Bélidɔwesɛbɛ Fiézan 16:16 - Kazambale lé Sebe Sauunu 1979

¹⁶ Lɛɛ do gɔnɔ yaa ka va gɔnénu faa é dan da lɛ Gakelebale, kalé Bale ’lɛ, fɛna do lé é dan a si lɛ a va, ana; buru lé lévɛn ’ka a va lo, ’bɛlé fɛti a do; flɛyinu lé fɛti a do; fɛti lé wa kɛla faa wuo, ’bɛ a do. Té ’wo da Gakelebale ’lɛ wo lee koro nya lo.

Bélidɔwesɛbɛ Fiézan 16:16 ပူးပေါင်းရင်းမြစ်များ

1 Minwiinzannu 9:25

Salomɔn Bale ban, balebanwi lé wa kyɛ blé, a nya, yé é bɔvɔ sarakanu bo lɛɛ do gɔnɔ yaa, balebanna lé é a kɛlɛ Gakelebale zé nya, a ta, yé é lasikɔrɔnu kyɛ ble, balebanna lé ke Gakelebale ’lɛ, a ta. Yé é kɔn dɔle lɛ sɔɔ.

2 Minwiinmunu lé Wezuofe Sɛbɛ 8:13

Fɛan Moizi a fe léé, wa nɔ yi faa do do ma koo, flinyinu koo, moné dɛrɛ bɔralenu koo, fɛtinu koo, wozé bléyi va, yee lé Salomɔn a no; lɛɛ do do gi fɛti yaa, buru lé lévɛn ’ka a va lo koo, flɛyinu lé fɛti koo, fɛti lé wa kɛla faa wuo koo, é ’bɛnu é kɛlɛ.

Ezidras 3:1

A moné sɔrafié bɔ ’té Izraɛlnu a wolé flanu la. Yé munu faa zén ékeva do Jérusalɛm.

Néémi 8:15

yé ’ka we ’ko zana dɔɔ Jérusalɛm valé fla faa la, léé: ’Ka go gɔ nwiin yé ɔliviyili bɛnu koo, bwi gi ɔliviyili bɛnu koo, yili lé wa laama miite, a bɛnu koo, yɔlaanu koo, yilinu lé wo kwɛɛ ke kiɛre koo, ’ka wo kini, nyanawuofaanu kɛlɛle wo nya we ma, wa gyɛ sɛbɛ gi fɛan zo, a zo.

Lɛrɛvɔ Sɛbɛ 122:4

Ana lé bɛnnu ilé gɔ gié, Gakelebale lé bɛnnu lé, Izraɛl lé bélidɔwe yɛrama, Gakelebale tɔ zin fele we ma.

Lɛrɛvɔ Sɛbɛ 84:7

Dé wa giéna Baka lé gɔworona, Wana nɔlaan fɛana ke é fanle ’yibɔnanu nya, a nya, Lɛɛ da, yé é ana fan drɔɔvole nya.

Lɛrɛvɔ Sɛbɛ 84:8

Wolé tawo bléyi va, wolé plɛplɛ taa zén wo ta, Yé wo ’wobo nagɔɔn Gakelebale lɛ Siɔn.

Lɛrɛvɔ Sɛbɛ 96:8

’Ka Gakelebale tɔ bɔ, a tɔ lé we ma, ’Ka da blɛnu nya, yé ’ka wɔra alé gɔrɔnu gi.

Fwile 34:20

I dan sokofale lé né vinin tabo lɛ ’blané nya; dé i ’ka a tabo lɛ lo, i dan a bɔrɔ yéli lɛ. I dan ilé négɔné vininzannu faa tabo lɛ; té i da an ’lɛ i lee koro nya lo.

Fwile 34:24

Naa, maa dan bɛnnu bin lɛ ka ’lɛ, yé maa dan ilé tɛrɛglɛnu buru so lɛ é zuo; bléyian va lé i go Gakelebale, ilé Bale ’lɛ, lɛɛ do gɔnɔ yaa bɛ, mi do kpen bli ’ka dan bɔ lɛ ilé tɛrɛ ma lo.

Ézai 23:18

Naa, a gooli valé a banwofɛ lé é a ye élé wenyané ma, é dan kɛlɛ lɛ Gakelebale zé nya, é ’ka dan a téé lɛ lo, yé é ’ka dan a tadɔ lɛ lo. Munu lé woo nyanaan Gakelebale ’lɛ, a gooli é dan kɛlɛ lɛ wolé fɛblele kiɛre valé wo tasɔ nɔnɔmi mafɛ nya.

