɛrama; té i nɔla, dé i bɛyilazia léé, dé i bɛbolazia léé, ana lo, we faa lé bé kɛlɛle pélisia, a ’wuo plale we gi.


We faa lé wa gyɛ Moizi lé bélidɔwe sɛbɛ gi, ’ka yara pa a kɛlɛle valé a ta tawole ta tegele, té ka nɔla, dé ka bɛyilazia lé, dé ka bɛbolazia lé, ana lo.


Wonu lé, we tiridɔle lɔrɔ ke wo ma, amalé woo tawoo ’wo dɔbɛ kyɛn lé sɔlɛwe yɛrama bɛ, ’té woo sɔn vɔa mi plale wo nwiin ma bɛ, wozé é dan mini lɛ. Munu ’ko a yuɛmaplɛplɛzannu valé boblɛnzannu nya, yé wo ’ka kanaan laifuanu sɔnɔle ma lo,


Naa, duowo, nyɛgyɛmunu lé wo da ka méléna bɛ, wo ’wobo kɔlɛ tiri dɔa, ’té woo minwiinzannu yé wo yuɛ gi boamunu nya, ’té woo laifuanu sɔnɔan.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