Bélidɔwesɛbɛ Fiézan 17:1 - Kazambale lé Sebe Sauunu 1979

¹ Dé é a diri nyaoo, dé é a ’bla nyaoo, dé fɛ do a a ma, ɛɛ, dé a fɛ do sɛrɛ, té i Gakelebale, ilé Bale ban a nya lo; ’bɛ a bélé bo zo Gakelebale, ilé Bale yuɛ gi.

Bélidɔwesɛbɛ Fiézan 17:1 ပူးပေါင်းရင်းမြစ်များ

Wepélisiananu 41:19

Dirida sɔrafié bɛ si yuu va wo zuo; wa é kwééle yé wa naané é baba; wo nɛ ’ka wo wɔlɛ ma lo; maa ’ka tan ’bɛ zoɛ dirida naanénu ye lɛ Éjipiti tɛrɛ faa la lo.

Fwile 12:5

’Blagɔnéné lé a lɛɛ ke do, ’té we do kpen ’ka a ma lo, yee lé. Dé ’blané léé, dé boliné léé, ka dan a si lɛ.

Wegɔnévɔlenu 11:1

Dabli fɛdan kilo a é naané Gakelebale yuɛ gi, naa, fɛ dan kilo lé poa tegele éé sɔa a lɛ.

Wegɔnévɔlenu 15:8

Mi nyanénu lé saraka a lɛrɛlɛrɛ Gakelebale yuɛ gi, naa, mi drɔlenu lé bazorole éé sɔa a lɛ.

Wegɔnévɔlenu 20:10

Kilo lé poa gɔnɔ fié valé fɛdangifɛ gɔnɔ fié, wo fiénu a é naané Gakelebale yuɛ gi.

Wegɔnévɔlenu 6:16

Fɛ suiɛdo ’ka sɔ lɛ Gakelebale lɛ lo, maa fé, a sɔrafié faa za a a gi:

Lévinu 1:3

Dé diri lé é dan a nɔ lɛ balebanwi lé wa kyɛ blé, a nya, a gɔné lé, we do kpen ’ka a ma lo, ’é yee ɛ nɔ; é a nɔ zén‐ékevasɔkɔn ’léé, Gakelebale ’lɛ, Gakelebale kɛlɛle a zinzan nya we gi.

Malasi 1:8

Dé ka an ban trubɛ yuɛ ’wiile nya, ’bɛ ’ka é naané loo? Dé ka an ban tunbowi valé wi lé é zanai, a nya, ’bɛ ’ka é naané loo? ’Ka nɔ ka nwiinzan lɛ do, é dan we lɛ a maa? É dan a nyi si lɛɛ? A zo lé lai sunyanu lé Gakelebale a fe.

Mi Nɔnɔle 29:8

Sarakabowinu lé ka dan wo kyɛ ble lɛ, ’té Gakelebale a gin sié néné, wo lé ke ’ko: dirigɔné boroné do koo, ’blagɔné do koo, lɛɛ do ’blané sɔrafié lé we do ’ka wo ma lo koo, woo lé.

Bélidɔwesɛbɛ Fiézan 15:21

Dé fɛ do a a ma, dé é tun boo, dé a yuɛ a ’wiile, dé tɔmase do a a ma, té i Gakelebale, ilé Bale ban a nya lo.

Bélidɔwesɛbɛ Fiézan 23:18

Dé i a bale kunle lɛ sɔɔna, dé bɔrɔdɛ ma gɔɔli léé, dé blen ma gɔɔli léé, ’bɛ gi lé bɔrɔdɛ gɔné, té i da ’bɛ nya Gakelebale, kalé Bale lé kɔn gi lo. Wo fiénu a bélé bo zo Gakelebale, kalé Bale yuɛ gi.

Bélidɔwesɛbɛ Fiézan 24:4

té a zana vininzan a si é na nya é ziin lo; é ’ka vo lɛ le tegele nya é dɛrɛ lo; we ’ko a bélé bo zo Gakelebale yuɛ gi; tɛrɛ lé Gakelebale, kalé Bale a nɔ ka lɛ tɔnɔfɛ nya, té ka wenyané kɛlɛ a ta lo.

Bélidɔwesɛbɛ Fiézan 25:16

Dé mian éé we’konu kɛla, dé mian éé weple kɛla, é a bélé bo zo Gakelebale kalé Bale yuɛ gi.

Bélidɔwesɛbɛ Fiézan 7:25

Wolé miyilinu lé ke wolé balenu nya, ka dan wo kyɛ ble lɛ. Té ka bli é bɔ wo ma gɔɔlifu valé wo ma kyan ma lo, té ka a si lo, dé é da kɛlɛ ka kunsan nya; wa bélé bo zo Gakelebale, kalé Bale yuɛ gi.

Ébrunu 9:14

’té Krist nyɛ nii? ’Bɛzé ’ka minié loo? Léli lé é ’ka gaan lo, ’bɛ nya lé ébo nɔ Kazambale lɛ saraka lé gun ’ka a ma lo, a nya. Kaa kɛlɛwenu lé wo tɔnɔ ’ka lo, a nyɛ ’ka dan wo si lɛ kaalé wevasibli gi yé kaa kɛlɛ Bale yuɛmale bɔzannu nya loo?

1 Piɛri 1:19

Krist lé ke bélé ’blané lé gyɛ ’ka a ma lo, ’té we do kpen ’ka a kɔlɛ ma lo, a zo, a nyɛ wezan nya lé Bale ka tabo.