Ézai 33:20

’Ka kolé fɛtikɛlɛfla, Siɔn nagini. Ka dan nyanana drɔɔ, Jérusalɛm ye lɛ ka yuɛ nya. É a bélé sɔkɔn lé wo ’ka goan fɛ bɛna é dɛrɛ lo, a zo, yé wo ’ka dan a dɔplɛplɛyili soowɔla lɛ monomono lo, yé wo ’ka dan a balenu fuo lɛ a ma pelo.

Ézékiɛl 36:38

Maa dan fla sɛrɛle ’konu fan lɛ wo nya bélé trubɛnu lé wa pa é yɛrama Bale zé nya, a zo, trubɛnu lé wo go wo nya fɛti blɛn kɛlɛna Jérusalɛm, woo lé. Yé wo dan a gi dɔɔ lɛ léé, maa lé ke Gakelebale nya.

Lévinu 23:34

Bé fe Izraɛl lé nénu lɛ léma: Moné sɔrafiézan ’ko lé yi vu ta soruzan nya, é dan kɛlɛ lɛ fɛti lé wa kɛla faa wuo, a nya, Gakelebale tɔ bɔle we gi, yi sɔrafié.

Agajé 1:9

Ka bli a fɛ kiɛre lɛ, yé ka ye, fɛ sɛné a ka lee; ka da a nya ka va, yé maa fu fɛɛ a ta. Lai sunyanu lé Gakelebale léé: Mɛmaléé? Anlé kɔn sɛrɛ, azama, ’té ka kabo tunuan kabo lé kɔn dɔle we ma.

Matio 2:11

Wo wɔra kɔn gi, yé wo né kiéné valé é bu Mari ye. Wo dia ’wo bli la a ’lɛ yé wa bɔ. ’Bɛ zuo yé wo ’wolé fɛwezan kɔné fuo yé kyan koo, lasikɔrɔpo koo, lia lé wa laama miré koo, wo wo nɔ a lɛ a blan nya.

Maak 12:3

Yé wa kun, yé wa bla, yé wa bin é lee koro nya.

WENÉNÉ LE JAN A GYE (Évangile selon Jean) 7:2

Juifinu lé fɛti lé wa kɛla yɔlaaban wuo, é bɔ é pu.

Bélidɔwesɛbɛ Fiézan 16:15

Ka dan fɛti ’ko kɛlɛ lɛ yi sɔrafié, Gakelebale, kalé Bale bɔle we gi, fɛna do lé Gakelebale, kalé Bale é dan a si lɛ a va, ana; naa, Gakelebale, kalé Bale é dan kalé féinu faa valé kalé nyanama faa drɔɔ vo lɛ, yé ka dan kabo faa nɔ lɛ gi nanale lɛ.

Bélidɔwesɛbɛ Fiézan 16:17

Mi faa do do ’é fɛ nɔ, élé fɛ yebɛ yɛrama, Gakelebale, kalé Bale a drɔɔ vo fɛan zo, a yɛrama.

Bélidɔwesɛbɛ Fiézan 31:11

bléyian va lé Izraɛl faa éé dan Gakelebale, kalé Bale ’lɛ, fɛna do lé é a si a va, ana, ’bɛ bléyi va lé ka dan bélidɔwe ’ko ta fe lɛ Izraɛl faa lɛ, ’té wa maan.

1 Samuɛl 1:3

Lɛɛ do do gi, gɔné ’ko éé sié élé fla yé éé goo Silo diale é bli la we gi lai sunyanu lé Gakelebale ’lɛ, ’é valé a banle we gi. ’Bɛna lé Gakelebale banzannu fié ke, Éli benu Ofoni valé Finé lé.

1 Samuɛl 6:3

’Monédɔmunu lé wo lɛ léé: Dé ka a Izraɛl lé Bale lé kɛsu pana zia, té ka a pa zia é pla lo. Naa, ’ka kalé wenyané ma saraka bo Bale lɛ, yé ka dan béli lɛ, yé wean ma lé é ’ka é bɛ nyané sié ka ta lo, ka dan a gi dɔɔ lɛ.